पुणे: ‘पुरुषोत्तम करंडक’ जिंकायचा अशी इच्छा प्रत्येक त्या तरुणांची असते जे एकांकिका स्पर्धांसाठी कसून तयारी करत असतात. मराठी मनोरंजन इंडस्ट्रीतील अनेक कलाकारांनीही याच व्यासपीठावरुन त्यांच्या करिअरची सुरुवात केली आहे. दरम्यान यावर्षी महाराष्ट्रीय कलोपासक आयोजित यंदाच्या पुरुषोत्तम करंडक स्पर्धेत भलताच प्रकार पाहायला मिळाला.

५७ वर्षांच्या इतिहासात या मानाच्या स्पर्धेत पहिल्यांदाच एकही एकांकिका पात्र नसल्याचे सांगत कोणालाही करंडक न देण्याचा निर्णय परिक्षकांनी घेतला आहे. सोशल मीडियावर याबाबत विविध प्रतिक्रिया उमटत आहे. नाटक क्षेत्रातील विविध कलाकारांनीही याबाबत नाराजी व्यक्त केली आहे. सर्वोत्तम अभिनय, वाचिक अभिनय आणि दिग्दर्शन या विभागातही कोणी पात्र नसल्याने ही पारितोषिकं परिक्षकांनी जाहीर केली नाहीत. सर्वोत्कृष्ट प्रायोगिक एकांकिकेचे बक्षीसही कोणालाही जाहीर केलेले नाही.

हे वाचा-जगभरात ३६० तर देशात २०० कोटी क्लबमध्ये ‘ब्रह्मास्त्र’; १० दिवसांतच केली तगडी कमाई

या स्पर्धेसाठी राज्यभरातून एकांकिका घेऊन स्पर्धक सहभागी होत असतात. पण परिक्षकांच्या या निर्णयाने अनेकांचा हिरमोड झाला आहे. दरम्यान पुणे इन्स्टिट्यूट ऑफ कॉम्प्युटर टेक्नॉलॉजी (पीआयसीटी) यांची ‘कलिगमन’ ही एकांकिका करंडकासाठी पात्र नसली तरी या एकांकिकेला प्रथम क्रमांकाचे पारितोषिक जाहीर करण्यात आले. महत्त्वाचे म्हणजे या संघास पुरुषोत्तम करंडक मिळणार नाही पण त्यांना पाच हजार एक रुपयांचे रोख बक्षीस दिले जाईल.

अशाच पद्धतीने दुसरे पारितोषिक बारामतीच्या तुळजाराम चतुरचंद महाविद्यालयाच्या ‘भू भू’ या एकांकिकेस मिळाले आहे. त्यांना द्वितीय क्रमांकाची हरी विनायक करंडक जाहीर झाला. तर तिसऱ्या क्रमांकाचा संजीव करंडक शिवाजीनगर येथील मॉडर्न कला, शास्त्र आणि वाणिज्य स्वायत्त महाविद्यालयाच्या ‘गाभारा’ एकांकिकेस जाहीर झाला आहे.

हे वाचा- ‘ब्रह्मास्त्र’मध्ये काम करायला तयार नव्हते नागार्जुन? या एका अटीवर झाले तयार

वैयक्तिक पारितोषिकं देऊनही यावेळी कोणाला गौरवण्यात आलेले नाही. वैयक्तिक अभिनय नैपुण्यासाठी दिला जाणारा नटवर्य केशवराव दाते करंडक, वाचिक अभिनयासाठी देण्यात येणारा पुरुषोत्तम जोशी करंडक, यशवंत स्वराभिनय करंडक आणि सर्वोत्कृष्ट दिग्दर्शकाला मिळणारा नटश्रेष्ठ गणपतराव बोडस करंडक इ. या पुरस्कारांचाही कोणीही मानकरी यावर्षी ठरला नाही. दरम्यान असे असले तरीही या बक्षीसांसाठी सनी पवार, तन्वी कांबळे आणि प्रतीक्षा शेलार या विद्यार्थ्यांची निवड झाली. करंडक न देता त्यांना रोख बक्षीस दिले जाईल. यावर्षीच्या अशा निर्णयामुळे सर्वांनाच कोड्यात टाकले आहे.

रविवारी रात्री या स्पर्धेच्या निकालाची घोषणा करण्यात आली, त्यानंतर सोशल मीडियावर विविध प्रतिक्रिया उमटत आहेत. दिग्दर्शक निपूण धर्माधिकारी, विजू माने यांच्यासह सामान्य नाट्यरसिकांनीही याविषयी प्रतिक्रिया नोंदवल्या आहेत. भरत नाट्य मंदिर याठिकाणी गेले दोन दिवसा या स्पर्धेचा अंतिम सोहळा सुरू होता असून बक्षीस वितरण सोहळा शुक्रवारी २३ सप्टेंबर रोज होणार आहे. अंतिम फेरीसाठी हिमांशू स्मार्त, पौर्णिमा मनोहर, परेश मोकाशी यांनी परीक्षक म्हणून काम पाहिले. तर ज्येष्ठ दिग्दर्शक वामन केंद्रे यांच्या हस्ते भरत नाट्य मंदिर याठिकाणीच पारितोषिक वितरण सोहळा होणार आहे.



Source link

Leave a Reply

Your email address will not be published.