Best Smartphones Under 15000: भारतीय बाजारात सॅमसंग, नोकिया, मोटो, रियलमी, रेडमी सारख्या कंपन्यांचे वेगवेगळ्या बजेटमध्ये येणारे असंख्य स्मार्टफोन्स उपलब्ध आहे. ग्राहक आपल्या बजेट व गरजेनुसार फोन खरेदी करत असतात. सध्या बाजारात कमी किंमतीत दमदार फीचर्ससह येणारे स्मार्टफोन्स उपलब्ध झाले आहेत. अगदी कमी किंमतीत शानदार डिस्प्ले, दमदार प्रोसेसर, पॉवरफुल बॅटरी आणि कॅमेऱ्यासह येणारे फोन्स उपलब्ध आहे. खासकरून १५ हजार रुपयांच्या बजेटमध्ये येणाऱ्या हँडसेट्सला भारतीय ग्राहकांची सर्वाधिक पसंती मिळते. तुमचे बजेट देखील १५ हजार रुपयांपर्यंत असल्यास बाजारात काही चांगले फोन्स उपलब्ध आहेत. या किंमतीत तुम्ही Realme C35, vivo T1X, SAMSUNG Galaxy F13, POCO M4 Pro 5G आणि Moto G71 5G सारखे शानदार स्मार्टफोन्स उपलब्ध आहे. १५ हजार रुपयांच्या बजेटमध्ये १२८ जीबी स्टोरेजसह येणाऱ्या या फोन्सविषयी सविस्तर जाणून घेऊया.

​Realme C35

realme-c35

Realme C35 मध्ये ६.६ इंच एचडी+ डिस्प्ले दिला असून, याचे रिझॉल्यूशन १०८०x२४०० पिक्सल आहे. फोनमध्ये Unisoc T६१६ ऑक्टाकोर प्रोसेसरसह ६ जीबी LPDDR४X रॅम आणि १२८ जीबी स्टोरेज मिळते. पॉवर बॅकअपसाठी १८ वॉट फास्ट चार्जिंग सपोर्टसह ५००० एमएएचची दमदार बॅटरी मिळते. फोनमध्ये रियरला ५० मेगापिक्सल + २ मेगापिक्सल + २ मेगापिक्सल आणि फ्रंटला ८ मेगापिक्सलचा कॅमेरा दिला आहे. या फोनची किंमत १५,९९९ रुपये आहे.

वाचा: Boult Audio ने लाँच केले ३२ तास नॉन-स्टॉप चालणारे इयरबड्स, किंमत फक्त २,४९९ रुपये

Vivo T1x

vivo-t1x

Vivo T1x मध्ये ६.५८ इंच फुल एचडी प्लस LCD डिस्प्ले दिला असून, याचा रिफ्रेश रेट ९० हर्ट्ज आहे. फोनमध्ये क्वॉलकॉम स्नॅपड्रॅगन ६८० प्रोसेसरचा सपोर्ट मिळतो. यात रियरला ५० मेगापिक्सल + २ मेगापिक्सलचा ड्यूल कॅमेरा सेटअप दिला आहे. तर फ्रंटला ८ मेगापिक्सलचा कॅमेरा मिळतो. विवोच्या या फोनमध्ये १८ वॉट फास्ट चार्जिंग सपोर्टसह ५००० एमएएचची दमदार बॅटरी दिली आहे. फोन रिव्हर्स चार्जिंग सपोर्ट करतो. डिव्हाइसच्या ६ जीबी रॅम + १२८ जीबी स्टोरेज व्हेरिएंटची किंमत १४,९९९ रुपये आहे.

​SAMSUNG Galaxy F13

samsung-galaxy-f13

SAMSUNG Galaxy F13 मध्ये ६.५ इंच फुल एचडी प्लस डिस्प्ले दिला आहे. फोन ऑक्टाकोर Exynos ८५० प्रोसेसरसह येतो. फोनमध्ये ट्रिपल रियर कॅमेरा सेटअप दिला असून, यात ५० मेगापिक्सल + २ मेगापिक्सल आणि अल्ट्रा वाइड कॅमेऱ्याचा समावेश आहे. तर फ्रंटला ८ मेगापिक्सलचा सेल्फी कॅमेरा मिळतो. यात १५ वॉट फास्ट चार्जिंग सपोर्टसह ६००० एमएएचची दमदार बॅटरी दिली आहे. फोनच्या ४ जीबी रॅम आणि १२८ जीबी स्टोरेज व्हेरिएंटची किंमत १२,९९९ रुपये आहे.

वाचा: स्मार्टफोनवरून मिनिटात डाउनलोड करू शकता e-PAN, खूपच सोपी आहे प्रोसेस

​POCO M4 Pro 5G

poco-m4-pro-5g

काही दिवसांपूर्वीच लाँच झालेला पोकोचा हा फोन ६.६ इंच फुल एचडी प्लस डॉट नॉच डिस्प्लेसह येतो. यात मीडियाटेक डायमेंसिटी ८१० प्रोसेसरसह ६ जीबी रॅम आणि १२८ जीबी स्टोरेज दिले आहे. तसेच, फोटोग्राफीसाठी ५० मेगापिक्सल + ८ मेगापिक्सल ड्यूल रियर कॅमेरा सेटअप दिला आहे. तर फ्रंटला १६ मेगापिक्सलचा कॅमेरा मिळतो. फोनच्या ६ जीबी रॅम + १२८ जीबी स्टोरेज व्हेरिएंटची किंमत १४,४९९ रुपये आहे.

​Moto G71 5G

moto-g71-5g

मोटोच्या या फोनमध्ये ६.४ इंच फुल एचडी प्लस एमोलेड डिस्प्ले दिला असून, याचा रिफ्रेश रेट ६० हर्ट्ज आहे. यात स्नॅपड्रॅगन ६९५ प्रोसेसरचा सपोर्ट दिला आहे. तसेच, फोटोग्राफीसाठी रियरला ५० मेगापिक्सल + ८ मेगापिक्सल + २ मेगापिक्सल आणि फ्रंटला १६ मेगापिक्सलचा कॅमेरा दिला आहे. पॉवर बॅकअपसाठी ३० वॉट टर्बो पॉवर फास्ट चार्जिंग सपोर्टसह ५००० एमएएचची बॅटरी दिली आहे. फोनच्या ६ जीबी + १२८ जीबी स्टोरेज व्हेरिएंटची किंमत १५,९९९ रुपये आहे.

वाचा: ५०MP कॅमेरा, ६GB रॅमसह येणाऱ्या Moto च्या स्मार्टफोनवर बंपर डिस्काउंट, १० हजार रुपयांच्या बजेटमध्ये करा खरेदी



Source link

Leave a Reply

Your email address will not be published.