मुंबई: प्रसिद्ध स्टँड-अप कॉमेडियन राजू श्रीवास्तव (Raju Srivastava Death News) यांनी २१ सप्टेंबर २०२२ रोजी निधन झाले. वयाच्या ५८ व्या वर्षी त्यांनी अखेरचा श्वास घेतला. ज्येष्ठ कॉमेडियन राजू श्रीवास्तव यांच्यावर दिल्लीतील एम्स रुग्णालयात उपचार सुरू होते. गेले ४० दिवस ते इस्पितळात दाखल होते. जिममध्ये व्यायाम करत असताना राजू यांना हृदयविकाराचा झटका आलेला. त्यांनतर त्यांच्या आरोग्याविषयी विविध अपडेट्स समोर आलेले. त्यांची प्रकृती सुधारतेय अशीही माहिती समोर आली होती. पण आज अचानक हे वृत्त समोर आल्याने चाहत्यांना मोठा धक्का बसला आहे.

राजू यांचा जन्म २५ डिसेंबर १९६३ रोजी उत्तर प्रदेशातील कानपूर याठिकाणी झालेला. लहानपणी त्यांना सत्यप्रकाश श्रीवास्तव हे नाव देण्यात आले होते. राजू यांचे वडील एक प्रसिद्ध कवी होते, ते बलई काका या नावाने ओळखले जायचे. राजू यांनाही मोठेपणी वडिलांप्रमाणे प्रसिद्ध व्हायचं होतं. तर मिमिक्री आणि कॉमेडीची आवड त्यांना लहानपणापासून होती.

राजू यांना त्यांच्या प्रतिभेवर विश्वास होता, म्हणून ते मुंबईत पोहोचले होते. मात्र इथे आल्यानंतर बराच काळ त्यांना चांगली ऑफर मिळाली नव्हती. त्यामुळे ते काही स्टेज शो करायचे, तर उदरनिर्वाह चालवण्यासाठी त्यांनी ऑटोही चालवायला सुरुवात केली होती. पण ते हिंमत हरले नाहीत. पुढे त्यांना काही चित्रपटांमध्ये छोट्या भूमिकांची ऑफर मिळाली. ज्यामध्ये ‘तेजाब’, ‘बाजीगर’, ‘मैने प्यार किया’ या चित्रपटांचा समावेश आहे.

पण त्यांना खरी ओळख मिळवून दिली ती ‘द ग्रेट इंडियन लाफ्टर चॅलेंज’ने. या शोमधील त्यांचे व्हिडिओ आजही चाहते आवडीने पाहतात. या शो त्यांच्या आयुष्यातील टर्निंग पॉइंट होता. ‘गजोधर’ बनून ते घराघरात पोहोचले होते.

मीडिया रिपोर्ट्सनुसार, राजू यांची एकूण संपत्ती १५ ते २० कोटींच्या दरम्यान आहे. स्टेज शो, जाहिराती आणि अभिनयामधून त्यांनी ही संपत्ती कमावली. मिळालेल्या माहितीनुसार ते लाइव्ह परफॉर्मन्ससाठी ५ लाख रुपयांपर्यंतचे मानधन आकारत होते. राजू यांच्याकडे Audi Q7 आणि BMW ३ सारख्या लक्झरी गाड्याही आहेत.



Source link

Leave a Reply

Your email address will not be published.