मुंबई: लोकप्रिय बॉलिवूड अभिनेत्री राधिका आपटे आणि वाद यांचं जुनं नातं आहे. राधिका तिच्या उत्कृष्ट अभिनयासाठी चाहत्यांमध्ये लोकप्रिय आहे. राधिकाने चित्रपटात साकारलेल्या प्रत्येक भूमिकेचं प्रेक्षकांकडून कौतुक झालं. त्यासोबतच चित्रपटातील बोल्ड सीनमुळे राधिका अनेकदा सोशल मीडियावर चर्चेत राहिली. राधिका पुन्हा चर्चेत आली असून तिनं सिनेसृष्टीतील एक धक्कादायक अनुभव शेअर केला आहे.
माझ्याबद्दल लोकांनी बऱ्याच गोष्टी सांगितल्या, पण… माधुरीनं केला रानबाजरमधील भूमिकेचा खुलासा

राधिकानं तिला आलेला सिनेसृ्ष्टीतील अनुभव नुकत्याच दिलेल्या एका मुलाखतीत शेअर केला आहे. नको ते कारण देऊन तिला चित्रपटासाठी नकार देण्यात आला होता. ‘ मला एका चित्रपटासाठी नकार देण्यात आला होता, त्याचं कारणही अगदी न पटणारं आणि विचित्र होतं. माझ्यापेक्षा दुसऱ्या एका अभिनेत्रीचे ओठ चांगले आहेत. तसंच तिची फिगर देखील चांगली होती. त्यामुळं ती जास्त शोभून दिसेल, असं ‘राधिकाला सांगण्यात आलं होतं.
स्मिता पाटील यांच्या एका फोननं अमिताभ यांची उडाली होती झोप, नक्की काय घडलं होतं?
करिअरच्या सुरुवातीला देखील राधिकाला बॉडीशेमींचे धक्कादायक अनुभव आल्याचं तिनं सांगितलं. चेहऱ्याची सर्जरी करण्याचाही सल्ला तिनं अनेकांनी दिला होता, असा खुलासाही राधिकानं केला.

राधिकाच्या कामाबद्दल बोलायचं झालं तर, राधिका लवकरच ‘फॉरेंसिक’ या चित्रपटातून प्रेक्षकांच्या भेटीला येणार आहेअभिनेता विक्रांत मेसीबरोबर ती या चित्रपटात काम करताना दिसेल.

अभिनयात ठसा उमटवणारी राधिका आता दिग्दर्शनातही आपली छाप पाडू पाहतेय. राधिकानं ‘स्लीपवॉकर’ (sleepwalkers) या लघुपटाद्वारे दिग्दर्शनात पाऊल टाकलं आहे. तिच्या या शॉर्टफिल्मची आंतरराष्ट्रीय स्तरावर दखल घेण्यात आली आहे. ‘पाल्म्स स्प्रिंग आंतरराष्ट्रीय शॉर्ट फेस्टिव्हल’मध्ये तिच्या या शॉर्ट फिल्मला पुरस्कार जाहीर झालाय. या लघुपटाला ‘बेस्ट मिडनाइट शॉर्ट पुरस्कार’ मिळाला असून, या लघुपटासाठी कथालेखनही तिनं केलंय.



Source link

Leave a Reply

Your email address will not be published.