वॉशिंग्टन : अमेरिकन संसदेच्या कनिष्ठ सभागृहाच्या अध्यक्षा नॅन्सी पेलोसी यांनी तैवानचा दौरा पूर्ण केला आहे. नॅन्सी पेलोसी यांच्या तैवान दौऱ्यावरुन अमेरिका आणि चीन यांच्यातील तणाव वाढला आहे. चीननं अमेरिकेला पेलोसींच्या दौऱ्याचे गंभीर परिणाम भोगावे लागतील, असा इशारा दिला होता. चीननं नॅन्सी पेलोसींच्या दौऱ्याचा निषेध देखील केला होता. चीननं तैवानमधील तैपई विमानतळ उडवून देण्याची धमकी देखील दिली होती. अमेरिकेचे माजी अध्यक्ष डोनाल्ड ट्रम्प नॅन्सी पेलोसींवर मात्र भडकले आहेत. डोनाल्ड ट्रम्प यांच्या रिपब्लिकन पक्षाच्या नेत्यांनी मात्र पेलोसींच्या दौऱ्याचं स्वागत केलं आहे.

डोनाल्ड ट्रम्प भडकले

डोनाल्ड ट्रम्प यांनी ” वेड्या नॅन्सी पेलोसी तैवानमध्ये काय करत आहेत, त्या नेहमी अडचणी निर्माण करतात” असा आरोप केला. नॅन्सी पेलोसी या कोणत्याही गोष्टी योग्यपणे करु शकल्या नाहीत. त्यांना महाभियोगाचा प्रस्ताव देखील दोनवेळा योग्य प्रकारे हाताळता आला नाही, असा आरोप डोनाल्ट ट्रम्प यांनी केला.

सेना कुणाची? निर्णय द्यायला सुप्रीम कोर्टाची चालढकल, पृथ्वीबाबांची नाराजी, म्हणाले, कोर्टाचं चाललंय

डोनाल्ड ट्रम्प यांच्याकडे अमेरिकेचं अध्यक्षपद असताना त्यांच्यावर दोनवेळा महाभियोग प्रस्ताव आणला गेला होता. त्यामुळं ट्रम्प आणि रिपब्लिकन पक्ष नॅन्सी पेलोसी यांच्या विरोधात राहिला आहे. मात्र, रिपब्लिकन पक्षानं यावेळी नॅन्सी पेलोसी यांच्या तैवान दौऱ्याला पाठिंबा देण्याची भूमिका घेतली आहे. दुसरीकडे डोनाल्ड ट्रम्प यांनी नॅन्सी पेलोसींवर टीका केली आहे.

रिपब्लिकन पक्षाच्या नेत्या मिच मैककॉनेल आणि २५ खासदारांनी एक पत्रक जारी करत नॅन्सी पेलोसींच्या दौऱ्याचं समर्थन केलं आहे. दुसरीकडे डोनाल्ड ट्रम्प यांनी नॅन्सी पेलोसी यांच्यावर वेड्या असल्याची टीका केली आहे. डोनाल्ड ट्रम्प यांच्या आरोपाचं उत्तर नॅन्सी पेलोसी किंवा त्यांच्या प्रवक्त्याकडून देण्यात आलेलं नाही.

भारताला एकहाती विजय मिळवून दिल्यावर सूर्यकुमार यादवसाठी आली गूड न्यूज, पाहा काय घडलं…

नॅन्सी पेलोसींचं तैवानच्या संसदेला संबोधन

नॅन्सी पेलोसी यांनी चीनच्या धमक्यांकडे दुर्लक्ष करत तैवानच्या संसदेला मार्गदर्शन केलं. तैवानच्या तैपई विमानतळावर नॅन्सी पेलोसींचं ज्या प्रकारे स्वागत करण्यात आलं त्यामुळं चीन खवळला आहे. नॅन्सी पेलोसी यांनी गेल्या ४३ वर्षांपासून अमेरिकेचं जे नातं तैवान सोबत आहे ते कायम राहिल असं म्हटलं आहे.

वाढदिवशीच बॉडीबिल्डरचा दुर्दैवी अंत; २३ इंचाचे बायसेप्स बनवण्याचा हट्ट जीवावर

केसरकरांच्या फालतू आरोपावर उत्तर द्यायला आम्ही बांधील नाही | विनायक राऊत





Source link

Leave a Reply

Your email address will not be published.