Monthly Archive: October, 2024

युवासेना प्रमुख आदित्य ठाकरे यांची आज मातोश्री येथे पत्रकार परिषद पार पडली. या पत्रकार परिषदेतून मुंबई ठाण्यात पंतप्रधानांच्या हस्ते पार पडणाऱ्या रस्ते, बोगद्याच्या भूमिपूजन सोहळ्यावरून आदित्य ठाकरेंनी सरकारला सवाल केले आहेत. प्रकल्पांना अद्याप पूर्ण परवानग्या नसताना, कोणतीही प्रक्रिया पूर्ण झाली नसताना शासनाकडून भूमिपूजनाचा घाट घातला जातोय. पंतप्रधान मोदी यांचे स्वागत, पण एकदा भूमिपूजन करण्याआधी प्रकल्पाची माहिती घ्यावी असे आवाहन आदित्य ठाकरे यांनी पंतप्रधान मोदी यांना केले आहे. पंतप्रधान नरेंद्र मोदी यांच्या हस्ते येणाऱ्या ५ तारखेला ठाण्यात गायमुख भाईंदर रस्ता, बोगदा आणि कामाचे भूमिपूजन पार पडणार आहे, दरम्यान या प्रकल्पांसाठी निविदा काढणे, परवानग्या मिळणे आणि इतर अनेक बाबी अपूर्ण असताना भूमिपूजनाचा कार्यक्रम घोषित करण्यात आला आहे. यावरून आदित्य ठाकरे यांनी सरकारवर टीका केली आहे. कॉन्ट्रॅक्टर नेमला नाही, परवानगी मिळाल्या नाहीत, तरीही भूमिपूजन करणार का? आदित्य ठाकरे म्हणाले, पंतप्रधान मोदींच्या हस्ते गायमुख भाईंदर रस्ता प्रकल्पाचे भूमिपूजन होणार आहे, त्यासाठी १४ हजार कोटीचे आणि शॉर्ट टेंडर नोटीसमध्ये २० दिवसात टेंडर काढले असून त्याचे भूमिपूजन होईल. मुख्यमंत्री मोदींना ठाण्यात घेऊन जाताय, पण प्रधानमंत्री कार्यालयाने माहिती घ्यावी, कॉन्ट्रॅक्टर नेमला नाही. सगळ्या परवानगी मिळाल्या नाहीत. मग तरी सुद्धा तुम्ही भूमिपूजन करणार का? प्रधानमंत्री पदाची गरिमा राखण गरजेचे असते, असे म्हणत आदित्य ठाकरे यांनी सवाल केला आहे. आमचे सरकार आल्यावर सगळ्या चौकशीला समोर जावे लागेल आदित्य ठाकरे यांनी सरकारकडून अपुऱ्या प्रकल्पावरून सरकारला धारेवर धरत इशारा दिला आहे. यावेळी आदित्य ठाकरे म्हणाले, मुबंईतील मिमेंट कॉनक्रीट रस्त्याचे काम अद्याप अपूर्ण आहेत. शिवस्मारकचे भूमिपूजन २०१७ साली केले, त्याचे काय झाले? राम मंदिराचे सुद्धा अर्धवट उदघाटन केले. नव्या संसदेचे सुद्धा उदघाटन केले ते अर्धवट. आमचे सरकार आल्यावर तुम्हला सगळ्या चौकशीला समोर जावे लागेल आणि आम्ही महाराष्ट्रला लुटू देणार नाही, असा इशारा आदित्य ठाकरे यांनी दिला. तसेच प्रधानमंत्री कार्यालयाने या सगळ्याचा अभ्यास करायला हवा. ठाणे बोरिवली टनेलचे काम सुद्धा बघा, त्याचा सुद्धा अभ्यास करा, नुसते भूमिपूजन करताय. तुम्हाला जर नुसतेच उद्घाटन करायचे असेल तर करा, त्याने खोटे काम समोर येईल, असे आदित्य ठाकरेंनी आवाहन केले.

