रत्नागिरी: मी पर्यावरणमंत्री असताना प्लॅस्टिकबंदीचा कायदा आणला होता. प्लॅस्टिकसाठी लागणारा सगळा कच्चा माल हा अंबानी यांच्याकडून पुरवला जातो. त्यामुळे हा कायदा अंमलात येऊ नये, यासाठी अंबानी यांनी न्यायालयात तब्बल ३२ वकील उभे केले होते. रामदास कदम (Ramdas Kadam) याचा फक्त एक वकील कोर्टात उभा होता. तरी पण अंबांनी प्लॅस्टिकबंदीच्या कायद्याला (Plastic Ban) न्यायालयात आव्हान देऊ शकले नाहीत. अखेर मी तो कायदा मंजूर करून घेतला. मी जगातला प्लॅस्टिकबंदीचा पहिला कायदा आणला, असे रामदास कदम यांनी म्हटले. ते रविवारी दापोलीत आयोजित करण्यात आलेल्या सभेत बोलत होते.

या सभेत रामदास कदम यांनी आदित्य ठाकरे आणि उद्धव ठाकरे यांच्यावर सडकू टीका केली. बाळासाहेब ठाकरे यांच्या निधनानंतर आदित्य ठाकरे यांनी रामदास कदमला संपवण्याचा एककलमी कार्यक्रम सुरु केला होता. २०१४ मध्ये सत्ता आल्यानंतर मला नाईलाजाने मंत्रीपद द्यावे लागले. नाहीतर शिवसेनेत असताना मी कधीही मंत्री झालो नव्हतो. माझ्यासाठी ते मुद्दाम खातं होतं, हा बाजूला बसला म्हणजे याचा चेहरा लोकांसमोर येणार नाही, असे प्रयत्न सुरु होते. पण त्यांना कुठे माहिती की, रामदास कदम आपला बाप आहे. त्या खात्यात जाऊन मी प्लॅस्टिकबंदीचा कायदा करण्यासाठी एक वर्ष अभ्यास केला. मी विविध राज्यांमध्ये आणि देशांमध्ये समित्या पाठवल्या होत्या. या समित्यांच्या अहवालाचा मी अभ्यास केला. त्यानंतर सचिव आणि मी बसून तो कायदा केला. प्लॅस्टिकबंदीचा कायदा केल्यानंतर आदित्य ठाकरे टुणटुण उड्या मारत आले. प्लॅस्टिकबंदीचा कायदा मी केला, असे सांगू लागले. अरे तू अजून लग्न केलं नाहीस, हे काय करणार? त्यानंतर आदित्य ठाकरे माझ्यासोबत राहू लागले, शासकीय बैठकांमध्ये बसून सगळं समजून घ्यायला लागले. आदित्य ठाकरे यांनी माझ्या पाठीत खंजीर खुपसला आणि माझी जागा घेतली, असा आरोप रामदास कदम यांनी केला.

Ramdas Kadam: नुसती दाढी वाढवून काय फायदा, लग्न तर करुन बघा, रामदास कदमांचा आदित्य ठाकरेंना टोला
उद्धव ठाकरेंनी एकनाथ शिंदेंना फसवलं: रामदास कदम

रामदास कदम यांनी उद्धव ठाकरेंनी एकनाथ शिंदेंची फसवणूक केल्याचा आरोपही केला. महाविकास आघाडी सरकार स्थापन होताना मढ येथील बंगल्यात एक बैठक झाली होती. त्यावेळी उद्धव ठाकरे यांनी एकनाथ शिंदे यांच्याकडे बोट दाखवून, ‘या माझ्या शिवसैनिकाला मुख्यमंत्री करा’, असे म्हटले होते. मात्र, त्यानंतर एका रात्रीत काय घडलं ते माहिती नाही. पण संजय राऊत हे शरद पवार यांच्या बंगल्यावर गेले. त्यावेळी उद्धव ठाकरे यांच्याकडून सांगण्यात आले की, माझी बायको रडत आहे, डोकं आपटून घेत आहे. तू मुख्यमंत्री हो, मला वर्षा बंगल्यावर जायचं आहे. यानंतर उद्धव ठाकरे एका रात्रीत मुख्यमंत्रीपदासाठी गुडघ्याला बाशिंग बांधून तयार झाले. दुसऱ्या दिवशीच्या बैठकीत शरद पवार यांनी अचानकपणे मुख्यमंत्री म्हणून उद्धव ठाकरे यांच्या नावाची घोषणा केली. अशाप्रकारे एकनाथ शिंदे यांची फसवणूक करण्यात आली, असे रामदास कदम यांनी म्हटले.



Source link

Leave a Reply

Your email address will not be published.