Happy Birthday Ravi Jadhav: दिग्दर्शक, निर्माता आणि अभिनेता रवी जाधव आज ५१ वा वाढदिवस साजरा करत आहेत. ‘नटरंग’, ‘बालगंधर्व’, ‘न्यूड’ यासारखे गंभीर विषय हाताळलेल्या रवी यांनी ‘टाइमपास’ हा रोमँटिक कॉमेडी सिनेमाही केला. या सिनेमाच्या पहिल्या दोन्ही भागांना विशेष लोकप्रियता मिळाली. तिसरा भाग म्हणावा तितका लोकप्रिय ठरला नसला तरी या सिनेमानिमित्ताने रवी जाधव यांचे पुन्हा एकदा कौतुकच झाले. यावर्षी रवी यांची निर्मिती असणारा ‘अनन्या’ हा सिनेमाही प्रेक्षकांच्या पसंतीस उतला. दरम्यान ‘टाइमपास ३’ च्या प्रमोशनदरम्यान रवी यांनी मटा ऑनलाईशी मनमोकळा संवाद साधला. यावेळी त्यांनी त्यांच्या आयुष्यातील विविध रंजक किस्से शेअर केले होते. त्यांची एक अशोक सराफ यांच्याशी संबंधित आठवणीही रवी यांनी सांगितली होती.

चाहत्यांसोबत फोटो काढायला नाही म्हणत नाहीत रवी

अशोक सराफ या नावासोबतच एक वेगळं स्टारडम येतं. मराठीच नव्हे तर हिंदी प्रेक्षकही त्यांचे चाहते आहे. रवी जाधव यांनाही अशोक सराफ खूप आवडायचे. मटा ऑनलाइनशी बोलताना रवी यांनी अशोक सराफ यांच्याशी संबंधित एक आठवण शेअर केली होकी. यावेळी बोलताना ते म्हणाले होते की, ‘आज मी सिनेमाविश्वात काम करत आहे. जेव्हा माझ्याकडे चाहते येतात आणि सेल्फी, सोबत फोटो काढण्याची मागणी करतात तेव्हा मी त्यांना कधीच नाही म्हणत नाही. यामागे मुख्य कारण अशोक सराफ आहेत.’

फोटो काढल्यावर आलेलं डोळ्यात पाणी

रवी सांगतात की, ‘त्या कलाकारांमध्ये अशोक सराफही होते. त्यांना पाहिलं आणि फक्त त्यांच्याबरोबर फोटो काढण्याची आणि सही घेण्याची माझी इच्छा झाली. मी त्यांच्याजवळ गेलो त्यांना नमस्कार करत सही आणि फोटो काढण्याची विनंती केली. त्यांनी देखील मोकळेपणानं माझी विनंती मान्य केली. माझ्या आवडत्या कलाकाराला इतक्या जवळून पाहण्याची संधी मिळाली तेव्हा माझ्या डोळ्यात अक्षरशः पाणी आलं. कृतकृत्य झाल्याची भावना माझ्या मनात आली होती. त्यामुळेच आज जेव्हा माझ्याकडे कुणी सहीसाठी, फोटोसाठी येतो तेव्हा मी निःसंकोचपणं तयार होतो. त्यांना हवा तसा फोटो मी काढू देतो. त्यांच्याशी अगदी सहजपणं संवाद साधतो.’

अशोक सराफांचे मोठे फॅन होते रवी

चाहत्याने फोटोची मागणी केली की रवी त्याला नाही म्हणत नाहीत, यामागचं कारणही त्यांनी या मुलाखतीमध्ये सांगितलं. रवी यांनी सांगितलं की हा प्रसंग ते जेव्हा जाहिरात क्षेत्रात काम करत होते, तेव्हाचा आहे. तेव्हा ते झी साठी जाहिराती करत होते. झीने आयोजित केलेल्या एका कार्यक्रमात त्यांच्या पत्नी मेघनासह रवी याठिकाणी उपस्थित होते. त्याठिकाणी विविध कलाकार उपस्थित होते. रवी यांनी सांगितले की याठिकाणी आलेले चाहते या दिग्गजांच्या सह्या घेत होते, त्यांच्यासोबत फोटो काढत होते. तेव्हा रवी यांनाही अशोक सराफ यांच्याबरोबर फोटो काढायचा होता.

भाऊ आजही चालवतो रिक्षा, ठाण्यात फिरताना वापरतात स्कूटर

रवी जाधव अजूनही ठाण्यात फेरफटका मारताना स्कूटर वापरताना दिसतात. या साधेपणाविषयी ते म्हणतात की त्यांची कुटुंबीय मनोरंजन विश्वाशी निगडीत नाही. त्यामुळेच ते स्टारडम, मनोरंजन विश्वातील वलय यापासून दूर आहेत. ते सांगतात की, ‘माझा मोठा भाऊ आजही ठाण्यात रिक्षा चालवतो. त्यामुळे आमच्यासाठी रिक्षा हीच गाडी होती. त्यामुळेच टाईमपास ३ सिनेमात ‘रिक्षाच्या हॉर्नमधून आली वाघाची डरकाळी’ हे गाणं घेतलं आहे. त्याच्याशी मी खूप रिलेट करतो. माझे वडील, भाऊ यांच्यापैकी कुणीही माझ्या सिनेमाच्या कार्यक्रमाला, अथवा प्रीमिअरला येत नाहीत. ते आजही माझा सिनेमा सिनेमागृहात जाऊन तिकीट काढून बघतात. त्यांना सिनेमा आवडला तर मला येऊन आवर्जून सांगतात. माझ्या बाबांची स्कूटर होती. त्यामुळे आजही मी ठाण्यात जेव्हा केव्हा फिरतो तेव्हा स्कूटरवरून फिरतो.’

​घरच्यांना माहीतच नाही ते नेमकं काय करतात रवी

मनोरंजन विश्वात रवी यांचं मोठं नाव आहे. पण तुम्हाला माहीत आहे का त्यांच्या कुटुंबीयांना रवी नेमकं काय करतात हेच माहीत नाही. हा किस्सा स्वत: रवी यांनी सांगितला. ते म्हणाले की ते सिनेमा करतात म्हणजे नेमकं काय करतात हे त्यांच्या आई-बाबांना, भावाला माहीत नाही. ते केवळ रवी यांचा सिनेमा पाहतात आणि तो आवडला की नाही यावर प्रतिक्रिया देतात. ते सांगतात की संगमेश्वरमध्ये असणाऱ्या त्यांच्या छोट्याशा कासे या गावातील नातेवाईकांनाही ते काय करतात हे माहीत नाही. त्यामुळे ते अतिशय साधेपणाने वागतात.



Source link

Leave a Reply

Your email address will not be published.