नवी दिल्ली : भारतीय क्रिकेट संघाचा माजी कर्णधार विराट कोहली (Virat Kohli) अलीकडेच आशिया कपमध्ये (Asia Cup) अफगाणिस्तानविरुद्ध शानदार शतक झळकावल्यानंतर चर्चेत आला. गेल्या तीन वर्षांतील या एका मोठ्या खेळीची तो आतुरतेने वाट पाहत होता. खराब फॉर्ममध्ये असताना विराटला सतत टीकेला सामोरे जावे लागले होते. मात्र या खेळीनंतर त्याला सलामीला पाठवण्याची चर्चा सुरू झाली आहे. भारताचा माजी सलामीवीर गौतम गंभीरने (Gautam Gambhir) याबाबत आपले मत व्यक्त केले आहे. (Gautam Gambhir has expressed his opinion about Virat Kohli’s batting position)

स्टार स्पोर्ट्स शो ‘गेमप्लान’ मध्ये गंभीरने आपले मत व्यक्त केले आहे. आता विराट कोहलीबद्दल त्याने ओपनिंग करण्याबाबतची निरुपयोगी चर्चा पुन्हा सुरू करू नये. जोपर्यंत केएल राहुल आणि रोहित शर्मा संघात उपलब्ध आहेत, तोपर्यंत विराट डावाची सुरुवात करू शकत नाही. या मुद्द्यावर आता पुन्हा चर्चा सुरू करण्याची गरज नाही असे मी याबाबत या पूर्वी देखील टीव्हीवर बोललेलो आहे, असे गंभीरने म्हटले आहे.

क्लिक करा आणि वाचा- ट्वेन्टी-२० विश्वचषक म्हटलं की अश्विन संघात कसा काय येतो, जाणून घ्या हे खरं कारण

विराटच्या फलंदाजीचा क्रम कसा असेल?

विराट कोहलीच्या फलंदाजीच्या क्रमावर गंभीर पुढे म्हणाला की, ‘माझी नेहमी फलंदाजीच्या क्रमवारीत तिसऱ्या क्रमांकाबाबत लवचिक राहायचे धोरण आहे. जर सलामीवीर १० षटकांपर्यंत फलंदाजी करू शकत असेल, तर मी तिसऱ्या क्रमांकावर फलंदाजीसाठी सूर्यकुमार यादवची निवड करेन. पण जर लवकर विकेट गेली तर मी या स्थानावर विराट कोहलीला पाठवणे योग्य ठरवेन.’

क्लिक करा आणि वाचा- T 20 World cupसाठी संघ निवडताना भारताकडून मोठी चूक, ऑस्ट्रेलियन खेळाडूची सडकून टीका

मॅथ्यू हेडननेही व्यक्त केले मत

ऑस्ट्रेलियाचा माजी सलामीवीर मॅथ्यू हेडन म्हणाला, “विराट कोहलीला तिसऱ्या क्रमांकावर पाहायला मला आवडेल. तो स्ट्राइक बदलू शकतो, तो धावा जमवण्यात वाकबगार आहे. तो डावावर पूर्णपणे नियंत्रण ठेवू शकतो. त्याला फिरकीपटूकडून थोडे आव्हान आहे, पण तो वेगवान गोलंदाजांना खूप चांगली खेळतो. मला वाटते की पहिल्या चार फलंदाजांची क्रमवारी पूर्णपणे निश्चित झालेली आहे.

क्लिक करा आणि वाचा- आता आयपीएलमध्ये १५ खेळाडूंसह मैदानात उतरणार संघ! बीसीसीआयच्या नियमांमध्ये मोठा बदल



Source link

Leave a Reply

Your email address will not be published.