सिडनीः ऑस्ट्रेलियातील सिडनीच्या समुद्रकिनाऱ्यावर एक रहस्यमयी जीव सापडल्याने एकच खळबळ उडाली आहे. विचित्र दिसणारा हा जीव वाळूवरती मृतावस्थेत सापडला आहे. सुरुवातीला किनाऱ्यावर फिरणाऱ्या लोकांना या प्राण्याच्या जवळ जाण्यास भीती वाटत होती. मात्र, अनेक तासांपासून हा प्राणी कोणतीच हालचाल करत नाहीये हे पाहून त्याच्या जवळ जाण्याचा धीर केला.

समुद्री प्राण्याच्या जवळ गेल्यानंतर त्याच्या पाठिवर शेवाळं जमा झाल्याचं स्थानिकांच्या लक्षात आलं. दरम्यान, यापूर्वी कधीही असा प्राणी बघितला नाही, अशी प्रतिक्रिया स्थानिक लोक आणि वैज्ञानिकांनी दिली आहे. हा प्राणी खोल समुद्रात राहणारा असून उंच लाटांमुळं तो किनाऱ्यावर आला आहे, असं मत शास्त्रज्ञांनी मांडलं आहे.

वाचाः स्वाइन फ्लूने वाढवला ताप; मुंबईजवळच्या शहरांमधील वाढती रुग्णसंख्या धडकी भरवणारी

द मिरर रिपोर्टनुसार, सिडनी येथील ग्रीनहिल्स किनाऱ्यावर हा रहस्यमय जीव सापडला आहे. स्थानिक रहिवासी, विकी हेन्सनने याहू न्यूज ऑस्ट्रेलियाला दिलेल्या माहितीनुसार, शनिवारी सकाळी आपल्या पाळीव कुत्र्यासह किनाऱ्यावर फिरताना हा रहस्यमय जीव पहिल्यांदा दिसला. त्यानंतर तिने याचा व्हिडिओ बनवला. सुरुवातीला हा व्हिडिओ बनवताना तिलाही देखील भीती वाटली होती. मात्र, या प्राणी कोणतीच हालचाल करत नाहीये हे पाहून त्यांच्यात जवळ जाण्याची हिंमत झाली.

वाचाः ७५ वर्षांत पहिल्यांदाच असं घडलं; पाकिस्तानात पोलिस उपअधीक्षकपदी प्रथमच हिंदू महिला

या प्राण्याला समुद्राच्या किनाऱ्यावर चालताना बघितल्याचा दावा एका महिलेने केला आहे. किनाऱ्यावर मृतावस्थेत पडलेल्या या प्राण्याला बघण्यासाठी नागरिकांनी एकच गर्दी केली आहे. लोकं या प्राण्याची शारिरीक रचना राहून हैराण आहेत. ऑस्ट्रेलियातील समुद्री वैज्ञानिकांनी या प्राण्याला आपल्या ताब्यात घेतला आहे. या प्राण्याच्या प्रजातीची माहिती मिळाल्यानंतर त्याच्या मृत्यूचे कारण शोधण्यासाठी वैज्ञानिक प्रयत्न करणार आहेत.

वाचाः आंबेडकरी गाणी वाजवल्यामुळं दलित कुटुंबासोबत घडला अमानुष प्रकार; यवतमाळ जिल्ह्यातील घटना





Source link

Leave a Reply

Your email address will not be published.