मुंबई- मालिका या रोज घराघरात पाहिल्या जातात. जर मालिकांसमोर प्रेक्षकांना खिळवून ठेवायचं असेल तर त्यात काही ना काही ट्रेंड आणावे लागतात. ज्याप्रमाणे काही पात्रं मालिकेच्या कथेतून गेली असं दाखवून उत्सुकता ताणवली जाते तशी नव्या पात्राची एण्ट्री हादेखील प्रेक्षकांची उत्सुकता वाढवण्याचा ट्रॅक असतो. गेल्या काही दिवसात मराठी मालिकांमध्ये नव्या पात्रांची एण्ट्री करून प्रेक्षकांचं मनोरंजन करण्याचा ट्रेंड जोरात आहे, असाच ट्रॅक लवकरच येणार आहे ठिपक्यांची रांगोळी या मालिकेत.

VIDEO: मंदाना करिमीने बुरखा घालून केला डान्स, नंतर जे झालं ते इथे वाचा

शशांक आणि अपूर्वा यांची हटके लव्हस्टोरी आणि एकत्र कुटुंबातील भावनिक चढउतार यावर बेतलेल्या या मालिकेने प्रेक्षकांचं मन जिंकण्यात बाजी मारली आहे. आता या मालिकेत दादामाईच्या मुलीची एण्ट्री होणार आहे. हे नवं पात्र साकारणाऱ्या अभिनेत्रीचं नाव चॅनेलने जाहीर केलं आहे. बिग बॉस फेम अभिनेत्री वीणा जगताप या नव्या भूमिकेतून एण्ट्री घेणार आहे.


मराठी मालिकांच्या टीआरपी आलेखात गेल्या अनेक महिन्यांपासून ठिपक्यांची रांगोळी या मालिकेने पहिल्या तीन क्रमांकात स्थान मिळवलं आहे. ही मालिका सुरू झाल्यापासूनच शशांक आणि अपूर्वा यांची जोडी प्रेक्षकांच्या आवडीची झाली आहे. शांत, समजूतदार शशांक आणि अवखळ बडबडी अपूर्वा यांची लव्हस्टोरी आणि आता त्यांच्या लग्नानंतरचे धमाल सीन यांना प्रेक्षकांनी भरभरून प्रतिसाद दिला आहे. एकत्र कुटुंबात येणाऱ्या अडचणी, वेगवेगळया स्वभावाच्या माणसांमुळे होणारे वाद, गैरसमज, पण समस्या सोडवण्यासाठी सर्वांचं सहकार्य असे अनेक पैलू या मालिकेच्या कथानकात आहेत.

शमशेराचं पोस्टर लीक, रणबीरचा लूक पाहून थक्क झाले चाहते

सध्या अप्पू आणि शशांक यांच्यात आलेल्या दुराव्याचा ट्रॅक प्रेक्षकांना खिळवून ठेवण्यात यशस्वी झाला आहे. या वळणावर दादा माईच्या मुलीच्या येण्याचा उल्लेख करण्यात आला. ही मुलगी म्हणजेच अभिनेत्री वीणा जगताप असणार हे नक्की झालं आहे. वीणा या नव्या भूमिकेत लवकरच स्क्रिनवर दिसणार आहे. ही भूमिका नेमकी कशी आहे हे अजून उघड झालेलं नाही. पण वीणाच्या चाहत्यांना मात्र आनंद झाला आहे.


यापूर्वी वीणाने तुझ्या माझ्या संसाराला आणि काय हवं या मालिकेत रेवा हे पात्र साकारलं होतं,. त्या मालिकेतही वीणाची नव्याने एण्ट्री होती. बिझनेस वूमन रेवा या तिच्या पात्राला प्रेक्षकांनी पसंती दिली. आई माझी काळूबाई या मालिकेत वीणाची एण्ट्री प्राजक्ता गायकवाडची रिप्लेसमेंट म्हणून झाली होती. प्राजक्ता आणि निर्मात्या अलका कुबल यांचा वाद झाल्याने प्राजक्ताने ही मालिका सोडली.

अरुंधतीचं विमानात बसायचं स्वप्न होणार पूर्ण, अनिरुद्धसाठी मोठा धक्का

त्यानंतर वीणा या मालिकेत आर्या या प्रमुख भूमिकेत दिसली, पण तिने तब्येतीच्या कारणास्तव या मालिकेला तीन महिन्यातच रामराम ठोकला होता. तिच्या जागी रश्मी अनपटने ही भूमिका स्वीकारली होती. ठिपक्यांची रांगोळी या मालिकेतील वीणाच्या एण्ट्रीची तिच्या चाहत्यांना उत्सुकता तर आहेच पण अशा काही दिवसांच्या एण्ट्री करणाऱ्या भूमिकांपेक्षा प्रमुख भूमिकांचा विचार कर असा सल्ला तिचे चाहते देत आहेत.

राधा प्रेम रंगी रंगली या मालिकेतून वीणाची छोट्या पडद्यावर एण्ट्री झाली. या मालिकेत वीणाची मुख्य भूमिका होती. बिग बॉस या शोमुळे वीणा अधिक चर्चेत आली. या शोमध्ये कोरिओग्राफर शिव ठाकरेशी वीणाचं प्रेम जुळलं. त्यांच्या लग्नाच्या चर्चाही सुरू झाल्या. पण नंतर मात्र त्यांचा ब्रेकअप झाला.

अभिनेत्री जुई गडकरी निघाली केदारनाथाच्या दर्शनाला





Source link

Leave a Reply

Your email address will not be published.