मुंबई : राज्यसभा निवडणुकीत महाराष्ट्रातील सहा जागांपैकी ३ जागांवर भाजपनं विजय मिळवला. शिवसेना, राष्ट्रवादी काँग्रेस आणि काँग्रेसला १ जागा मिळाली. राज्यसभेचा निकाल जाहीर झाल्यापासून भाजप, शिवसेना आणि राष्ट्रवादी काँग्रेस यांच्याबद्दल चर्चा माध्यमात सुरु होती. युवक काँग्रेसचे माजी अध्यक्ष सत्यजीत तांबे यांनी केलेल्या एका ट्विटची चर्चा सुरु झाली. सत्यजीत तांबे यांनी ट्विटरवरुन काँग्रेसच्या राज्यसभा निवडणुकीतील विजयी उमेदवारांचं अभिनंदन केलं. त्यानंतर तांबे यांनी महाराष्ट्रातील राज्यसभा निवडणुकीतील विजयी खासदाराचं अभिनंदन करणारं ट्विट केलं. सत्यजीत तांबे यांच्या नेमक्या याचं ट्विटवरुन नेटकऱ्यांकडून ट्रोलिंगला सुरुवात करण्यात आली. त्यानंतर सत्यजीत तांबे यांनी पुन्हा एकदा इमरान प्रतापगढी यांना विजयाबद्दल शुभेच्छा दिल्या. इमरान प्रतापगढी यांनी देखील सत्यजीत तांबे यांचे आभार मानले.

सत्यजीत तांबे यांचं ट्विट नेमकं काय?
राज्यसभा निवडणुकीत काँग्रेसच्या उमेदवारांसह राष्ट्रवादीचे प्रफुल्ल भाई पटेल, शिवसेनेचे संजय राऊत साहेब तर भाजपचे पियुषजी गोयल, अनिल बोंडे साहेब व धनंजय महाडिक साहेब विजयी झाले. सर्व विजयी उमेदवारांचे अभिनंदन! हे सर्व सदस्य जनतेच्या प्रश्नांना नक्कीच न्याय देतील, असा विश्वास आहे, असं ट्विट सत्यजीत तांबे यांनी केलं होतं.

राऊतांचा अजितदादांच्या एक्क्यावर संशय, राजू शेट्टींचाही संताप, म्हणाले, ‘त्याला कधीच हाकललाय’
सत्यजीत तांबे यांनी महाराष्ट्रातील राज्यसभा निवडणुकीतील विजयी उमेदवारांचे फोटो पोस्ट करत शुभेच्छा दिल्या. मात्र, त्यामध्ये काँग्रेसच्या इरमान प्रतापगढींचा फोटो आणि उल्लेखही नसल्यानं काँग्रेस कार्यकर्ते आणि समर्थकांनी सत्यजीत तांबे यांच्यावर टीका करण्यास सुरुवात केली. सत्यजीत तांबे यांनी पुन्हा एकदा ३० मे रोजी केलेलं जुनं ट्विट पुन्हा शेअर केलं आणि इरमान प्रतापगढी यांना विजयाबद्दल शुभेच्छा दिल्या. इमरान प्रतापगढी यांनी देखील सत्यजीत तांबे यांचे आभार मानले.

देवेंद्र न कभी अकेला था, ना अकेला है, उनके साथ पुरी कायनात है : अमृता फडणवीस

राज्यसभा निवडणुकीत महाराष्ट्राच्या कोट्यातून महाराष्ट्रातील नेत्याला उमेदवारी देण्यात यावी, अशी राज्यातील नेत्यांची भूमिका होती. मात्र, केंद्रीय नेतृत्त्वानं प्रियांका गांधी यांचे निकटवर्तीय असलेल्या इमरान प्रतापगढी यांना उमेदवारी दिली. राज्यातील नेत्यांवर इरमान प्रतापगढी यांच्या विजयाची जबाबदारी होती. त्यामुळं काँग्रेसनं पहिल्या पसंतीची ४४ मतं आपल्या उमेदवाराला देत सतर्कता बाळगली होती.
Rajyasabha Election 2022: ‘शिवसेनेचा गेम राष्ट्रवादीनेच केला; मुख्यमंत्र्यांनी षडयंत्र ओळखावं’



Source link

Leave a Reply

Your email address will not be published.