शहराच्या मध्यवर्ती भागात असलेला शनिवारवाडा हा केवळ पुण्याच्याच नव्हे तर देशाच्या इतिहासाचा एक महत्त्वाचा साक्षीदार आहे. १७३० मध्ये शनिवारवाड्याचे बांधकाम सुरू झाले तर १७३२ मध्ये शनिवारवाड्याची वास्तुशांत झाली. यानंतर मराठेशाहीचा भरभराटीचा आणि अस्ताचाही काळ शनिवारवाड्याने अनुभवला आहे. त्यामुळेच राज्याबरोबरच देश विदेशातील पर्यटक शनिवारवाड्याला आवर्जून भेट देत असतात.
पुरातत्व विभागातर्फे १९१९ मध्येच शनिवारवाडा ही ऐतिहासिक वास्तू म्हणून घोषित करण्यात आला आहे. महापालिकेतर्फे शनिवारवाडा येथे विविध उपक्रमांचे आयोजन केले जाते. अधूनमधून येथे वारसा फेरी म्हणजे हेरिटेज वॉकही आयोजित केला जातो. सायंकाळी येथे साउंड अँड लाइट शो द्वारे शनिवारवाड्याची, पेशव्यांच्या इतिहासाची माहितीही दिली जाते.
मात्र, दिवसा येथे येणाऱ्या पर्यटकांना केवळ तज्ज्ञ मार्गदर्शकांवर (गाइड) अवलंबून राहावे लागते. त्यामुळेच पालिकेकडून शनिवारवाडा परिसरात डिजिटल ऑडिओ गाइड सुविधा उपलब्ध करून दिली जाणार आहे.
पुणेकरांसाठी मोठी बातमी: पश्चिम पुण्यात मंगळवारी पाणीबाणी, कोणकोणत्या परिसरात पाणी बंद; वाचा सविस्तर
या अंतर्गत शनिवारवाडा परिसरात क्यू आर कोड असलेले फलक बसविले जातील. पर्यटक आपल्या मोबाइलद्वारे हा कोड स्कॅन करतील. त्यानंतर मराठी, हिंदी अथवा इंग्रजीतून त्यांना शनिवारवाड्याचा इतिहास ऐकता येणार आहे. मराठीसाठी ५० रूपये, हिंदीसाठी ७५ रूपये तर इंग्रजीतून माहितीसाठी १०० रूपये शुल्क आकारले जाणार आहे. परदेशी पर्यटकांसाठी अन्य भाषांमधूनही लवकरच ही माहिती उपलब्ध करून दिली जाणार आहे.
Pune Crime: ललित पाटील प्रकरणाला धक्कादायक वळण, दोन पोलीस कर्मचाऱ्यांना अटक
ऑनलाइन पद्धतीने हे शुल्क भरल्यानंतर पर्यटकांना त्यांच्या मोबाइलद्वारे ही माहिती ऐकता येईल. यासाठी क्यू आर कोडचे फलक पालिकेतर्फे उभारले जातील. तर डिजिटल ऑडिओ गाइडसाठीचे तंत्रज्ञान व पूरक यंत्रणेची जबाबदारी संबंधित कंत्राटदार कंपनीवर असेल. या सेवेतून मिळणारे उत्पन्न पालिका व संबंधित कंत्राटदार कंपनी समसमान प्रमाणात वाटून घेणार आहे.
काळं फासल्यानंतर नामदेवराव जाधव आक्रमक, शरद पवारांसह रोहित पवार निशाणा, खासदारकी आमदारकी घालवण्याचा इशारा
Read Latest Maharashtra News And Marathi News