मुंबई : महाराष्ट्रात आज राज्यसभेच्या सहा जागांसाठी मतदान होणार असून महाविकास आघाडी आणि भाजपमध्ये चुरशीची लढाई होत आहे. आमचाच उमेदवार विजयी होणार, असा दावा दोन्ही बाजूंकडून करण्यात येत आहे. आमदारांच्या संख्याबळानुसार सध्या तरी महाविकास आघाडीचं पारडं जड दिसत आहे. मात्र भाजपनेही या निवडणुकीसाठी मेहनत घेतली असून ऐनवेळी शिवसेना उमेदवाराला धक्का देण्यासाठी शर्थीचे प्रयत्न केले जात आहेत. अशातच गुरुवारी रात्री उशिरा घडलेल्या काही घडामोडींमुळे शिवसेना उमेदवार संजय पवार यांची डोकेदुखी वाढली आहे.

राज्यसभा मतदानाची प्रक्रिया काही प्रमाणात क्लिष्ट समजली जाते. त्यामुळे ऐनवेळी काही गडबड होऊ नये म्हणनू काँग्रेस आणि राष्ट्रवादी आपापल्या उमेदवारांना ४२ मते देण्याऐवजी दोन ते तीन मतांचा कोटा वाढवून देण्याची शक्यताच अधिक आहे. त्यामुळे प्रफुल्ल पटेल यांना पहिल्या पसंतीचा ४४चा कोटा दिला जाईल. इम्रान प्रतापगढी हे थेट काँग्रेस नेत्या प्रियांका गांधी यांचेच उमेदवार असल्याने काँग्रेसकडील सगळा ४४चा कोटा त्यांना दिला जाईल, याचीच शक्यता अधिक आहे. असं झाल्यास आघाडीच्या म्हणजेच सेनेच्या दुसऱ्या उमेदवारांची पहिल्या पसंतीची मते ४० वरून ३६ वर येतील व चुरस अधिक वाढेल.

राष्ट्रवादी-शिवसेनेत बिघाडीची चर्चा; महाडिक म्हणाले, ‘आमचे तीन उमेदवार जिंकले हे आत्ताच जाहीर करा’

शिवसेनेला टक्कर देण्यासाठी भाजप सज्ज

भाजपने आपल्या पहिल्या दोन उमेदवारांना ४२चा कोटा दिल्यास त्यांच्याकडे ३३ मते शिल्लक राहतात. तसंच महाविकास आघाडीने आपल्या तीन उमेदवारांना ४२चा कोटा दिल्यास त्यांची ४० मते शिल्लक राहतात. परंतु काँग्रेस राष्ट्रवादीने आपल्या उमेदवाराचा कोटा वाढवल्यास हे गणित बदलणार आहे.

भाजपकडे किती मते?

या निवडणुकीसाठी भाजपकडे स्वतःची १०६ मते असून त्यांना राजू पाटील (मनसे-डोंबिवली), रत्नाकर गुट्टे (राष्ट्रीय समाज पक्ष-गंगाखेड), विनय कोरे (जनसुराज्य-शाहूवाडी), रवी राणा (अपक्ष-बडनेरा), प्रकाश आवाडे (अपक्ष-इचलकरंजी), महेश बालदी (अपक्ष- उरण), राजेंद्र विठ्ठल राऊत (अपक्ष-बार्शी) या सात आमदारांचा पाठिंबा आहे. गोंदियाचे अपक्ष आमदार विनोद अग्रवाल यांची पार्श्वभूमी संघाची असल्याने त्यांचा पाठिंबाही भाजपलाच मिळण्याची शक्यता आहे. मात्र अग्रवाल यांनी संजय पवार यांच्या उमेदवारी अर्जावर सही दिल्याने त्यांचे मत नक्की कुणाला जाणार, याबाबत अद्याप संभ्रम आहे.



Source link

Leave a Reply

Your email address will not be published.