भारतीय संघाची आतापर्यंतची कामगिरी चांगली होत होती. पण आता भारताच्या चाहत्यांसाठी एक वाईट बातमी आली आहे. कारण भारतीय संघाच्या नावावर आता एक नकोसा जमा झाला आहे. कारण गेल्या तीन वर्षांत भारताला असा मानहानीकारक पराभव पत्करावा लागला नव्हता. गेल्या तीन वर्षांत भारताने सामने गमावले नाहीत असे नाही, पण गेल्या तीन वर्षांत भारतीय संघाला १० विकेट्सने पराभव पत्करावा लागला नव्हता. त्यामुळे भारतासाठी हा एक मोठा धक्का आहे. कारण काही महिन्यांनी वनडे विश्वचषक आहे आणि तोदेखील भारतात आहे. त्यामुळे भारतामध्येच खेळत असताना भारतीय संघावर ही एक मोठी नामुष्की ओढवली आहे. भारतीय संघाला पहिल्या वनडे सामन्यातही जास्त धावा करता आल्या नव्हत्या. ऑस्ट्रेलियाने भारतापुढे १८९ धावांचे आव्हान ठेवले होते. हे आव्हान माफक वाटत होते. पण तरीही भारतची या सामन्यात ३ बाद १६ अशी अवस्था झाली होती. भारताचा अर्धा संघ १०० धावांच्या आतमध्येच बाद झाला होता. त्यामुळे गेल्या दोनही सामन्यांत भारताचे फलंदाज अपयशी ठरत असल्याचे दिसत आहे. पण दुसऱ्या सामन्यात तर भारताचे पानीपत झाले. त्यामुळे भारताला आता एक मोठा धक्का पराभव आणि त्यानंतर नकोश्या विक्रमाच्या रुपात बसला आहे. त्यामुळे आता तिसऱ्या सामन्यात भारतीय संघ कशी कामगिरी करतो, याकडे सर्वांचे लक्ष लागलेले असेल.