​युवासेना प्रमुख आदित्य ठाकरे यांची आज मातोश्री येथे पत्रकार परिषद पार पडली. या पत्रकार परिषदेतून मुंबई ठाण्यात पंतप्रधानांच्या हस्ते पार पडणाऱ्या रस्ते, बोगद्याच्या भूमिपूजन सोहळ्यावरून आदित्य ठाकरेंनी सरकारला सवाल केले आहेत. प्रकल्पांना अद्याप पूर्ण परवानग्या नसताना, कोणतीही प्रक्रिया पूर्ण झाली नसताना शासनाकडून भूमिपूजनाचा घाट घातला जातोय. पंतप्रधान मोदी यांचे स्वागत, पण एकदा भूमिपूजन करण्याआधी प्रकल्पाची माहिती घ्यावी असे आवाहन आदित्य ठाकरे यांनी पंतप्रधान मोदी यांना केले आहे. पंतप्रधान नरेंद्र मोदी यांच्या हस्ते येणाऱ्या ५ तारखेला ठाण्यात गायमुख भाईंदर रस्ता, बोगदा आणि कामाचे भूमिपूजन पार पडणार आहे, दरम्यान या प्रकल्पांसाठी निविदा काढणे, परवानग्या मिळणे आणि इतर अनेक बाबी अपूर्ण असताना भूमिपूजनाचा कार्यक्रम घोषित करण्यात आला आहे. यावरून आदित्य ठाकरे यांनी सरकारवर टीका केली आहे. कॉन्ट्रॅक्टर नेमला नाही, परवानगी मिळाल्या नाहीत, तरीही भूमिपूजन करणार का? आदित्य ठाकरे म्हणाले, पंतप्रधान मोदींच्या हस्ते गायमुख भाईंदर रस्ता प्रकल्पाचे भूमिपूजन होणार आहे, त्यासाठी १४ हजार कोटीचे आणि शॉर्ट टेंडर नोटीसमध्ये २० दिवसात टेंडर काढले असून त्याचे भूमिपूजन होईल. मुख्यमंत्री मोदींना ठाण्यात घेऊन जाताय, पण प्रधानमंत्री कार्यालयाने माहिती घ्यावी, कॉन्ट्रॅक्टर नेमला नाही. सगळ्या परवानगी मिळाल्या नाहीत. मग तरी सुद्धा तुम्ही भूमिपूजन करणार का? प्रधानमंत्री पदाची गरिमा राखण गरजेचे असते, असे म्हणत आदित्य ठाकरे यांनी सवाल केला आहे. आमचे सरकार आल्यावर सगळ्या चौकशीला समोर जावे लागेल आदित्य ठाकरे यांनी सरकारकडून अपुऱ्या प्रकल्पावरून सरकारला धारेवर धरत इशारा दिला आहे. यावेळी आदित्य ठाकरे म्हणाले, मुबंईतील मिमेंट कॉनक्रीट रस्त्याचे काम अद्याप अपूर्ण आहेत. शिवस्मारकचे भूमिपूजन २०१७ साली केले, त्याचे काय झाले? राम मंदिराचे सुद्धा अर्धवट उदघाटन केले. नव्या संसदेचे सुद्धा उदघाटन केले ते अर्धवट. आमचे सरकार आल्यावर तुम्हला सगळ्या चौकशीला समोर जावे लागेल आणि आम्ही महाराष्ट्रला लुटू देणार नाही, असा इशारा आदित्य ठाकरे यांनी दिला. तसेच प्रधानमंत्री कार्यालयाने या सगळ्याचा अभ्यास करायला हवा. ठाणे बोरिवली टनेलचे काम सुद्धा बघा, त्याचा सुद्धा अभ्यास करा, नुसते भूमिपूजन करताय. तुम्हाला जर नुसतेच उद्घाटन करायचे असेल तर करा, त्याने खोटे काम समोर येईल, असे आदित्य ठाकरेंनी आवाहन केले.  

