नवी दिल्ली : भारत आणि पाकिस्तान यांच्यातील क्रिकेटचा साममा म्हणजे चाहत्यांसाठी पर्वणीच असते. या महिन्यातही भारत आणि पाकिस्तान यांच्यातील पुरुषांचा क्रिकेटचा सामना खेळवण्यात येणार आहे. हा सामना कधी आणि कुठे खेळवण्यात येणार आहे, याबाबतची सर्व माहिती आता समोर आली आहे.

वाचा-मोठा बदल… तिसऱ्या ट्वेन्टी-२० सामन्याचीही वेळ बदलली, पाहा किती वाजता सुरु होणार लढत…

भारत आणि पाकिस्तान यांच्यातील सामना या महिन्याच्या २८ तारखेला होणार आहे. रविवारी २८ ऑगस्टला हा सामना संध्याकाळी ६.०० वाजता सुरु होणार आहे. आशिया चषक क्रिकेट स्पर्धा ही २७ ऑगस्ट ते ११ सप्टेंबर या कालावधीमध्ये खेळवण्यात येणार आहे. या स्पर्धेत भारत आणि पाकिस्तान हे दोन्ही संघ एकाच गटात आहेत. त्यामुळे या गटातील पहिला सामना हा भारत आणि पाकिस्तान यांच्यामध्ये खेळवण्यात येणार आहे. आज आशिया चषक क्रिकेट स्पर्धेचे वेळापत्रक जाहीर झाले आणि त्यानुसार भारत आणि पाकिस्तानचा सामना कधी होणार, हे समोर आले आहे.

वाचा-Ind Vs Wi : घरात आई आजारी; पोराने मैदान गाजवलं: सामनावीर होताच काढले भावुक उद्गार

आशिया चषक स्पर्धा ही श्रीलंकेत खेळवण्यात येणार होती. राजकीय आणि आर्थिक अस्थिरतेमुळे श्रीलंकेमध्ये अस्थिरतेचे वातावरण आहे. त्यामुळे आम्ही आशिया चषक खेळवू शकत नाही, असे श्रीलंकेच्या क्रिकेट मंडळाने स्पष्ट केले होते. त्यानंतर ही स्पर्धा कुठे होऊ शकते, याचे सुतोवाच बीसीसीआयचे अध्यक्ष सौरव गांगुली यांनी केले होते. श्रीलंका क्रिकेटने बुधवारी आशियाई क्रिकेट परिषदेला (एससीसी) कळवले होते की, देशातील आर्थिक आणि राजकीय संकटामुळे बोर्ड आशिया चषक ट्वेन्टी-२० स्पर्धेच्या आयोजन करण्याच्या स्थितीत नाही. सध्याच्या संकटामुळे श्रीलंका क्रिकेटने अलीकडेच लंका प्रीमियर लीगचा तिसरा टप्पा पुढे ढकलला होता. ऑगस्ट महिन्यात आशिया चषक स्पर्धा खेळवण्यासाठी श्रीलंकेने पुढाकार घेतला होता. आशिया चषक स्पर्धा ही २७ ऑगस्ट ते ११ सप्टेंबर या कालावधीमध्ये होणार आहे.

वाचा-दुसऱ्या टी-२० सामन्यात भारताचा पराभव; शेवटच्या षटकातील एक चूक पडली महागात

युएईने गेल्या दोन वर्षांमध्ये महत्वाच्या स्पर्धा भरवल्या आहेत. भारतामध्ये आयपीएल रद्द करावे लागले होते, त्यानंतर ते युएईमध्येच खेळवण्यात आले होते. त्याचबरोबर ट्वेन्टी-२० विश्वचषकासारखी महत्वाची स्पर्धाही युएईमध्ये खेळवली गेली होती. त्यानंतर आता आशिया चषक क्रिकेट स्पर्धा पुन्हा एकदा युएईमध्ये होणार असल्याचे दिसत आहे.



Source link

Leave a Reply

Your email address will not be published.