[ad_1]

वृत्तसंस्था, नवी दिल्ली
देशविरोधी कारवाया आणि सुरक्षा दलांवर प्राणघातक हल्ले केल्याप्रकरणी मणिपूरमध्ये सक्रिय असलेल्या नऊ कट्टरतावादी मैतेई संघटना आणि त्यांच्या सहयोगी संघटनांवरील बंदी सरकारने सोमवारी आणखी पाच वर्षांनी वाढवली. या संघटना प्रामुख्याने मणिपूरमध्ये कार्यरत आहेत.

स्वतंत्र राष्ट्राची घोषणा
मैतेई कट्टरतावादी संघटनांनी सशस्त्र संघर्षाद्वारे भारतापासून मणिपूर वेगळे करून स्वतंत्र राष्ट्राची स्थापना करणे आणि मणिपूरच्या स्थानिक नागरिकांना अशा अलिप्ततेसाठी भडकवणे हे त्यांचे उद्दिष्ट घोषित केले आहे, असे गृह मंत्रालयाने जारी केलेल्या अधिसूचनेमध्ये म्हटले आहे.

मैतेई दहशतवादी संघटनांवर ताबडतोब अंकुश ठेवला नाही आणि त्यांच्यावर नियंत्रण ठेवले नाही, तर त्यांना त्यांच्या फुटीरतावादी, विध्वंसक, दहशतवादी आणि हिंसक कारवाया वाढवण्याची संधी मिळेल. वेळीच आळा घातला नाही तर, हे गट आणि संघटना आंतरराष्ट्रीय सीमेपलीकडून अवैध शस्त्रे आणि दारूगोळा मिळवतील.

– केंद्र सरकार

बंदी वाढवलेल्या संघटना
– पीपल्स लिबरेशन आर्मी (पीएलए) आणि तिची राजकीय शाखा, रिव्होल्युशनरी पीपल्स फ्रंट (आरपीएफ),
– युनायटेड नॅशनल लिबरेशन फ्रंट (यूएनएलएफ) आणि त्याची सशस्त्र शाखा मणिपूर पीपल्स आर्मी (एमपीए)
– पीपल्स रिव्होल्युशनरी पार्टी ऑफ कांगलैपाक (पीआरईपीएके) आणि त्याची सशस्त्र शाखा रेड आर्मी
– कांगलैपाक कम्युनिस्ट पार्टी (केसीपी) आणि त्याची सशस्त्र शाखा (यालाही रेड आर्मी म्हणतात)
– कांगले याओल कानबा लुप (केवायकेएल)
– कोऑर्डिनेशन कमिटी (कोरकॉम)
– अलायन्स फॉर सोशालिस्ट युनिटी कांगलैपाक (एएसयूके)

याआधीही बंदी
या सर्व मैतेई कट्टरतावादी संघटनांवर गृहमंत्रालयाने नोव्हेंबर २०१८मध्ये बेकायदेशीर कृत्ये (प्रतिबंध) कायदा, १९६७ अंतर्गत बंदी घातली होती.

गृहमंत्रालय म्हणते…
– मैतेई कट्टरतावादी संघटना या भारताच्या सार्वभौमत्व आणि अखंडतेला बाधा पोहोचवणाऱ्या कारवायांमध्ये गुंतल्या आहेत.
– त्यांचे फुटीरतावादी उद्दिष्ट साध्य करण्यासाठी त्या सशस्त्रांचा वापर करीत आहेत
– सुरक्षा दल, पोलिस आणि नागरिकांवर हल्ले करून त्यांची हत्या करत आहेत.
– संघटनांसाठी निधी गोळा करण्यासाठी त्या मणिपूरमध्ये नागरिकांना धमकावणे, खंडणी व लूटमार करीत आहेत

[ad_2]

Source link

Leave a Reply

Your email address will not be published. Required fields are marked *