Cheapest Recharge Plans: खासगी टेलिकॉम कंपन्या भारती एअरटेल, रिलायन्स जिओ आणि वोडाफोन आयडिया या एक महिन्याच्या नावाखाली ग्राहकांना २८ दिवसांच्या वैधतेसह येणारे प्लान्स ऑफर करतात. मात्र, ट्रायच्या आदेशानंतर आता कंपन्यांनी ३० दिवसांच्या वैधतेसह येणारे प्लान्स सादर करण्यास सुरुवात केली आहे. ट्रायच्या आदेशानंतर कंपन्या २८ दिवसांसोबतच ३० दिवसांच्या व्हॅलिडिटीसह येणारे प्लान्स सादर करत आहेत. गेल्या काही दिवसात Airtel, Vodafone Idea आणि BSNL ने संपूर्ण ३० दिवसांच्या वैधतेसह येणारे एकापेक्षा एक शानदार प्लान्स लाँच केले आहेत. विशेष म्हणजे या प्लान्सची किंमत १५० रुपयांपेक्षा कमी आहे. या प्रीपेड रिचार्ज प्लान्समध्ये तुम्हाला ३० दिवसांच्या वैधतेसोबतच डेटा, अनलिमिटेड वॉइस आणि मोफत कॉलिंगचा देखील फायदा मिळेल. अवघ्या १५० रुपयांच्या बजेटमध्ये ३० दिवसांची वैधता ऑफर करणाऱ्या Airtel, Vodafone Idea आणि BSNL च्या प्लान्सविषयी जाणून घेऊया.

​Vodafone Idea चा १३७ रुपयांचा प्लान

vodafone-idea-

खासगी टेलिकॉम कंपनी Vodafone Idea कडे १३७ रुपयांचा शानदार प्रीपेड प्लान उपलब्ध आहे. वीआयचा १३७ रुपयांचा प्लान ३० दिवसांच्या वैधतेसह येतो. या प्लानमध्ये यूजर्सला वॉइस कॉलिंगसाठी १० ऑन-नेट नाइट मिनिटं दिली जातात. सोबतच, सर्व कॉलसाठी २.५ पैसे/सेकंद शुल्क द्यावे लागते. नाइट कॉल मिनिट्स रात्री ११ ते सकाळी ६ वाजेपर्यंत उपलब्ध आहेत. याशिवाय, आउटगोइंग एसएमएससाठी तुम्हाला १/१.५/५ रुपये शुल्क द्यावे लागेल.

वाचा – Netflix, Amazon Prime आणि Hotstar एकदम फ्री, एकही रुपया अतिरिक्त न देता ‘या’ प्लान्समध्ये मिळेल अनेक फायदे

​Vodafone Idea चा १४१ रुपयांचा प्लान

vodafone-idea-

वीआयच्या १४१ रुपयांच्या प्लानची वैधता ३१ दिवस असून, यामध्ये वॉइस कॉलिंगसाठी रात्री ११ ते सकाळी ६ वाजेपर्यंत १० ऑन नेट नाइट मिनिटं दिली जातात. तसेच, कॉलिंगसाठी शुल्क देखील आकारले जाईल. तसेच, आउटगोइंग एसएमएससाठी तुम्हाला १/१.५/५ रुपये द्यावे लागतील.

Vodafone Idea चे १११ आणि १०७ रुपयांचे प्लान

Vi ने काही दिवसांपूर्वीच ३० दिवस आणि ३१ दिवसांच्या वैधतेसह येणारे प्लान्स सादर केले होते. या प्लान्सची किंमत क्रमशः १०७ रुपये आणि १११ रुपये आहे. डेटा वाउचर असल्याने यात एसएमएसची सुविधा मात्र मिळत नाही. १०७ रुपयांच्या प्लानमध्ये ३० दिवसांसाठी २०० एमबी डेटा आणि १११ रुपयांच्या प्लानमध्ये ३१ दिवसांसाठी २०० एमबी डेटा मिळेल.

​Airtel चा १०९ रुपयांचा प्लान

airtel-

एअरटेलच्या १०९ रुपयांच्या प्लानमध्ये ३० दिवसांसाठी ९९ रुपये टॉकटाइम, २०० एमबी डेटा दिला जातो. तसेच, लोकल व एसटीडी कॉलिंगसाठी २.५ पैसे प्रती सेकंद चार्ज लागेल. तसेच, एसएमएससाठी देखील अतिरिक्त शुल्क द्यावे लागेल.

Airtel चा १११ रुपयांचा प्लान

या प्लानमध्ये १०९ रुपयांच्या प्लानमध्ये मिळणारे सर्व बेनिफिट्स मिळतात. परंतु, या प्लानची वैधता ३१ दिवस आहे. प्लानमध्ये एसएमएस, कॉलिंग आणि डेटा बेनिफिट्स १०९ रुपयांच्या प्लानप्रमाणेच आहे.

वाचा: विराट कोहली वापरतो ‘हा’ शानदार स्मार्टफोन, पुढील महिन्यात भारतात होणार लाँच

​Airtel चा १२८ रुपयांचा प्लान

airtel-

१२८ रुपयांच्या प्लानमध्ये संपूर्ण महिन्याभरासाठी एकूण १२८ रुपये टॉक टाइम मिळेल. यात वॉइस कॉलिंगसाठी प्रती सेकंद २.५ पैसे चार्ज लागेल. तर व्हिडिओ कॉलिंगसाठी ५ पैसे प्रती सेकंद आणि डेटा चार्ज ५० पैसे प्रती एमबी आहे. तसेच, लोकल एसएमएससाठी १ रुपये आणि एसटीडी एसएमएससाठी १.५ रुपये द्यावे लागतील.

Airtel Rs 131 Recharge Plan:

एअरटेलच्या १३१ रुपयांच्या प्लानमध्ये तुम्हाला १२८ रुपयांच्या प्लानप्रमाणेच सर्व बेनिफिट्स मिळतील. प्लानमध्ये केवळ वैधतेचा फरक आहे. १३१ रुपयांच्या प्लानमध्ये तुम्हाला ३१ दिवसांची वैधता मिळेल. इतर बेनिफिट्स समान आहेत.

​BSNL चा ७५ रुपयांचा प्लान

bsnl-

BSNL चा हा प्लान ३० दिवसांच्या वैधतेसह येतो. यामद्ये ३० दिवसांसाठी वॉइस कॉलिंगसाठी २०० मिनिटं आणि २ जीबी डेटा दिला जातो. तसेच, फ्री कॉलरट्यून्सचा देखील फायदा मिळेल.

BSNL चा १४७ रुपयांचा प्लान

BSNL च्या १४७ रुपयांच्या प्लानमध्ये २५० मिनिटं फेयर यूसेज पॉलिसी (FUP) लिमिटसह अनलिमिटेड लोकल आणि एसटीडी वॉइस कॉलिंगची सुविधा मिळते. याशिवाय, १० जीबी हाय-स्पीड डेटा आणि BSNL ट्यूनची सर्विस मिळेल. या प्लानची वैधता देखील १ महिना आहे.

वाचा: WhatsApp वापरताना अचानक झाला Oppo च्या स्मार्टफोनचा स्फोट, कंपनी म्हणते…



Source link

Leave a Reply

Your email address will not be published.