नवी दिल्ली: Keeping Social Media Safe: सोशल मीडियाचे क्रेझ आणि वापर इतका वाढला आहे की, कित्येक युजर्स त्यांच्या वैयक्तिक आयुष्यातील प्रत्येक लहान-मोठा आनंद सोशल मीडिया प्लॅटफॉर्मवर शेअर करतात. Facebook , Twitter, Instagram, लिंक्डइन सारख्या प्लॅटफॉर्मवर, युजर्स पोस्टद्वारे त्यांचे फॉलोअर्स आणि मित्रांसह फोटो, व्हिडिओ किंवा विचार शेअर करतात. इतकंच नाही तर इतर युजरने शेअर केलेली पोस्ट आवडल्यास ती शेअरही करतात. पण, अनेकदा सोशल मीडियावर माहिती किंवा पोस्ट शेयर करतांना युजर्स आवश्यक ती काळजी घेत नाही. ज्याचे पुढे त्यांना गंभीर परिणाम भोगावे लागू शकतात. सोशल मीडियाचा वापर करताना नेमक्या कोणत्या गोष्टी लक्षात ठेवाव्या याबद्दल जर तुम्हाला काही शंका असतील तर ही विशेष माहिती तुमच्यासाठी.

वाचा: सोशल मीडिया यूजर्संनी हे नियम पाळावे, मोदी सरकारकडून ‘अलर्ट

सोशल मीडिया सुरक्षितपणे वापरण्यासाठी तुम्ही या ८ टिप्स फॉलो करू शकता:

१. सोशल मीडिया प्लॅटफॉर्म वापरल्यानंतर, आपल्या प्रोफाइलमधून लॉग आउट करण्याचे सुनिश्चित करा, जेणेकरून कोणीही आपले प्रोफाइल वापरू शकणार नाही. तसेच, तुमचे खाते हॅक होण्याचा धोका राहणार नाही.

२. तुमची कोणतीही माहिती सार्वजनिक करू नका. म्हणजेच, पब्लिक सर्च पासून तुमचे प्रोफाईल ब्लॉक करा.

३. तुमची सोशल मीडिया क्रेडेन्शियल्स म्हणजे युजरनेम आणि पासवर्ड इ. कोणाशीही शेअर करू नका.

४. सोशल मीडिया प्लॅटफॉर्मवर अनोळखी युजर्सच्या फ्रेंड रिक्वेस्ट कधीही Accept करू नका. जर तुम्ही एखाद्या युजर्सला ओळखत असाल तर फक्त त्यांची फ्रेंड रिक्वेस्ट स्वीकारा.

वाचा: Smartphone Tips : स्लो स्मार्टफोनचे टेन्शन विसरा, स्पीड होणार सुपरफास्ट, फॉलो करा ‘या’ सोप्पी टिप्स

५. सोशल मीडिया प्लॅटफॉर्मवर फोटो, स्टेटस शेअर करण्यापूर्वी, प्रत्येक छोट्या गोष्टीची काळजी घ्या. असे केल्यास तुमची कोणतीही वैयक्तिक माहिती चुकीच्या व्यक्तीकडे जाणार नाही.

६. तुमच्या सोशल मीडिया प्रोफाइलवर तुमच्या घराचा आणि ऑफिसचा पत्ता आणि लोकेशन कधीही शेअर करू नका.

७. सोशल मीडिया प्लॅटफॉर्मवर तुम्हाला पाठवलेल्या कोणत्याही संशयास्पद लिंक्स उघडू नका. असे केल्याने तुमची क्रेडेन्शियल्स सायबर गुन्हेगारांच्या हाती जाऊ शकतात आणि तुमचे खाते हॅक होऊ शकते.

८. सोशल मीडिया प्लॅटफॉर्मची गोपनीयता सेटिंग्ज High level वर किंवा Restricted स्तरावर सेट करा.

वाचा: Best Plans: वारंवार रिचार्जचे टेन्शनच नाही, ५ रुपये रोजच्या खर्चात ९० दिवसांची व्हॅलिडिटी, फ्री कॉल्ससह ‘हे’ फायदे, पाहा डिटेल्स



Source link

Leave a Reply

Your email address will not be published.