मराठी भाषेला अभिजात भाषेचा दर्जा देण्याचा निर्णय केंद्र सरकारने घोषित केला आहे. महाराष्ट्रातील 12 कोटी जनतेसाठी हा सर्वात मोठा निर्णय समजला जात आहे. गेल्या अनेक वर्षांपासून महाराष्ट्रातील साहित्यिक असतील किंवा इतर अनेक मंडळी असतील त्यांनी मराठी भाषेला अभिजात दर्जा मिळावा यासाठी खूप मेहनत घेतली होती तसेच पूर्वीपासूनच याची मागणी राजकीय नेत्यांनी देखील लावून धरण्यात आली होती. त्यामुळे केंद्र सरकारचा हा निर्णय मराठी माणसासाठी एक अभिमानाचा क्षण असल्याचे बोलले जात आहे. उपमुख्यमंत्री देवेंद्र फडणवीस काय म्हणाले? केंद्र सरकारने घेतलेल्या या निर्णयावर उपमुख्यमंत्री देवेंद्र फडणवीस यांनी सोशल मीडिया X वर लिहिले की, आजचा दिवस मायमराठीच्या इतिहासातील एक ऐतिहासिक दिवस असल्याचे ते म्हणाले आहेत. मराठी भाषेला अभिजात दर्जा देण्याचा निर्णय आज केंद्रीय मंत्रिमंडळाने घेतला. मी मा. पंतप्रधान नरेंद्र मोदीजी आणि केंद्रीय मंत्रिमंडळातील सर्व सन्माननीय मंत्र्यांचे महाराष्ट्रातील 12 कोटी जनतेच्या वतीने अतिशय मनापासून आभार मानतो. पुढे ते म्हणाले, हा दिवस उजाडावा, यासाठी मी मुख्यमंत्री असताना आणि आताही मुख्यमंत्री एकनाथराव शिंदे यांच्या नेतृत्त्वात सातत्याने पाठपुरावा केला. लीळाचरित्र, ज्ञानेश्वरी, विवेकसिंधू अशा अनेक ग्रंथाचा आधार घेत मराठी भाषा ही अभिजातच आहे, हे सिद्ध करण्यासाठी अनेक थोरा-मोठ्यांचे, अभ्यासकांचे यासाठी हातभार लागले. मी त्यांचाही अत्यंत आभारी आहे. अखेर आज तो सुदिन अवतरला. नवरात्रीच्या पहिल्या दिवशी मायमराठीचा हा बहुमान मनाला अतिशय सुखद अनुभूती देणारा आहे. महाराष्ट्रातील आणि जगभरातील तमाम मराठीजनांचे मी अतिशय मनापासून अभिनंदन करतो. मराठी भाषेच्या सर्वांगिण विकासासाठी आता अनुदानासह केंद्र सरकारच्या पातळीवर सुद्धा सर्व ते सहकार्य मिळण्याचा मार्ग मोकळा झाला आहे, असे देवेंद्र फडणवीस म्हणाले आहेत. मुख्यमंत्री एकनाथ शिंदे काय म्हणाले? मुख्यमंत्री एकनाथ शिंदे यांनी देखील प्रतिक्रिया दिली आहे, ते म्हणाले, अखेर माय मराठीला अभिजात भाषेचा दर्जा मिळाला! एका लढ्याला यश आले. यासाठी महाराष्ट्र सरकारने केंद्राकडे सतत पाठपुरवठा केला होता. आपल्या लाडक्या भाषेचा यथोचित सन्मान केल्याबद्दल पंतप्रधान नरेंद्र मोदीजी, तसेच केंद्रीय सांस्कृतिक मंत्री श्री. गजेंद्रसिंह शेखावत यांचे आम्ही आभार मानतो. या कामात अनेक मराठी भाषक, विचारवंत, भाषेचे अभ्यासक, साहित्यिक आणि समीक्षकांचे साह्य झाले. त्यांचेही मन:पूर्वक आभार! केंद्रीय मंत्री नितीन गडकरी काय म्हणाले? केंद्रीय मंत्री नितीन गडकरी म्हणाले, आदरणीय पंतप्रधान नरेंद्र मोदीजी यांच्या अध्यक्षतेखाली झालेल्या केंद्रीय मंत्रिमंडळाच्या बैठकीत आज मराठी भाषेला अभिजात भाषेचा दर्जा देण्याचा निर्णय घेण्यात आला. माय मराठीच्या इतिहासातील हा एक महत्त्वपूर्ण आणि ऐतिहासिक निर्णय आहे. या महत्त्वाच्या निर्णयासाठी आदरणीय पंतप्रधान श्री नरेंद्र मोदी जी यांचे महाराष्ट्रातील समस्त जनतेच्या वतीने मन:पूर्वक आभार व महाराष्ट्राच्या जनतेचे अभिनंदन! पंतप्रधानांच्या नेतृत्वाखाली माय मराठीच्या सर्वांगीण विकासासाठी व उद्धारासाठी आम्ही प्रयत्नशील व कटिबद्ध आहोत. मराठी भाषामंत्री सुधीर मुनगंटीवार काय म्हणाले? सांस्कृतिक तथा मराठी भाषामंत्री सुधीर मुनगंटीवार यावर प्रतिक्रिया देताना म्हणाले, आनंदाचा क्षण आहे. अभिमानाचा क्षण आहे. आपली मराठी जगभर पोहोचावी. आपली संस्कृती आणि सांस्कृतिक वारसा जगातील मराठी माणसापर्यंत पोहोचावी. ही मागणी ३५ वर्षापासूनची आहे. शरद पवार केंद्रात मंत्री होते, तेव्हापासूनची मागणी आहे. महाराष्ट्रासाठी हा आनंदाचा क्षण आहे. छत्रपती शिवाजी महाराजांच्या राज्यभिषेकाचा ३५० सोहळा आपण साजरा केला. आता मराठी भाषेला सरकारने अभिजात भाषेचा दर्जा दिला. त्यामुळे आनंद आणि अभिमान आहे. उद्या मंत्रिमंडळाची बैठक आहे. आम्ही मोदींच्या अभिनंदनाचा ठराव करू. या क्षेत्रात काम करणारे लोक आहेत, साहित्यिक आहेत, त्यांची समिती तयार करून व्याकरण आणि शब्द भंडार वाढवण्याचा प्रयत्न करू. दरम्यान, मराठी भाषेसोबतच पाली, बंगाली, आसामी आणि प्राकृत या भाषांना देखील अभिजात भाषेचा दर्जा देण्याचा निर्णय केंद्रीय मंत्रिमंडळ बैठकीत घेण्यात आला आहे.

