Monthly Recharge Plans : देशातील प्रमुख टेलिकॉम कंपन्या BSNL, Jio, Airtel आणि VI या ग्राहकांना आकर्षित करण्यासाठी सातत्याने नवनवीन प्लान्स आणत असतात. एकमेकांना टक्कर देण्यासाठी कमी किंमतीत जास्त फायदे देणारे प्लान्स सादर करण्याचा कंपन्यांचा प्रयत्न असतो. टेलिकॉम कंपन्या अगदी डेली डेटाची सुविधा देणाऱ्या प्लान्सपासून ते वर्षभराच्या वैधतेसह येणारे प्लान्स ऑफर करतात. कंपन्यांकडून याआधी २१ दिवस, २४ दिवस आणि २८ दिवसांच्या वैधतेसह येणारे प्लान्स देखील सादर केले जात असे. मात्र, TRAI च्या (टेलिकॉम रेग्यूलेटरी अथॉरिटी ऑफ इंडिया) आदेशानंतर आता सर्व टेलिकॉम कंपन्या संपूर्ण १ महिना म्हणजेच ३० दिवस व ३१ दिवसांच्या वैधतेसह येणारे प्लान्स ऑफर करत आहेत. BSNL, Jio, Airtel आणि VI या चारही कंपन्यांकडे संपूर्ण महिन्याभराच्या वैधतेसह येणारे प्लान्स आहेत. या प्लान्सविषयी सविस्तर जाणून घेऊया.

​Jio चे शानदार प्लान

jio-

जिओकडे महिन्याभराच्या वैधतेसह येणारा २५९ रुपयांचा प्लान आहे. या प्लानमध्ये दररोज १.५ जीबी डेटा, अनलिमिटेड वॉइस कॉलिंग, दररोज १०० मोफत एसएमएस आणि जिओ सिनेमा, जिओ टीव्ही, जिओ क्लाउड सारख्या अ‍ॅप्सचे मोफत सबस्क्रिप्शन मिळेल. कंपनीकडे २९६ रुपयांचा प्लान देखील उपलब्ध आहे. यात महिन्याभरासाठी एकूण २५ जीबी डेटा, देशभरात सर्व नेटवर्कवर अनलिमिटेड वॉइस कॉलिंग, दररोज १०० एसएमएस आणि जिओ अ‍ॅप्सचा मोफत अ‍ॅक्सेस मिळतो.

वाचा: अरेच्चा! मनुष्याप्रमाणे विचार करू शकते Google चे AI चॅटबॉट, इंजिनिअरची नोकरी धोक्यात

​Airtel चे शानदार प्लान

airtel-

एअरटेलच्या महिन्याभराच्या वैधतेसह येणाऱ्या प्लानची किंमत २९६ रुपये आहे. यात एकूण २५ जीबी डेटा, अनलिमिटेड वॉइस कॉलिंग आणि दररोज १०० एसएमएस मिळतात. याशिवाय, Wynk Music, Apollo २४।७ Circle चे subscription, हेलोट्यून आणि FASTag वर १०० रुपये कॅशबॅक मिळेल. कंपनीकडे, ३१९ रुपयांचा देखील सानदार प्लान उपलब्ध आहे. यामध्ये महिन्याभरासाठी दररोज २ जीबी डेटा दिला जातो. या प्लानमधील इतर बेनिफिट्स २९६ रुपयांच्या प्लानप्रमाणेच आहेत.

वाचाः Microsoft Internet Explorer: २७ वर्षांनंतर मायक्रोसॉफ्ट इंटरनेट एक्सप्लोर उद्यापासून होत आहे बंद,

​VI चे शानदार प्लान

vi-

१९५ रुपयांच्या प्लानमध्ये महिन्याभरासाठी २ जीबी डेटा, एकूण ३०० एसएमएस आणि अनलिमिटेड वॉइस कॉलिंगची सुविधा मिळते. तसेच, कंपनीच्या ३१९ रुपयांच्या प्लानमध्ये दररोज २ जीबी डेटा, अनलिमिटेड वॉइस कॉलिंग, दररोज १०० एसएमएस दिले जातात. यात वीकेंड डेटा रोलओव्हर आण बिंज ऑलनाइटचा देखील फायदा मिळेल. याशिवाय, महिन्याभराच्या वैधतेसह येणारा ३३७ रुपयांचा प्लान देखील आहे. यात एकूण २८ जीबी डेटा, अनलिमिटेड कॉलिंग आणि दररोज १०० एसएमएस मिळतात. VI च्या या तिन्ही प्लान्समध्ये vi movies & tv चे मोफत सबस्क्रिप्शन मिळेल.

​BSNL चे शानदार प्लान

bsnl-

सरकारी टेलिकॉम कंपनी BSNL कडे महिन्याभराच्या वैधतेसह येणारा १४७ रुपयांचा प्लान आहे. यामध्ये अनलिमिटेड वॉइस कॉलिंग आणि १० जीबी डेटा मिळतो. याशिवाय, कंपनीकडे २४७ रुपयांचा प्लान देखील असून, एकूण ५० जीबी डेटा, अनलिमिटेड कॉलिंग, दररोज १०० एसएमएस आणि EROS Now चे मोफत सबस्क्रिप्शन मिळते. BSNL कडे २९९ रुपयांचा देखील प्लान उपलब्ध असून, यात दररोज ३ जीबी डेटा, अनलिमिटेड वॉइस कॉलिंग आणि दररोज १०० मोफत एसएमएसचा फायदा मिळेल.

वाचा: Father’s Day ला वडिलांना गिफ्ट देण्यासाठी बेस्ट आहे ‘हा’ स्मार्टफोन; किंमत कमी फीचर्स जबरदस्त



Source link

Leave a Reply

Your email address will not be published.