मुंबई : राज्यात झालेल्या मोठ्या सत्तानाट्यामुळे शिवसेनेला मोठा धक्का बसला आहे. अशात महाराष्ट्रात शिवसेनेला पुन्हा ताकद देण्यासाठी आदित्य ठाकरे सध्या शिवसंवाद यात्रा करत आहेत. पण आता याच शिवसेनेला आपलं करण्यासाठी एकनाथ शिंदेंही शर्यतीत असल्याचं पाहायला मिळतं. अशात आता मुख्यमंत्री एकनाथ शिंदेही आदित्य ठाकरेंच्या पावलावर पाऊल ठेवत शिवसेना टिकवण्यासाठी प्रयत्न करत असल्याचं दिसत आहे.

पहिल्या टप्प्यात आदित्य ठाकरे यांनी राजकीय पाया मजबूत करण्यासाठी ज्या-ज्या जिल्ह्यांचा दौरा केला आहे, त्याच जिल्ह्यांमध्ये मुख्यमंत्री एकनाथ शिंदे हेदेखील शुक्रवारपासून मोठ्या मोहिमेला सुरुवात करत आहेत. त्यामुळे महाराष्ट्राच्या राजकारणात आता शिंदे विरुद्ध ठाकरे यांच्यातील राजकीय वर्चस्वाची लढाई आणखी तीव्र होणार आहे.

मुख्यमंत्री एकनाथ शिंदे यांचा राष्ट्रवादी काँग्रेसला धक्का, आणखी एका राजीनाम्याने खळबळ
शिवसेनेवर वर्चस्व प्रस्थापित करण्यासाठी संघर्ष

शिवसेना पक्षप्रमुख उद्धव ठाकरे यांच्या नेतृत्वाखालील असलेल्या महाविकास आघाडीशी काडीमोड करत एकनाथ शिंदे हे भाजपच्या मित्रपक्षातून मुख्यमंत्री बनले. इतकंच नाहीतर तर त्यांच्या या भूमिकेमुळे अनेक कट्टर शिवसैनिकांनी पक्ष सोडून शिंदे गटाला हात दिला. अशात आता शिवसेनेवर आपलं वर्चस्व प्रस्थापित करण्यासाठी राज्यात शर्यत सुरू आहे. आजोबा बाळासाहेब ठाकरे यांचा राजकीय वारसा पुन्हा मिळवण्यासाठी उद्धव ठाकरे यांचे पुत्र आणि शिवसेना युवा युनिटचे अध्यक्ष आदित्य ठाकरे महाराष्ट्रात ‘शिवसंवाद यात्रा’ करत आहेत.

आदित्य ठाकरे यांनी आपल्या यात्रेचा पहिला टप्पा भिवंडीतून सुरू केला आणि शिर्डीत संपवला. नाशिक, अहमदनगर, औरंगाबादसह काही जिल्ह्यातून हा प्रवास पार पडला. या यात्रेदरम्यान आदित्य ठाकरे एकनाथ शिंदेंवर आक्रमक असल्याचं पाहायला मिळालं. त्यांनी खेड्यात जाऊन नागरिकांच्या मनात पुन्हा शिवसेना जागी करण्याचा प्रयत्न केला. इतकंच नाहीतर आदित्य ठाकरे बंडखोर आमदारांवरही जोरदार टीका करताना दिसले.

आवश्यक सूचना! करोना लस घेतलेल्यांना मिळणार ५००० रुपये? वाचा काय आहे सत्य
आदित्य ठाकरेंच्या शिवसंवाद यात्रेला शिंदे देणार उत्तर

अशात आता मुख्यमंत्री एकनाथ शिंदे हेसुद्धा शुक्रवारपासून अधिकृत दौऱ्यावर निघाले आहेत. याच जिल्ह्यांमध्ये एकनाथ शिंदे हे तीन दिवस दौरा करणार असून आदित्य ठाकरेंच्या शिवसंवाद यात्रेला ते उत्तर देणार आहे. इतकंच नाहीतर आपल्या दौऱ्यात शिंदे त्या आमदारांची भेट घेणार आहेत ज्यांच्यावर शिवसंवाद यात्रेत आदित्य ठाकरेंनी टीका केली होती. यामुळे आदित्य ठाकरे यांनी दौऱ्यात निर्माण केलेलं वातावरण, शिंदे दौरा करून फ्लॉप करण्याची रणनीती असल्याची राजकीय चर्चा आहे.

एकनाथ शिंदेचा प्लॅन…

एकनाथ शिंदे नाशिक जिल्ह्यातील मालेगाव येथून तीन दिवसीय दौरा करत असून, ते विकास प्रकल्पांचे सादरीकरण तसेच कामांचा आढावा आणि उद्घाटन करणार आहेत. यानंतर ते पत्रकार परिषदेलाही संबोधित करणार आहेत. मालेगाव हा शिवसेनेचे बंडखोर आमदार दादाजी भुसे यांचा मतदारसंघ असून, इथे मुख्यमंत्री एकनाथ शिंदे यांची सभा होणार आहे. त्यानंतर ते औरंगाबादला रवाना होतील. यावेळी ते आमदार सुहास कांदे यांचीही भेट घेणार आहेत.

उद्धवसाहेबांना पाठिंबा द्यायचाय, नोकरी सोडतोय, इंदापूरच्या शिक्षकाचा तडकाफडकी राजीनामा
महाराष्ट्रात सध्या शिवसेनेला मिळवण्यासाठी उद्धव ठाकरे आणि एकनाथ शिंदे यांच्यात लढाई सुरू आहे. अशात शिंदे विरुद्ध ठाकरे असं दृश्य आता राज्यातील तीन जिल्ह्यांमध्ये पाहायला मिळत आहे. प्रवासाच्या पहिल्या टप्प्यात आदित्य ठाकरे ज्या जिल्ह्यांमधून गेले तिथे शिंदे गटाच्या आमदारांना लक्ष्य केलं गेलं. मुख्यमंत्री शिंदे हे त्याच तीन जिल्ह्यांच्या दौऱ्यावर असून, ज्या आमदारांवर आदित्य ठाकरेंनी प्रश्न उपस्थित केला आहे, त्याच आमदारांची भेट घेण्याचा कार्यक्रम त्यांनी आखला आहे. त्यामुळे भविष्यात महाराष्ट्राचा हा द्वंद्व आणखी वाढण्याची शक्यता आहे.

आधी कंडोम आणि आता…, सेक्स रॅकेट चालवणाऱ्या BJP नेत्याच्या फार्महाऊसवर सापडल्या धक्कादायक वस्तू



Source link

Leave a Reply

Your email address will not be published.