​मराठी भाषेला अभिजात भाषेचा दर्जा देण्याचा निर्णय केंद्र सरकारने घोषित केला आहे. महाराष्ट्रातील 12 कोटी जनतेसाठी हा सर्वात मोठा निर्णय समजला जात आहे. गेल्या अनेक वर्षांपासून महाराष्ट्रातील साहित्यिक असतील किंवा इतर अनेक मंडळी असतील त्यांनी मराठी भाषेला अभिजात दर्जा मिळावा यासाठी खूप मेहनत घेतली होती तसेच पूर्वीपासूनच याची मागणी राजकीय नेत्यांनी देखील लावून धरण्यात आली होती. त्यामुळे केंद्र सरकारचा हा निर्णय मराठी माणसासाठी एक अभिमानाचा क्षण असल्याचे बोलले जात आहे. उपमुख्यमंत्री देवेंद्र फडणवीस काय म्हणाले? केंद्र सरकारने घेतलेल्या या निर्णयावर उपमुख्यमंत्री देवेंद्र फडणवीस यांनी सोशल मीडिया X वर लिहिले की, आजचा दिवस मायमराठीच्या इतिहासातील एक ऐतिहासिक दिवस असल्याचे ते म्हणाले आहेत. मराठी भाषेला अभिजात दर्जा देण्याचा निर्णय आज केंद्रीय मंत्रिमंडळाने घेतला. मी मा. पंतप्रधान नरेंद्र मोदीजी आणि केंद्रीय मंत्रिमंडळातील सर्व सन्माननीय मंत्र्यांचे महाराष्ट्रातील 12 कोटी जनतेच्या वतीने अतिशय मनापासून आभार मानतो. पुढे ते म्हणाले, हा दिवस उजाडावा, यासाठी मी मुख्यमंत्री असताना आणि आताही मुख्यमंत्री एकनाथराव शिंदे यांच्या नेतृत्त्वात सातत्याने पाठपुरावा केला. लीळाचरित्र, ज्ञानेश्वरी, विवेकसिंधू अशा अनेक ग्रंथाचा आधार घेत मराठी भाषा ही अभिजातच आहे, हे सिद्ध करण्यासाठी अनेक थोरा-मोठ्यांचे, अभ्यासकांचे यासाठी हातभार लागले. मी त्यांचाही अत्यंत आभारी आहे. अखेर आज तो सुदिन अवतरला. नवरात्रीच्या पहिल्या दिवशी मायमराठीचा हा बहुमान मनाला अतिशय सुखद अनुभूती देणारा आहे. महाराष्ट्रातील आणि जगभरातील तमाम मराठीजनांचे मी अतिशय मनापासून अभिनंदन करतो. मराठी भाषेच्या सर्वांगिण विकासासाठी आता अनुदानासह केंद्र सरकारच्या पातळीवर सुद्धा सर्व ते सहकार्य मिळण्याचा मार्ग मोकळा झाला आहे, असे देवेंद्र फडणवीस म्हणाले आहेत. मुख्यमंत्री एकनाथ शिंदे काय म्हणाले? मुख्यमंत्री एकनाथ शिंदे यांनी देखील प्रतिक्रिया दिली आहे, ते म्हणाले, अखेर माय मराठीला अभिजात भाषेचा दर्जा मिळाला! एका लढ्याला यश आले. यासाठी