जमिनीखालून रडण्याचा आवाज, एक पाय दिसला अन् सारेच हादरले, खोदून पाहिलं तर…
थोड्या वेळाने परत घरी येऊन त्याने पाहिले असता बहिणीने गळफास घेऊन आत्महत्या केली होती. यामुळे भावाला जबर मानसिक धक्का बसला. याची माहिती बाजारपेठ पोलिस ठाण्याच्या पोलिसांना मिळताच वरिष्ठ पोलिस निरीक्षक सुनील पवार आणि महिला पोलिस अधिकारी दीपाली वाघ यांनी घटनास्थळी धाव घेत या मुलीचा मृतदेह रुक्मिणीबाई रुग्णालयात धाडला. तर, नातेवाईकांनी पोलिस ठाणे गाठत याप्रकरणी तक्रार दाखल केली.
घटनेचे गांभीर्य ओळखून पोलिसांनी मुलीच्या मैत्रिणी, तिचे मित्र यांची तातडीने चौकशी सुरू केली. या चौकशीत या मुलीला चार दिवसांपूर्वी तिच्या दोन मित्रांनी मॉलमध्ये फिरायला जाण्याच्या बहाण्याने बोलावून घेतल्याचे समोर आले. मॉलच्या बाजूला यापैकी एका मित्राचे घर आहे. त्या ठिकाणी सर्व जण जमले. तिथे या मुलीचे मित्र आणि त्या मित्रांचे दोन मित्र असे चार जण होते. या चौघांनी मुलीची छेड काढली. यानंतर तिला याबाबत काहीही घरी सांगू नकोस, असे धमकावले.
अचानक घडलेल्या या प्रकारामुळे मुलगी प्रचंड धास्तावली होती. या तणावातून तिने आत्महत्या केल्याचा निष्कर्ष पोलिसांनी काढला आहे. याबाबत वरिष्ठ पोलिस निरीक्षक सुनील पवार यांनी सांगितले की, या प्रकरणाची सखोल चौकशी सुरू आहे. मुलीची छेड काढणाऱ्यांविरोधात पोक्सासह भादंवि ३०६, ३५४, ३४, ८, १२ या कलमांखाली चौघांविरोधात गुन्हा दाखल केला आहे.