नवी दिल्ली:5G Spectrum Auction: सरकारद्वारे ५जी स्पेक्ट्रमच्या लिलावाचे आयोजन करण्यात आले आहे. लिलावाच्या दुसऱ्यादिवशी अखेर कंपन्यांकडून तब्बल १,४९,४५४ कोटी रुपयांची बोली लावण्यात आली आहे. तिसऱ्या दिवशी देखील लिलाव सुरू राहणार आहे. गेल्या दोन दिवसांची आकडेवारी पाहता ५जी स्पेक्ट्रमच्या लिलावात २०२१ मध्ये ४जी स्पेक्ट्रमच्या लिलावापेक्षा ७१,६३९.२ कोटी रुपयांची अधिक बोली लागली आहे. बुधवार अखेरपर्यंत लिलावाचे एकूण ९ राउंड्स पार पडले आहेत. आतापर्यंत २०२१ मध्ये पार पडलेल्या 4G spectrum auction च्या तुलनेत दुप्पट बोली लावण्यात आली आहे. मार्च २०२१ मध्ये पार पडलेल्या ४जी स्पेक्ट्रमच्या लिलावात ७७,८१४.८० रोटी रुपयांची बोली लागली होती. हा लिलाव दोन दिवसात पार पडला होता.

वाचा: विराट कोहली वापरतो ‘हा’ शानदार स्मार्टफोन, पुढील महिन्यात भारतात होणार लाँच

लिलावाच्या दुसऱ्या दिवसाची माहिती देताना केंद्रीय इलेक्ट्रॉनिक्स आणि माहिती तंत्रज्ञान मंत्री अश्विनी वैष्णव यांनी सांगितले की, ‘७०० MHz ला चांगला प्रतिसाद मिळाला आहे. याची विक्री देखील झाली आहे. तसेच, लो आणि मिड बँड्सला देखील चांगला प्रतिसाद आहे.’ दरम्यान, पंतप्रधान नरेंद्र मोदी यांच्या नेतृत्वाखाली पार पडलेल्या कॅबिनेट बैठकीत दूरसंचार विभागाला ५जी स्पेक्ट्रमच्या लिलावाची परवानगी देण्यात आली होती.

वाचा: शानदार डिस्प्ले आणि पॉवरफुल बॅटरीसह येणारे ‘हे’ आहेत बेस्ट फोन्स, किंमत २ हजार रुपयांपेक्षा कमी

५जी हे ५th जनरेशन मोबाइल नेटवर्क असून, याद्वारे हाय-स्पीड डेटाचा फायदा मिळेल. ३जी आणि ४जी च्या तुलनेत ५जी खूपच कमी लेटेंसीसह येते, ज्यामुळे वेगवेगळ्या क्षेत्रातील यूजर्सला जबरदरस्त अनुभव मिळेल. लो लेटेंसीमुळे खूप कमी वेळात हाय-स्पीड इंटरनेटचा फायदा मिळतो. ४जी च्या तुलनेत ५जी १० पट अधिक वेगवान असण्याची शक्यता आहे. ५जी सुरू झाल्यास खाणकाम, वेअरहाउसिंग, टेलिमेडिसिन आणि मॅन्युफॅक्चरिंग सारख्या क्षेत्रात अधिक विकास होण्यास देखील मदत होईल.

वाचा – धक्कादायक! गुगलवर हॉटेल सर्च करणे पडले महागात, महिलेच्या खात्यातून उडाले १ लाख रुपये

दरम्यान, स्पेक्ट्रमच्या लिलावात Reliance Jio, Adani group, Bharti Airtelआणि Vodafone Idea या प्रमुख कंपन्या आहेत. तसेच, गौतम अदानी यांच्या मालकीची कंपनी अदानी ग्रुप देखील ५जी स्पेक्ट्रम लिलावात सहभागी होत पहिल्यांदाच टेलिकॉम सेक्टरमध्ये एंट्री करत आहे. स्पेक्ट्रम वाटपाची प्रक्रिया १५ ऑगस्टपर्यंत पूर्ण होण्याची शक्यता आहे. त्यानंतर देशभरात सप्टेंबर – ऑक्टोबर महिन्यात ५जी नेटवर्क उपलब्ध होईल. यावर्षीच्या अखेरपर्यंत देशातील अनेक शहरांमध्ये ५जी सर्विस सुरू झालेली असेल.



Source link

Leave a Reply

Your email address will not be published.