महाराष्ट्र सरकारने केंद्राकडे सतत पाठपुरवठा केला होता. आपल्या लाडक्या भाषेचा यथोचित सन्मान केल्याबद्दल पंतप्रधान नरेंद्र मोदीजी, तसेच केंद्रीय सांस्कृतिक मंत्री श्री. गजेंद्रसिंह शेखावत यांचे आम्ही आभार मानतो. या कामात अनेक मराठी भाषक, विचारवंत, भाषेचे अभ्यासक, साहित्यिक आणि समीक्षकांचे साह्य झाले. त्यांचेही मन:पूर्वक आभार! केंद्रीय मंत्री नितीन गडकरी काय म्हणाले? केंद्रीय मंत्री नितीन गडकरी म्हणाले, आदरणीय पंतप्रधान नरेंद्र मोदीजी यांच्या अध्यक्षतेखाली झालेल्या केंद्रीय मंत्रिमंडळाच्या बैठकीत आज मराठी भाषेला अभिजात भाषेचा दर्जा देण्याचा निर्णय घेण्यात आला. माय मराठीच्या इतिहासातील हा एक महत्त्वपूर्ण आणि ऐतिहासिक निर्णय आहे. या महत्त्वाच्या निर्णयासाठी आदरणीय पंतप्रधान श्री नरेंद्र मोदी जी यांचे महाराष्ट्रातील समस्त जनतेच्या वतीने मन:पूर्वक आभार व महाराष्ट्राच्या जनतेचे अभिनंदन! पंतप्रधानांच्या नेतृत्वाखाली माय मराठीच्या सर्वांगीण विकासासाठी व उद्धारासाठी आम्ही प्रयत्नशील व कटिबद्ध आहोत. मराठी भाषामंत्री सुधीर मुनगंटीवार काय म्हणाले? सांस्कृतिक तथा मराठी भाषामंत्री सुधीर मुनगंटीवार यावर प्रतिक्रिया देताना म्हणाले, आनंदाचा क्षण आहे. अभिमानाचा क्षण आहे. आपली मराठी जगभर पोहोचावी. आपली संस्कृती आणि सांस्कृतिक वारसा जगातील मराठी माणसापर्यंत पोहोचावी. ही मागणी ३५ वर्षापासूनची आहे. शरद पवार केंद्रात मंत्री होते, तेव्हापासूनची मागणी आहे. महाराष्ट्रासाठी हा आनंदाचा क्षण आहे. छत्रपती शिवाजी महाराजांच्या राज्यभिषेकाचा ३५० सोहळा आपण साजरा केला. आता मराठी भाषेला सरकारने अभिजात भाषेचा दर्जा दिला. त्यामुळे आनंद आणि अभिमान आहे. उद्या मंत्रिमंडळाची बैठक आहे. आम्ही मोदींच्या अभिनंदनाचा ठराव करू. या क्षेत्रात काम करणारे लोक आहेत, साहित्यिक आहेत, त्यांची समिती तयार करून व्याकरण आणि शब्द भंडार वाढवण्याचा प्रयत्न करू. दरम्यान, मराठी भाषेसोबतच पाली, बंगाली, आसामी आणि प्राकृत या भाषांना देखील अभिजात भाषेचा दर्जा देण्याचा निर्णय केंद्रीय मंत्रिमंडळ बैठकीत घेण्यात आला आहे.  

