नवी दिल्ली:5G spectrum auction: गेल्याकाही दिवसांपासून सुरू असलेल्या ५जी स्पेक्ट्रमच्या लिलावाची प्रक्रिया पूर्ण झाली आहे. या लिलावादरम्यान स्पेक्ट्रमसाठी जवळपास १,५०,१७३ कोटी रुपयांची बोली लावण्यात आली आहे. उद्योगपती मुकेश अंबानी यांच्या रिलायन्स जिओने (Reliance Jio) ५जी स्पेक्ट्रमसाठी सर्वाधिक बोली लावली आहे. रिलायन्स जिओ ५जी स्पेक्ट्रम लिलावातील टॉप लीडर ठरली आहे. २६ जुलै २०२२ ला सुरू झालेला ५जी स्पेक्ट्रमचा लिलाव १ ऑगस्ट २०२२ ला समाप्त झाला.

वाचा: एकच नंबर! जुना फोन द्या आणि नवीन घेऊन जा, अवघ्या ७५० रुपयात मिळेल Redmi चा हँडसेट

५जी स्पेक्ट्रमच्या लिलावात मुकेश अंबानी यांच्या रिलायन्स जिओ, सुनील मित्तल यांच्या भारती एअरटेल, गौतम अदानी यांच्या अदानी इंटरप्राइजेस लिमिटेड आणि वोडाफोन आयडिया या कंपन्या सहभागी झाल्या होत्या. गेल्यावर्षी ४जी स्पेक्ट्रमच्या लिलावावेळी जवळपास ७७,८१५ कोटी रुपयांची बोली लागली होती. तर यावर्षी ५जी स्पेक्ट्रमसाठी दुप्पट बोली लावण्यात आली आहे. वर्ष २०१० मध्ये पार पडलेल्या ३जी स्पेक्ट्रमसाठी एकूण ५०,९६८.३७ कोटी रुपयांची बोली लागली होती. त्यामुळे ५जी स्पेक्ट्रमसाठी लावण्यात आलेली बोली विक्रमी म्हणता येईल.

वाचा: ‘या’ रिचार्ज प्लानमध्ये मिळेल तब्बल १०००GB डेटा आणि १ वर्षाची व्हॅलिडिटी, पाहा किंमत

5G स्पेक्ट्रम लिलावात जिओ टॉपवर

५जी स्पेक्ट्रम लिलावादरम्यान जिओने सर्वाधिक किंमतीचे एअरवेव्ह खरेदी केले. त्यानंतर भारती एअरटेल आणि वोडाफोन आयडियाचा नंबर येतो. दावा केला जात आहे की, ४जी च्या तुलनेत ५जी चा स्पीड १० पट अधिक असेल. सोबतच, लॅग फ्री कनेक्टिव्हिटी मिळेल. ५जी कनेक्टिव्हिटीद्वारे रियल टाइम लाखो डिव्हाइस कनेक्टेड होतील व फास्ट डेटा ट्रान्सफर केला जाईल.

दरम्यान, अदानी समुहाद्वारे २६ Mhz स्पेक्ट्रमसाठी खासगी टेलिकॉम नेटवर्कची सुरुवात करण्यात आली आहे. भारती एअरटेल आणि रिलायन्स जिओ दोन्ही कंपनी संपूर्ण देशभरात ५जी नेटवर्क उपलब्ध करण्यासाठी काम करत आहेत. तर वोडाफोन आयडिया काही ठराविक ठिकाणीच ५जी नेटवर्क उपलब्ध करेल. तसेच, यावर्षाच्या अखेरीस देशात ५जी सेवा सुरू होण्याची शक्यता वर्तवली जात आहे. सुरुवातीच्या टप्प्यात ५जी ची किंमत जास्त असू शकते.

वाचा: ३ ऑगस्टला भारतात एंट्री करणार OnePlus चा सर्वात धमाकेदार स्मार्टफोन; लाँचआधी फीचर्स आले समोर



Source link

Leave a Reply

Your email address will not be published.