अकोला : अकोला वन विभागाच्या हद्दीतील ( Akola News Today ) केळीवेळी शेतशिवार परिसरात हरणाचं मांस ( Deer Meat Case ) घेऊन जाताना दोन जणांना पकडण्यात आलं होतं आणि त्यांना अटक झाली. मात्र आता वन विभागाच्या सूत्रांकडून धक्कादायक माहिती समोर आली आहे. अटकेत असलेले आरोपी हे एका पोलीस अधिकाऱ्यासाठी हरणाचं मांस घेऊन जात असल्याचे समोर आले आहे. दरम्यान, तो पोलीस अधिकारी अमरावती इथे असल्याने ते येथे पोहोचू शकले नाही. त्यामुळे हरणाचं मांस घेण्यासाठी या ठिकाणी दुसरा पोलीस कर्मचारी ठरलेल्या पत्त्यावर आला. परंतु त्या ठिकाणी वन विभागाने आधीच कारवाई केली आणि हरणाचं मांस घेवून जाणाऱ्या दोघांना पकडले होते. वन विभागाच्या कर्मचाऱ्यांना पाहून त्या पोलिसानेही घटनास्थळावरून पळ काढला.

आरोपी कोणत्या पोलीस अधिकाऱ्यासाठी हरणाचं मांस घेऊन जात होते? हरणाचं मास घेण्यासाठी आलेला पोलीस कोण? या सर्व प्रकरणाचा तपास वन विभाग करणार का? हाही प्रश्न आता उपस्थित केला जात आहे. या संदर्भात पोलिसांकडे विचारणा करण्यात आली. या प्रकरणी संबंधित पोलिसांची विचारणा करण्यात येईल, असे पोलिसांनी कळविले आहे. आता हरणाचं मांस मागवणारा पोलीस अधिकारी समोर येईल का? असा प्रश्न आता उपस्थित केला जात आहे.

आरोपींचा सवाल आपण पीएसआय आहे का?

अकोला वन विभागांर्तगत येत असलेल्या ग्राम केळीवेळीच्या जवळपास असलेल्या पांढरी फाट्याजवळ शिकाऱ्याकडून हरणाचं मांस विकत घेवून दोन जण जात आहेत, अशी माहिती अकोल्याचे वनरक्षक चंदू तायडे यांना मिळाली. या माहितीच्या आधारावर त्यांनी या ठिकाणी कारवाई करून दोघांना अटक केली आहे. विजय ओंकार भटकर (वय ३०, राहणार केळीवेळी, जि. अकोला) आणि प्रमोद गणपत धाडसे (वय ४४, राहणार केळीवेळी, जि. अकोला.) असे या दोघांची नावे आहेत. दरम्यान, वन विभागाच्या सूत्रानुसार यातील विजय भटकर याने वन विभागाच्या लोकांना सुरुवातील आपण पीएसआय आहे का? असे विचारले. त्यावर वन विभागाने म्हटले कोण पीएसआय पाहिजे अन् तुझ्याकड थैलीत काय आहे? अशी चौकशी केली. झडतीदरम्यान त्याच्याकडे हरणाचं पाच किलो मांस आढळून आलं.

दरम्यान, या संपूर्ण प्रकरणाचा तपास सुरू आहे. हरणाचं मांस कुठून आणले, कुणासाठी नेले जात होते? याचा तपास केला जाणार आहे. तपासा दरम्यान जे काही समोर येईल त्यानुसार निश्चितच योग्य ती कारवाई केली जाणार आहे, अशी माहिती वनपरिक्षेत्र अधिकारी राजसिंग ओवे यांनी दिली.

Akola News : हरणाचे मांस खरेदी करणं पडलं महागात, आत्तापर्यंत आठ हरणांची शिकार; वाचा संपूर्ण प्रकार

केशवने आतापर्यत केली ८ हरणांची शिकार

वन्यप्रांण्याची शिकार करणे तसेच त्याच्या मांसाची खरेदी-विक्री करणे हा गुन्हा आहे, असं असतानाही हरणाचे मांस विक्री करणाऱ्या केशव भटकर याने आत्तापर्यंत ८ हून अधिक हरणांची शिकार केल्याचं वन विभागाच्या तपासात समोर आलं आहे. ही शिकार त्याने केळीवेळी शेतशिवार परिसरात तसंच पूर्णा नदीच्या काठावर केली असून तो सध्या फरार आहे. लवकरच त्याला अटक करण्यात येईल, असं वनविभागाने म्हटलं आहे.

हुशारी नडली, नदीच्या पुलावर पुराचं पाणी, तरी गाडी टाकली, मग जे घडलं ते पाहून अनेकांना धक्का…



Source link

Leave a Reply

Your email address will not be published.