मुंबई: ‘माझी तुझी रेशीमगाठ’ (Mazhi Tuzhi Reshimgaath) या मालिकेतील सर्वाधिक चर्चा झालेला एपिसोड हल्लीच पार पडला. या मालिकेमध्ये यशवर्धन चौधरी आणि नेहा कामत यांच्या लग्नाचा हा एपिसोड. ‘विवाह स्पेशल’ एपिसोडमध्ये दोन तासाच्या भागात या जोडप्याचे लग्न दाखवण्यात आले. पण प्रेक्षक उत्सुक होते ते म्हणजे या भागात दाखवण्यात आलेल्या नव्या पात्रामुळे. हे पात्र कोण आहे? कोण साकारणार आहे? असे अनेक प्रश्न प्रेक्षकांच्या मनात होते. आता या सर्व प्रश्नांचा उलगडा झाला आहे. हे पात्र काय आहे आणि ते कोण साकारणार आहे, हे स्पष्ट झाले आहे.

जेव्हा या पात्राची एंट्री दाखवण्यात आली होती, तेव्हाच प्रेक्षकांनी अंदाज बांधला होता की हा नेहाचा पहिला नवरा (Neha’s Ex Husband entry in Mazhi Tuzhi Reshimgaath) असणार आहे. आता हे नक्की झालं आहे की तो नेहाचा नवराच आहे, तो कोण आहे हे देखील स्पष्ट झालं आहे.

हे वाचा-‘रंग माझा वेगळा’ फेम साईशा भोईरने सोडली मालिका, कोण साकारणार ‘कार्तिकी’?

नेहाचा पहिला नवरा अविनाथ ही भूमिका निखिल राजेशिर्के (Nikhil Rajeshirke) साकारत आहे. ‘रंग माझा वेगळा’मधून प्रसिद्धीस आलेला हा चेहरा आता ‘माझी तुझी रेशीमगाठ’मध्ये देखील दिसणार आहे. ‘रंग माझा वेगळा’मध्ये त्याने सुजय दाते ही भूमिका साकारली होती. निखिलने विविध मालिका, नाटकांमध्ये दमदार अभिनय केला आहे. तो लवकरच ७ दोन ७५ या सिनेमात देखील महत्त्वाच्या भूमिकेत दिसणार आहे. लगोरी, अजूनही बरसात आहे, छोटी माककीण या मालिकांमध्ये देखील त्याने भूमिका साकारली होती. ‘मुव्हींग आउट’ या वेब सीरिजमध्ये निखिलने अभिज्ञा भावेसह स्क्रीन शेअर केली होती.

हे वाचा-ठरलं! ‘तारक मेहता..मध्ये’ दिशा वकानी नव्हे तर ही अभिनेत्री असणार नवीन दयाबेन

‘माझी तुझी रेशीमगाठ’बाबत बोलायचं झालं तर यामध्ये निखिल ‘अविनाश’ ही भूमिका साकारताना दिसत आहे. ‘झी मराठी’ने त्याच्या एंट्रीचा एक प्रोमो सोशल मीडियावर शेअर केला आहे. ज्यामध्ये अविनाशचा नेहाविरोधात काय प्लॅन असणार आहे हे समजते. तो परीचा ड्रायव्हर म्हणून चौधरींच्या पॅलेसवर एंट्री करतो. यावेळी तो असं म्हणतो की, ‘नेहा तू माझी पत्नी नसलीस तरी काय झालं, परी माझी मुलगी आहे गं’. परी-नेहा आणि यश यांच्या आयुष्यात अविनाश नावाचं वादळ आल्यानंतर ‘माझी तुझी रेशीमगाठ’चं कथानक काय वळण घेतं हे पाहणं महत्त्वाचं ठरणार आहे.



Source link

Leave a Reply

Your email address will not be published.