मुंबई : ईडीच्या अटकेत असलेल्या शिवसेना खासदार संजय राऊत यांना न्यायालयाने ४ ऑगस्टपर्यंत कोठडी सुनावली आहे. ईडीने ८ दिवसांची कोठडी मागितली होती. पण राऊतांच्या वकिलांनी ठाम युक्तिवाद करताना संजय राऊतांनी ईडीला सगळ्या गोष्टीत सहकार्य केलंय. ८ दिवसांच्या ईडी कोठडीची गरज काय?, असा सवाल उपस्थित केला. त्यावर कोर्टाने ईडीची विनंती अमान्य करत ४ ऑगस्टपर्यंत ईडी कोठडी सुनावली. राऊतांना हृदयविकाराचा त्रास असल्याने रात्री साडे दहा नंतर राऊतांची चौकशी करण्यास कोर्टाने मज्जाव केलाय. दुसरीकडे पत्रा चाळ घोटाळ्यात प्रवीण राऊत केवळ मोहरा होता. या घोटाळ्याचे मुख्य सूत्रधार संजय राऊत हेच असल्याचं ईडीच्या वकिलांनी ठासून सांगितलं.

कथित पत्राचाळ गैरव्यवहार प्रकरणी संजय राऊतांना मध्यरात्री १२ वाजून ४० मिनिटांनी ईडीने अटक केली. आज सकाळी मेडिकल चेकअपसाठी जेजे रुग्णालयात आणण्यात आलं तर दुपारी २ वाजता त्यांना कोर्टात हजर करण्यात आलं. ज्येष्ठ वकील अशोक मुंदरगी यांनी संजय राऊत यांच्यावतीने जोरदार युक्तीवाद केला. संजय राऊत यांच्या मालकीच्या काही कंपन्या आहेत. या व्यवसायातून त्यांनी वैध मार्गाने पैसे कमावले आहेत, त्यांचा घोटाळ्याशी काडीमात्र संबंध नाही, असं अॅड. मुंदरगी यांनी सांगितलं. त्यावर पत्रा चाळ घोटाळ्यात प्रवीण राऊत केवळ मोहरा होता. या घोटाळ्याचे मुख्य सूत्रधार संजय राऊत हेच असल्याचं ईडीच्या वकिलांनी सांगितलं. तसेच राऊतांच्या ८ दिवसांच्या कोठडीची मागणी केली. राऊतांचे वकील अॅड मुंदरगी यांनी मात्र याला विरोध दर्शवताना संजय राऊतांनी ईडीला सगळ्या गोष्टीत सहकार्य केलंय. ८ दिवसांच्या ईडी कोठडीची गरज काय?, असा सवाल उपस्थित करत संजय राऊत हे हर्ट पेशंट आहेत त्यामुळे त्यांना कमी दिवसांची रिमांड द्यावी अशी मागणी केली. न्यायमूर्ती एम जी देशपांडे यांच्यासमोर ही सुनावणी झाली. दोन्ही बाजूंचा युक्तीवाद ऐकल्यानंतर न्यायालयाने राऊतांना ४ ऑगस्टपर्यंत कोठडी सुनावली.

ईडी वकिलांचा युक्तिवाद

पत्रा चाळ घोटाळा प्रकरणात संजय राऊत यांचा संबंध असून प्रवीण राऊत यांच्या माध्यमातून संजय राऊत यांनी पैसा मिळवला. प्रवीण राऊत फक्त मोहरा होता, खरे सूत्रधार संजय राऊत हेच होते, आमच्याकडे याचे पुरावे आहेत. तसेच राऊतांनी दोन साक्षीदारांना धमकावल्याचं ईडीच्या वकिलांनी न्यायालयाला सांगितलं. संजय राऊत यांना जर बेल मिळाली तर ते पुन्हा धमकाविण्याचं किंवा त्यापुढे जाऊन कृत्य करु शकतात, त्यामुळे त्यांना आठ दिवसांची कोठडी मिळावी, अशी मागणी ईडीच्या वकिलांनी केली. तसेच राऊत यांचे परदेश दौरे बिझनेसमन आणि विविध लोकांकडून पुरस्कृत केले जातात, याचं नेमकं कारण काय? असा सवाल करत प्रवीण राऊत हे संजय राऊतांना दर महिन्याला २ लाख देत होते, ते कशासाठी? असा प्रश्नांची सरबत्ती करत ईडीच्या वकिलांनी राऊतांच्या कोठडीसाठी ठाम युक्तिवाद केला.

राऊतांच्या वकिलांचा युक्तिवाद

ईडी सध्या राजकीय दबावाखाली काम करत असून संजय राऊत यांच्यावरील कारवाई हा त्याचाच भाग आहे. संजय राऊत यांच्या काही कंपन्या आहेत. त्यातून त्यांच्याकडे वैध मार्गातून पैसा आला आहे. त्यातूनच सर्व संपत्ती मिळवली आहे, असं सांगत ईडीचे सर्व आरोप राऊतांच्या वकिलांनी फेटाळून लावले.

याचप्रकरणाचा मुंबईच्या आर्थिक गुन्हे शाखेने २०२२ मध्ये केला. तेव्हा त्यांना यामध्ये कोणतंही गैरकृत्य आढळले नाही. पण राज्यात एक महिन्यानंतर सत्तांतर झालं की लगेच कारवाई कशी झाली असा सवाल करत राजकीय आकसापोटी कारवाई केली जात असल्याचं राऊतांच्या वकिलांनी नि:क्षून सांगितलं. संजय राऊतांनी ईडीला सगळ्या गोष्टीत सहकार्य केलंय. ८ दिवसांच्या ईडी कोठडीची गरज काय?, ते हर्ट पेशंट आहेत. त्यामुळे त्यांना कमीत कमी दिवसांची रिमांड द्यावी, असा युक्तिवाद संजय राऊत यांचे वकील अॅड. मुंदरगी यांनी केला.

राऊतांना जेलमध्ये कोणत्या गोष्टींची मुभा?

  • राऊतांना घरचं जेवण आणि औषध देण्याची मुभा
  • सकाळी साडे आठ ते साडे नऊ राऊत वकिलांना भेटू शकतात
  • रात्री साडे दहा नंतर राऊतांची चौकशी करु नये

वकील आणि पत्रकारांची कोर्टाबाहेर प्रचंड गर्दी झाली होती. पोलिसांना गर्दीवर नियंत्रण ठेवणे मुश्किल झाले होते. पोलिसांच्या अत्यंत ढिसाळ नियोजनामुळे विशेष न्यायाधीश एम. जी. देशपांडे यांच्या कोर्ट नंबर १६च्या बाहेर वारंवार धक्काबुक्की झाली. यात महिला पत्रकार व महिला वकिलांचेही प्रचंड हाल झाले.



Source link

Leave a Reply

Your email address will not be published.