Income Tax Return: दरवर्षी जुलै महिना सुरू झाला की इनकम टॅक्स रिटर्न (Income Tax Return) भरण्याची प्रक्रिया वेग पकडते. तुम्ही देखील उद्याप यावर्षी इनकम टॅक्स रिटर्न भरला नसल्यास ही प्रक्रिया त्वरित पूर्ण करावी लागेल. कारण आयटीआर फाइल करण्यासाठी खूपच कमी दिवस बाकी आहे. ३१ जुलै ही आयटीआर फाइल (ITR Filing) करण्याची शेवटची तारीख आहे. दोनच दिवस बाकी असले तरीही सरकार अद्याप आयटीआर फाइल करण्याची मुदत वाढवलेली नाही. याचा अर्थ तुम्हाला दोनच दिवसात ही प्रक्रिया पूर्ण करावी लागेल. तुम्ही जर करदाते असाल व ऑडिट करण्याची गरज नसल्यास शेवटच्या तारखेच्याआधी आयटीआर फाइल करणे गरजेचे आहे. तुम्ही जर अद्याप आयटीआर फाइल केला नसल्यास काळजी करण्याचे कारण नाही. तुम्ही सहज ऑनलाइन ही प्रक्रिया पूर्ण करू शकता. या प्रोसेसविषयी जाणून घेऊया.

​ITR फाइल करण्याची शेवटची तारीख

itr-

वर्ष २०२२-२३ साठी आयटीआर फाइल (Income Tax Return (ITR) ) करण्याची तारीख ३१ जुलै आहे. तुम्हाला जर वाटत असेल की सरकार या कालावधीत वाढ करेल. तर सरकारने अद्याप असा कोणताही निर्णय घेतलेला नाही. त्यामुळे पेनल्टीपासून वाचण्यासाठी त्वरित आयटीआर फाइल करणे गरजेचे आहे. तुम्ही ऑनलाइन देखील ही प्रक्रिया पूर्ण करू शकता. केवळ 80 वर्षांपेक्षा जास्त वयाच्या लोकांना ऑनलाइन ऐवजी प्रत्यक्ष रिटर्न भरण्याची परवानगी दिली आहे.

वाचा: फोटोग्राफीसाठी बेस्ट आहेत ‘हे’ स्मार्टफोन्स, किंमत २० हजार रुपयांपासून सुरू; पाहा फीचर्स

​ऑनलाइन ITR फाइल करण्यासाठी फॉलो करा ही प्रोसेस

-itr-
  • सर्वात प्रथम ई-फाइलिंग वेबसाइटवर जा.
  • तुमचे रजिस्ट्रेशन नसल्यास पॅन कार्डचा वापर करून रजिस्ट्रेशन करा.
  • आता पोर्टलवर लॉग इन करा.
  • ई-फाइलिंग टॅबवर क्लिक करा, त्यानंतर आयकर रिटर्न फाइल पर्याय निवडा.
  • आयटीआयर भरण्याचे वर्ष निवडून, पुढे प्रोसेस करा.
  • पुढे आयटीआर कॉपी अपलोड करण्यासाठी ऑनलाइन मोडचा पर्याय निवडा.
  • व्यक्तिगतरित्यात फाइल आयटीआरवर क्लिक करा.
  • त्यानंतर ITR 1 अथवा ITR 4 निवडून Proceed वर क्लिक करा.
  • आयटीआर फाइल करण्याचे कारण सांगा. मेन्यूमध्ये दिलेले पर्याय निवडू शकता.
  • सोबतच, आयटी रिफंड ट्रान्सफर करण्यासाठी बँक खात्याची माहिती द्या.
  • बँक व्याज दर, भांडवली नफा व आधी दिलेल्या माहितीच्या आधारावर आयटीआर कॉपी फाइल करा.
  • त्यानंतर आयटी विभाग, बंगळुरू कुरियरद्वारे आयटीआर कॉपी व्हेरिफाय करून वेबसाइटवर जमा करा.
  • तुम्ही बँक एटीएमच्या माध्यमातून ईव्हीसी अथवा आधार ओटीपीचा उपयोग करून देखील ई-रजिस्ट्रेशन करू शकता.

