नवी दिल्ली : Nothing phone (1) ची गेल्या अनेक दिवसांपासून चर्चा सुरू आहे. हा फोन १२ जुलैला जागतिक बाजारात लाँच होणार आहे. कंपनी सातत्याने या फोनच्या डिझाइन आणि फीचर्सचा खुलासा करत आहे. आता कंपनी फोनच्या लेझर इनग्रेव्ड डिझाइनच्या १०० लिमिटेड एडिशनचा लिलाव करणार आहे. Nothing phone (1) चे लेझर इनग्रेव्ड लिमिटेड एडिशनचा लिलाव होणार असून, यादरम्यान विक्री होणाऱ्या फोनवर विशेष नंबर असेल. हा नंबर EDITION (X/100) असा असेल. म्हणजेच बोलीप्रमाणे फोनवर नंबर दिसेल.

वाचा: Smartphone Tips: स्मार्टफोनची बॅटरी लवकर संपतेय? ‘या’ टिप्स फॉलो केल्यास वारंवार चार्ज करण्याची गरजच नाही

हा फोन २१ जून ते २३ जून दरम्यान StockX.com वर लिलावासाठी उपलब्ध होईल. जे ग्राहक जास्त बोली लावतील, त्यांना या लेटेस्ट एडिशनमधील स्मार्टफोन मिळेल. नथिंगने काही दिवसांपूर्वीच फोनच्या डिझाइनचा खुलासा केला आहे. यामध्ये कंपनीने फक्त फोनचे बॅक पॅनेल दाखवले आहे. आता फोनचे लिमिटेड एडिशन अनाउंसमेंट पोस्टर फोनचे साइड पॅनेल दर्शवतो. यामध्ये सिल्वर रंगाची मेटल फ्रेम आहे. यासोबतच, डाव्या बाजूला अँटिना बँड आणि एक पॉवर बटन देखील दिसत आहे. फोन ड्यूल रियर कॅमेऱ्यासह येण्याची शक्यता आहे.

वाचा: सोशल मीडिया यूजर्संनी हे नियम पाळावे, मोदी सरकारकडून ‘अलर्ट

Nothing phone (1) चे स्पेसिफिकेशन्स

Nothing phone (1) चे संभाव्य स्पेसिफिकेशन्स याआधीच समोर आले आहेत. फोनमध्ये ६.५५ इंच पंच-होल फुल एचडी+ डिस्प्ले मिळेल. याचे रिझॉल्यूशन १०८०x२४०० पिक्सल, रिफ्रेश रेट ९० आहे. फोन एक नो-चिन डिझाइनसह येईल. यामध्ये बॅक पॅनेलवर ५० मेगापिक्सल मुख्य लेंससह ड्यूल कॅमेरा दिला जाईल. यात क्वालकॉम स्नॅपड्रॅगन ७ झेन १ प्रोसेसरचा सपोर्ट दिला जाईल. या चिपसेटसह भारतात लाँच होणार हा पहिलाच स्मार्टफोन असेल. अन्य ब्रँडने अद्याप या प्रोसेसरसह फोन लाँच केलेला नाही. फोनमध्ये ६ जीबी आणि ८ जीबी रॅमसह १२८ जीबी इंटर्नल स्टोरेज दिले जाईल. तर पॉवर बॅकअपसाठी ४५ वॉट फास्ट चार्जिंग सपोर्टसह ४५०० एमएएचची दमदार बॅटरी मिळेल.

वाचा: Best Plans: स्वस्तात जास्त व्हॅलिडिटी ! जिओचे ८४ दिवसांची व्हॅलिडिटी आणि इतर बेनेफिट्ससह येणारे ‘ हे’ प्लान्स आहेत जबरदस्त



Source link

Leave a Reply

Your email address will not be published.