नवी दिल्लीः भारत हे स्मार्टफोनचे मोठे मार्केट बनले आहे. जगभरातील दिग्गज टेक कंपन्या आता चीनला कंटाळल्या आहेत. त्यामुळे अनेक कंपन्यांची चीनपेक्षा भारताला पसंती मिळत आहे. भारतात वाढत असलेला स्मार्टफोनच्या व्यापारात आता टाटा ग्रुपची (Tata Group) एन्ट्री होणार आहे. याप्रकरणी आता टाटा ग्रुपची भारतात आयफोन बनवणारी कंपनी Wistron Corp शी चर्चा सुरू आहे. या पार्टनरशीपमध्ये Tata Group iPhone बनवणार आहे. मीडिया रिपोर्ट्सच्या माहितीनुसार, टाटा ग्रुप (Tata Group) तायवानच्या कंपनीचे अधिग्रहन करण्यासाठी आयफोन प्रोडक्शनचे मॅन्यूफॅक्चरिंग वाढवणार आहे.

चीनकडून Apple चा अपेक्षाभंग
चीनमध्ये कोविडची प्रकरणे वाढत आहेत. त्यामुळे त्या ठिकाणी अजूनही अनेक ठिकाणी लॉकडाउन सारखी परिस्थिती आहे. त्यामुळे व्यापार करताना कंपन्यांना त्रास होत आहे. याच कारणामुळे कंपनी चीनमधून आपला व्यवसाय शिफ्ट करण्याच्या तयारीत आहे. कंपनीचे भारताला सर्वात जास प्राधान्य आहे. कंपनी चीनमधून भारतात जवळपास ३ लाख ७० हजार यूनिट आयफोनचे शिपमेंट करायचे आहे. जे २०२२ मध्ये ५ लाख ७० हजार युनिट होवू शकतात. सोबत चीनच्या तुलनेत भारतात लेबर कॉस्ट कमी आहे. या सर्व गोष्टींचा विचार करून कंपनी भारतात आपल्या प्रोडक्ट्सचे निर्माण करणार आहे.

२०२५ पर्यंत २५ टक्के ॲपल प्रोडक्ट्स भारतात बनवले जातील
एनालिस्ट जेपी मार्गनच्या रिपोर्टनुसार, २०२५ पर्यंत जवळपास २५ टक्के आयफोनचे निर्माण भारतात सुरू होणार आहे. म्हणजेच पुढील तीन वर्षात जगभरात विकणारा प्रत्येक चौथे ॲपल प्रोडक्ट्स हे मेड इन इंडिया असणार आहे. ॲपल प्रोडक्टची भागीदारी जवळपास ५ टक्के असू शकते. भारत सरकार लागोपाठ प्रयत्न करीत आहे. ॲपल कंपनीने चीनमधून भारतात आपला व्यवसाय शिफ्ट करावा, यासाठी भारत सरकार प्रयत्नशील आहे.

वाचाः याहून चांगले काय ! Reliance Jio च्या प्लानमध्ये १०० रुपयांत ३ GB डेटासह OTT बेनेफिट्स, पाहा डिटेल्स

वाचाः OnePlus चा शानदार स्मार्टफोन १७ हजारांपेक्षा कमीमध्ये न्या घरी, ब्लॉकबस्टर डीलमध्ये जोरदार ऑफ



Source link

Leave a Reply

Your email address will not be published.