सदाभाऊ खोत यांनी हॉटेलची उधारी थकवल्याचे प्रकरण सध्या गाजत आहे. यावरून स्वाभिमानी शेतकरी संघटनेने सदाभाऊंना लक्ष्य केलं आहे. सदाभाऊंची उधारी आम्ही चुकती करू, त्यासाठी भीक मागू, असं स्वाभिमानीनं म्हटलं आहे.

 

swabhimani sanghatana taunts sadabhau khot
<p>राजू शेट्टी आणि सदाभाऊ खोत</p>

हायलाइट्स:

  • सदाभाऊंची उधारी भीक मागून चुकती करू
  • सदाभाऊ खोतांना स्वाभिमानीनं डिवचलं
  • खोतांच्या उधारीची राज्यात चर्चा
सांगली: सदाभाऊ खोत यांनी घेतलेली हॉटेलची उधारी भागवण्यासाठी राजू शेट्टींची स्वाभिमानी शेतकरी संघटना पुढे आली आहे. भीक मागून सदाभाऊ खोत यांची हॉटेलची उधारी भागवण्याचे स्वाभिमानी शेतकरी संघटनेचे तालुका अध्यक्ष भागवत जाधव यांनी जाहीर केले आहे.

माजी कृषी राज्यमंत्री सदाभाऊ खोत यांच्या हॉटेलच्या उधारीवरून सोलापूरमध्ये हॉटेल मालकाने थेट सदाभाऊंच्या ताफा अडवत जोरदार गोंधळ घातला होता. तर सदभाऊ खोतांनी थकवलेले हॉटलेचे बिल आणि उधारीवरून सांगोल्याचा हॉटेल चालकाने थेट सदाभाऊ यांच्याशी घातलेल्या हुज्जतीची संपूर्ण राज्यात जोरदार चर्चा सुरू आहे. या प्रकरणावरून स्वाभिमानी शेतकरी संघटनेने सदाभाऊ खोत यांना डिवचले आहे. सदाभाऊ खोत हे वाळवा तालुक्यातील आहेत. त्यामुळे त्यांना अडवून उधारी मागितली हा आमच्या वाळवा तालुक्याचा अपमान आहे. म्हणून आम्ही सदाभाऊ खोत यांची त्या हॉटेलची उधारी भागवण्यासाठी भीक मागणार आहोत आणि त्या पैशात न सदाभाऊ खोत यांचे हॉटेलची उधारी भागवणार आहोत.आमच्या वाळवा तालुक्याची बदनामी करू नका. ज्यांच्याकडे भाऊंची उधारी असेल त्यांनी आमच्याशी संपर्क करावा. आम्ही ती भीक मागून देऊ, असं भागवत जाधव यांनी जाहीर केले आहे.

जवळच्या शहरातील बातम्या

Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.

Web Title : we will repay debt taken by sadabhau khot says swabhimani shetkari sanghatana
Marathi News from Maharashtra Times, TIL Network



Source link

Leave a Reply

Your email address will not be published.