जागतिक शांतता दिवस साजरा करीत असताना दुसरीकडे अनेक देशात युद्धाचे सावट पसरले आहे. अशा युद्धजन्य परिस्थितीतून बाहेर येऊन जगात शांतता नांदावी. यासाठी विज्ञान आणि अध्यात्माची सांगड घालावी लागणार आहे, असे मत ज्येष्ठ शास्त्रज्ञ पद्मविभूषण डॉ. रघुनाथ माशेलकर यांनी व्यक्त केले. एमआयटी वर्ल्ड पीस युनिव्हर्सिटीतर्फे विश्वराजबाग, लोणी काळभोर येथे आयोजित जगातील सर्वात मोठ्या शांती घुमटात १० व्या जागतिक विज्ञान, धर्मे,अध्यात्म आणि तत्त्वज्ञान संसदेच्या उद्घाटन प्रसंगी ते प्रमुख पाहुणे म्हणून बोलत होते. या प्रसंगी ज्येष्ठ संगणक तज्ज्ञ पद्मभूषण डॉ. विजय भटकर, द पॉवर ऑफ वर्ल्डस फाउंडेशनच्या संस्थापक देबोरा सवाफ, डॉ डीनीस क्वॉर्डा, जैन धर्मगुरू आचार्य लोकेश मुनी, प्रा. रूझान पश्चू प्रमुख पाहुणे म्हणून उपस्थित होते. अध्यक्षस्थानी एमआयटी युनिव्हर्सिटीचे संस्थापक प्रा.डॉ. विश्वनाथ कराड , कार्याध्यक्ष राहुल कराड, एडीटी युनिव्हर्सिटीचे कार्याध्यक्ष डॉ.मंगेश कराड, डब्ल्यूपीयूचे कुलगुरू डॉ. आर.एम.चिटणीस, प्र कुलगुरू प्रा.डॉ. मिलिंद पाडे उपस्थित होते. डॉ. रघुनाथ माशेलकर म्हणाले, जागतिक शांततेच्या दिनी इराणहून इस्त्राइलवर २०० मिसाईल डागण्यात आले. दुसरीकडे रशिया आणि युक्रेन या दोन देशांमध्ये युद्ध सुरू आहे. अशा परिस्थितीत जागतिक शांतता दिवस कसा साजरा करू शकतो. तसेच उच्च शिक्षणात व्यावसायिक अभ्यासक्रमाला अधिक देण्यात आले आहे. यामध्ये विज्ञान आणि अध्यात्म यांची सांगड घालणे कठीण झाले आहे. अशवेळेस विज्ञान आणि अध्यात्माची सांगड घालून नवी पिढी घडवू शकतो. अध्यात्म हे अनुभवांकर आधारित असून आत्मिक आणि मानसिक शांतता मिळते. वर्तमान काळात दलाई लामा, नेल्सन मंडेला,य मार्टिन ल्युथर किंग, म.गांधी यांच्याकडून प्रेरणा घेण्याची आवश्यकता आहे. डॉ.विजय भटकर म्हणाले, २१ व्या शतकात शांततेने जगू शकू का हा प्रश्न सातत्याने निर्माण झाला आहे. सध्याच्या काळात मशीन आणि मनुष्य अशी जोडी भयानक वाटत आहे. त्यातच कृत्रिम बुद्धिमत्तेचा उदय झाला. त्यामुळे भविष्यात शांततेबाबत चिंता वाटते. प्रा.विश्वनाथ कराड म्हणाले,जगात शांतता नांदावी ही आता काळाची गरज आहे. जगाची परिस्थितीकडे आपण पाहिल्यास संत ज्ञानेश्वर महाराज, संत तुकाराम महाराज, महात्मा गांधी यांचे विचार अंमलात आणावे. आपल्या विचारातून आळंदी, अयोध्या, अजमेर या शहरांना जोडावे लागणार आहे. देबोरा सवाफ म्हणाल्या,शांतता आणि एकात्मिकता प्रस्थापित करणे सर्वांची जवाबदारी आहे. तसेच मुलांना शाळांमधून ’इमोशनल इंटेलिजन्स’ शिकवण्याची गरज आहे. त्याशिवाय आपण प्रगती करू शकणार नाही. संस्कृती, अध्यात्म, विज्ञानाला ’इमोशनल इंटेलिजन्स’, ’इमोशनल कोशंट’ची जोड दिल्यास, आपण उत्कृष्ट युवा पिढी आणि जागतिक नेते नक्कीच घडवू शकू.