​जाणून घ्या ITR 1 आणि ITR 2 काय आहे?

-itr-1-itr-2-

वैयक्तिक करदात्यासाठी चार आयटीआर फॉर्म आहेत. ज्यात आयटीआर १, आयटीआर २, आयटीआर ३ आणि आयटीआर ४ चा समावेश आहे. प्रत्येक फॉर्ममध्ये करदात्याच्या अंतर्गत येणाऱ्या वेगवेगळ्या श्रेणी व उत्पन्नाचा समावेश आहे.

आयटीआर १: हा आयटीआर फॉर्म अशा रहिवासी व्यक्तींसाठी आहे ज्यांचे वेतन/पेन्शन, घराची मालमत्ता आणि शेती यासारख्या माध्यमातून होणारे उत्पन्न 50 लाखांपेक्षा कमी आहे.

आयटीआर २: यामध्ये आयटीआर १ मध्ये नमूद लिमिट ते ५० लाखांपेक्षा जास्त उत्पन्न असलेले लोकं येतात. भांडवली नफा, एकापेक्षा जास्त मालमत्ता, परदेशी कमाई, सॅलरी व पेंशन असणाऱ्या लोकं समावेश यात येतात.

वाचा: Smartphone Price Cut: Xiaomi च्या ‘या’ शानदार स्मार्टफोनच्या किमतीत झाली कपात, फोन १७ मिनिटांत होतो फुल चार्ज

​जाणून घ्या आयटीआर ३ आणि आयटीआर ४ बाबत

आयटीआर ३: हा फॉर्म अशा व्यक्ती अथवा हिंदू संघटित कुटुंबाद्वारे HUF भरला जातो, ज्यांचे उत्पन्न उद्योग अथवा इतर व्यवसायातून होते. सोबतच, सॅलरी, हाउस प्रॉपर्टी, भांडवली नफा, हॉर्स रेसिंग, लॉटरीद्वारे कमाई होत असल्यास हा फॉर्म भरू शकता.

आयटीआर ४: आयआटीआर ४ फॉर्म अशा व्यक्ती आणि एचयूएफसाठी आहे, जे पार्टनरशिप फर्म चालतात. इनकम टॅक्स कलम ४४एडी आणि ४४एई अंतर्गत उत्पन्न असल्यास हा फॉर्म भरावा लागतो. तसेच, पगार अथवा पेंशनच्या माध्यमातून ५० लाखांपेक्षा अधिक कमाई होत असल्यास हा फॉर्म भरावा.

​ITR व्हेरिफाय कसे कराल?

itr-
  • ITR फाइल करण्याची प्रक्रिया पूर्ण करण्यासाठी ई-व्हेरिफाय करणे गरजेचे आहे. असे न केल्यास आयटीआर स्विकारले जाणार नाही.
  • यासाठी सर्वात प्रथम ई-फाइलिंग वेबसाइटवर जा.
  • येथे क्विक लिंक्स अंतर्गत ई-व्हेरिफाय रिटर्नचा पर्याय दिसेल.
  • आता पॅन, असेसमेंट ईयर, पावती नंबर आणि मोबाइल नंबर इत्यादी माहिती भरा.
  • त्यानंतर तुमच्या रजिस्टर मोबाइलवर ओटीपी येईल.
  • ओटीपी सबमिट केल्यावर आयटीआर व्हेरिफाय होईल. अशाप्रकारे, तुम्ही सहज ऑनलाइन आयटीआर फाइल करू शकता.

वाचा: Jio चा सर्वात स्वस्त प्लान, १ वर्षासाठी Disney + Hotstar फ्री; किंमत ५०० रुपयांपेक्षा कमी



Source link

Leave a Reply

Your email address will not be published.