प्रसाद रानडे, रत्नागिरी : दापोलीत डॉ. बाबासाहेब आंबेडकर चौक, (केळस्कर नाका) छत्रपती शिवाजी महाराज अश्वारूढ पुतळ्याजवळ युवासेना प्रमुख आदित्य ठाकरे ( Aditya Thackeray ) यांची शुक्रवारी १६ सप्टेंबर २०२२ ला शिव संवाद यात्रेची सभा झाली. या सभेकरिता दापोली दाभोळ रस्त्यावर रस्त्याच्यामधे ( अर्ध्या रस्त्यापासून) व्यासपीठ बांधण्यात आले होते. आणि एका बाजूचा रस्ता बंद करण्यात आला होता. दुपारी ४ वाजता दापोली दाभोळ रस्ता बंद करण्यात आला होता. हे योग्य की अयोग्य? असा सवाल सामाजिक कार्यकर्ते प्रसाद फाटक यांनी तक्रारीतून केला आहे. त्यांनी थेट मुख्यमंत्री एकनाथ शिंदे ( Eknath Shinde ) यांच्याकडे ही तक्रार केली आहे.

आझाद मैदान ओस पडलेलं असताना रस्ता अडवून सभा घेण्याची काहीही गरज नव्हती. शाळा सुटण्याच्या वेळी असे कार्यक्रम घेऊन विद्यार्थी, विद्यार्थी वाहून नेणारी वाहाने, रुग्णवाहीका, ज्येष्ठ नागरिक आणि सामान्य नागरिक व जनतेचा केलेला खोळंबा किंवा केलेली गैरसोय आहे, असा आरोप तक्रारीत करण्यात आला आहे. सभेची परवानगीही आझाद मैदान स.नं.434/1 मध्ये दिली होती. तरीही रस्ता बंद करून सभा घेण्यात आली. सदर परवानगीमध्ये व्यासपीठ, जागा पूर्ववत करण्यासंबंधी आणि रहदारीला अडथळा होणार नाही याची दक्षता घेणे इ. संबंधी अटी आणि शर्ती दिलेल्या असतात. त्या पाळल्या गेल्या नाहीत म्हणून आयोजकांवर गुन्हे दाखल करण्यात यावेत, अशी मागणी तक्रारीत करण्यात आली आहे. सदर सर्वे नंबरमध्ये पार्किंगची सुद्धा सोय होऊ शकते. सदर सभा आयोजकांवर रास्ता रोको आंदोलनात जी कलमे लावून गुन्हे दाखल होतात ती कलमे लावून गुन्हे दाखल करावेत. या पुढे कोठेही रस्ता बंद करून कार्यक्रम केले जातात त्यांच्यावर सुद्धा अशाप्रकारचे गुन्हे दाखल करावेत व तशा सूचना स्थानिक प्रशासकीय संस्थांना देण्यात याव्यात, अशी मागणी करण्यात आली आहे.

यापूर्वी ज्या परवानग्या देण्यात आल्या आहेत त्यांना सुद्धा या संबधी सूचना देऊन रस्ता सोडून जागा वापरावी, असे आदेश देण्यात यावेत. बोर्ड, कमानी, फ्लेक्स लावण्याकरिता खड्डे खणून रस्ता खराब करतात. या संबंधी सार्वजनिक बांधकाम खाते आणि स्थानिक प्रशासन यांच्याकडून खड्डे बुजवून पूर्वीप्रमाणे झाल्याचे लेखी प्रमाणपत्र मागवून घ्यावे, आशी मागणी करण्यात आली आहे. आता या तक्रारीवरून मुख्यमंत्री एकनाथ शिंदे काय कारवाई करणार? कुठली ॲक्शन घेणार? यावरून जोरदार चर्चा सुरू आहे.

कोकण रेल्वे: गुड न्यूज! कोकणातील प्रवाशांसाठी रेल्वेने घेतला मोठा निर्णय, १५ तारखेपासून होणार जलद प्रवा

अंत्ययात्रेलाही झाला रस्त्यावरील गर्दीचा अडथळा

दरम्यान, डॉ. बाळासाहेब सावंत कोकण कृषी विद्यापीठाचे माजी सहाय्यक कुलसचिव उत्तम गिम्हवणेकर यांचे निधन झाले. त्यांची अंत्ययात्रा दापोली-हर्णै या प्रमुख राज्य मार्गावरून जात असताना आदित्य ठाकरे यांची ही सभा सुरू होती. यामुळे अंत्ययात्रेत अडथळा निर्माण झाला होता. कोणतरी जातंय तीकडून रस्ता मोकळा करून द्या. त्यांना जाऊ द्या, अशी सुचना करण्याची वेळी आदित्य ठाकरेंवर आली. त्यावेळी आदित्य ठाकरेंचे व्यासपीठावरून भाषण सुरू होते.

आदित्य ठाकरेंच्या सुरक्षेत हलगर्जीपणा? गृहविभागाकडून सुरक्षारक्षकांना वाहनेच दिली



Source link

Leave a Reply

Your email address will not be published.