​जागतिक शांतता दिवस साजरा करीत असताना दुसरीकडे अनेक देशात युद्धाचे सावट पसरले आहे. अशा युद्धजन्य परिस्थितीतून बाहेर येऊन जगात शांतता नांदावी. यासाठी विज्ञान आणि अध्यात्माची सांगड घालावी लागणार आहे, असे मत ज्येष्ठ शास्त्रज्ञ पद्मविभूषण डॉ. रघुनाथ माशेलकर यांनी व्यक्त केले. एमआयटी वर्ल्ड पीस युनिव्हर्सिटीतर्फे विश्वराजबाग, लोणी काळभोर येथे आयोजित जगातील सर्वात मोठ्या शांती घुमटात १० व्या जागतिक विज्ञान, धर्मे,अध्यात्म आणि तत्त्वज्ञान संसदेच्या उद्घाटन प्रसंगी ते प्रमुख पाहुणे म्हणून बोलत होते. या प्रसंगी ज्येष्ठ संगणक तज्ज्ञ पद्मभूषण डॉ. विजय भटकर, द पॉवर ऑफ वर्ल्डस फाउंडेशनच्या संस्थापक देबोरा सवाफ, डॉ डीनीस क्वॉर्डा, जैन धर्मगुरू आचार्य लोकेश मुनी, प्रा. रूझान पश्चू प्रमुख पाहुणे म्हणून उपस्थित होते. अध्यक्षस्थानी एमआयटी युनिव्हर्सिटीचे संस्थापक प्रा.डॉ. विश्वनाथ कराड , कार्याध्यक्ष राहुल कराड, एडीटी युनिव्हर्सिटीचे कार्याध्यक्ष डॉ.मंगेश कराड, डब्ल्यूपीयूचे कुलगुरू डॉ. आर.एम.चिटणीस, प्र कुलगुरू प्रा.डॉ. मिलिंद पाडे उपस्थित होते. डॉ. रघुनाथ माशेलकर म्हणाले, जागतिक शांततेच्या दिनी इराणहून इस्त्राइलवर २०० मिसाईल डागण्यात आले. दुसरीकडे रशिया आणि युक्रेन या दोन देशांमध्ये युद्ध सुरू आहे. अशा परिस्थितीत जागतिक शांतता दिवस कसा साजरा करू शकतो. तसेच उच्च शिक्षणात व्यावसायिक अभ्यासक्रमाला अधिक देण्यात आले आहे. यामध्ये विज्ञान आणि अध्यात्म यांची सांगड घालणे कठीण झाले आहे. अशवेळेस विज्ञान आणि अध्यात्माची सांगड घालून नवी पिढी घडवू शकतो. अध्यात्म हे अनुभवांकर आधारित असून आत्मिक आणि मानसिक शांतता मिळते. वर्तमान काळात दलाई लामा, नेल्सन मंडेला,य मार्टिन ल्युथर किंग, म.गांधी यांच्याकडून प्रेरणा घेण्याची आवश्यकता आहे. डॉ.विजय भटकर म्हणाले, २१ व्या शतकात शांततेने जगू शकू का हा प्रश्न सातत्याने निर्माण झाला आहे. सध्याच्या काळात मशीन आणि मनुष्य अशी जोडी भयानक वाटत आहे. त्यातच कृत्रिम बुद्धिमत्तेचा उदय झाला. त्यामुळे भविष्यात शांततेबाबत चिंता वाटते. प्रा.विश्वनाथ कराड म्हणाले,जगात शांतता नांदावी ही आता काळाची गरज आहे. जगाची परिस्थितीकडे आपण पाहिल्यास संत ज्ञानेश्वर महाराज, संत तुकाराम महाराज, महात्मा गांधी यांचे विचार अंमलात आणावे. आपल्या विचारातून आळंदी, अयोध्या, अजमेर या शहरांना जोडावे लागणार आहे. देबोरा सवाफ म्हणाल्या,शांतता आणि एकात्मिकता प्रस्थापित करणे सर्वांची जवाबदारी आहे. तसेच मुलांना शाळांमधून ’इमोशनल इंटेलिजन्स’ शिकवण्याची गरज आहे. त्याशिवाय आपण प्रगती करू शकणार नाही. संस्कृती, अध्यात्म, विज्ञानाला ’इमोशनल इंटेलिजन्स’, ’इमोशनल कोशंट’ची जोड दिल्यास, आपण उत्कृष्ट युवा पिढी आणि जागतिक नेते नक्कीच घडवू शकू.  

