आमदार रमेश लटके यांच्या निधनामुळे अंधेरी पश्चिम येथे रिक्त झालेल्या जागेसाठी होणाऱ्या पोटनिवडणुकीकरिता शिवसेनेने त्यांच्या पत्नी ऋतुजा लटके यांना उमेदवारी जाहीर केली

 

uddhav-thack
मुंबई : आमदार रमेश लटके यांच्या निधनामुळे अंधेरी पश्चिम येथे रिक्त झालेल्या जागेसाठी होणाऱ्या पोटनिवडणुकीकरिता शिवसेनेने त्यांच्या पत्नी ऋतुजा लटके यांना उमेदवारी जाहीर केली. मात्र ही जागा एकत्र लढण्याबाबत महाविकास आघाडीचे अद्याप एकमत झालेले नाही. यासंदर्भात शिवसेनेकडून महाराष्ट्र काँग्रेससह मुंबई काँग्रेसकडे एक प्रस्तावदेखील पाठविला असून, अद्याप त्यावर कोणताही निर्णय घेण्यात आला नसल्याची माहिती काँग्रेसमधील सूत्रांनी दिली. विशेष म्हणजे, या जागेवर काँग्रेस उमेदवार देण्याबाबत चाचपणी करत आहे. त्यावर अद्याप अंतिम निर्णय घेण्यात न आल्याने हा प्रश्न चिघळला असल्याची माहिती पुढे आली आहे.

अंधेरी पूर्व विधानसभेचे आमदार रमेश लटके यांचे निधन झाल्याने या जागेसाठी लवकरच पोटनिवडणूक होणार आहे. राज्यात सुरू असलेला सत्तासंघर्ष लक्षात घेता या निवडणुकीला अधिक महत्त्व प्राप्त झाले आहे. शिवसेनेने या ठिकाणी रमेश लटके यांच्या पत्नी ऋतुजा लटके यांना उमेदवारी जाहीर केली. त्या वेळी शिवसेनेने काँग्रेसला विचारात घेतले नसल्याची माहिती काही दिवसांपूर्वी समोर आली होती. त्यानंतर शिवसेनेचे ज्येष्ठ नेते अॅड. अनिल परब यांच्यासह इतर काही मंडळींनी यासंदर्भात काँग्रेसच्या काही ज्येष्ठ नेत्यांकडे याबाबत संपर्क साधला असल्याची माहिती काँग्रेसच्या सूत्रांकडून देण्यात आली आहे. याबाबत अद्याप कोणताही अंतिम तोडगा निघाला नसल्याचे समजते.

अशी आहे मतांची गोळाबेरीज

सन २०१९च्या विधानसभेच्या निवडणुकीची आकडेवारी लक्षात घेता रमेश लटके यांना ६२ हजारांच्या आसपास मते मिळाली होती. जवळपास १७ हजार मतांनी लटके यांनी विजय मिळविला होता. या निवडणुकीत अपक्ष मुरजी पटेल यांनी ४५ हजार मते मिळवली होती. तर काँग्रेसच्या उमेदवाराला २७ हजार मते प्राप्त झाली होती. मुरजी पटेल हे मूळचे काँग्रेसवासी आहेत. त्यामुळे काँग्रेसच्या पारड्यातील २७ हजार मते आपल्या पारड्यात पडण्यासाठी ते प्रयत्न करण्याची शक्यता वर्तविली जात आहे. तर दुसरीकडे काँग्रेसची २७ हजार मते शिवसेनेच्या पारड्यात पडावीत, यासाठी शिवसेनेकडून जोरदार प्रयत्न सुरू असल्याची माहिती काँग्रेसमधील सूत्रांनी दिली.

जवळच्या शहरातील बातम्या

Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.



Source link

Leave a Reply

Your email address will not be published.