सध्या महाराष्ट्रात मराठा आणि ओबीसी आरक्षणाचा प्रश्न पेटला आहे. मराठा समाजाला कुणबी प्रमाणपत्राच्या आधारे ओबीसीतून आरक्षण देण्याला ओबीसी नेत्यांचा विरोध आहे. ओबीसी नेते लक्ष्मण हाके या विषयी जनजागरण करीत आहे. विदर्भ दौऱ्यावर असलेल्या हाके यांनी नागपूर येथे माध्यमांशी बोलताना रिझर्व्हेशनचे स्पेलिंगही न येणारे डझनभर मंत्री शिंदेंच्या मंत्रिमंडळात असल्याची टीका केली. ओबीसी असंघटीत आहे. याचा अर्थ ओबीसीला काही कळत नाही, असे कोणी समजू नये. नालायक लोक विधानसभेत असतील तर आम्ही विधानसभेत लायक माणसे पाठवू. संवैधानिक तत्त्वावर बोलणारी माणसे पाठवू, असे लक्ष्मण हाके म्हणाले. उद्या मुंबईला जाणार आहोत. आम्ही काही लोकांची यादी केली आहे. त्यांच्या मतदारसंघात काम करणार आहोत. काही आयटी कंपन्यांसोबत बोललो आहे. १०० मतदारसंघातील लोकांची मते जाणून घेतली. आम्ही प्रॅक्टिकल काम करतो फक्त बोलत नाही. जातीनिहाय सर्वपक्षीय १०० लोकांची यादी तयार आहे. जरांगेला रसद पुरविली, पाठिंबा दिला, त्यांना ओबीसी समाज पाडणार आहे, असा इशाराही हाके यांनी दिला. राजेश टोपेंवर टीकास्त्र रोहित पवार कर्जत जामखेडमधून निवडून आले. राजेश टोपे घनसावंगीतून निवडून येतात. तिथे ओबीसींची संख्या किती आहे याची माहिती घ्यावी. ओबीसींनी त्यांना मतदान केले नाही काय? यांना फक्त जरांगे दिसतात का? असा सवाल हाके यांनी केला आहे. नेते लोकप्रितनिधी होण्यात, आमदार खासदार होण्यात ओबीसी जनतेचाही वाटा आहे. चंद्रशेखर बावनकुळे स्वत: ला ओबीसी नेते म्हणून घेतात. पण ओबीसी आरक्षण जात असताना ते बोलत नाहीत. त्यांना आता लोक दारात उभे करणार नाही, असा घणाघात हाके यांनी भाजपचे प्रदेशाध्यक्ष चंद्रशेखर बावनकुळे यांच्यावर केला आहे.

​सध्या महाराष्ट्रात मराठा आणि ओबीसी आरक्षणाचा प्रश्न पेटला आहे. मराठा समाजाला कुणबी प्रमाणपत्राच्या आधारे ओबीसीतून आरक्षण देण्याला ओबीसी नेत्यांचा विरोध आहे. ओबीसी नेते लक्ष्मण हाके या विषयी जनजागरण करीत आहे. विदर्भ दौऱ्यावर असलेल्या हाके यांनी नागपूर येथे माध्यमांशी बोलताना रिझर्व्हेशनचे स्पेलिंगही न येणारे डझनभर मंत्री शिंदेंच्या मंत्रिमंडळात असल्याची टीका केली. ओबीसी असंघटीत आहे. याचा अर्थ ओबीसीला काही कळत नाही, असे कोणी समजू नये. नालायक लोक विधानसभेत असतील तर आम्ही विधानसभेत लायक माणसे पाठवू. संवैधानिक तत्त्वावर बोलणारी माणसे पाठवू, असे लक्ष्मण हाके म्हणाले. उद्या मुंबईला जाणार आहोत. आम्ही काही लोकांची यादी केली आहे. त्यांच्या मतदारसंघात काम करणार आहोत. काही आयटी कंपन्यांसोबत बोललो आहे. १०० मतदारसंघातील लोकांची मते जाणून घेतली. आम्ही प्रॅक्टिकल काम करतो फक्त बोलत नाही. जातीनिहाय सर्वपक्षीय १०० लोकांची यादी तयार आहे. जरांगेला रसद पुरविली, पाठिंबा दिला, त्यांना ओबीसी समाज पाडणार आहे, असा इशाराही हाके यांनी दिला. राजेश टोपेंवर टीकास्त्र रोहित पवार कर्जत जामखेडमधून निवडून आले. राजेश टोपे घनसावंगीतून निवडून येतात. तिथे ओबीसींची संख्या किती आहे याची माहिती घ्यावी. ओबीसींनी त्यांना मतदान केले नाही काय? यांना फक्त जरांगे दिसतात का? असा सवाल हाके यांनी केला आहे. नेते लोकप्रितनिधी होण्यात, आमदार खासदार होण्यात ओबीसी जनतेचाही वाटा आहे. चंद्रशेखर बावनकुळे स्वत: ला ओबीसी नेते म्हणून घेतात. पण ओबीसी आरक्षण जात असताना ते बोलत नाहीत. त्यांना आता लोक दारात उभे करणार नाही, असा घणाघात हाके यांनी भाजपचे प्रदेशाध्यक्ष चंद्रशेखर बावनकुळे यांच्यावर केला आहे.