कांदिवली येथील सीए हे कुटुंबीयांसह जयपूरला लग्नासाठी गेले होते. लग्नावरून गरीब रथ रेल्वेने परतत असताना त्यांची ओळख मोहन नावाच्या व्यक्तीसोबत झाली. त्याने नगरसेवक असल्याचे सांगत गुरे खरेदी-विक्रीचा व्यवसाय असल्याचे सांगितले. ओळख झाल्याने दोघांनी एकमेकांच्या मोबाइल क्रमांकाची घेवाणदेवाण केली. मोहन याने सीएच्या मोबाइल क्रमांकावर संपर्क केला आणि ऑक्टोबर महिन्यात त्याला भेटण्यासाठी मुंबईत आला. येताना तूप, तांदूळ, पनीर आणि बरेच काही घेऊन आला. दोनतीन वेळा आल्यानंतर त्यांच्यात चांगली मैत्री झाली.
आईचा डोळा लागला, झोप उघताच समोर काळीज तुटणारं दृश्य, १० महिन्यांचं बाळ पाण्याच्या बादलीत…
सीएचा आपल्यावरील विश्वास बसल्याचे पाहून मोहन याने आपल्या शेजारी एक विधवा राहत असून तिचे पती सैन्यात होते अशी माहिती दिली. १९७५ मध्ये तिच्या पतीने बांगलादेश सीमेवरून माती आणली असून या मातीला बरीच मागणी आहे. ही माती पाण्यामध्ये उकळून वितळवल्यास त्यातून सोने मिळते. हे सांगतानाच मातीतून सोने काढूनही दाखवले.
सीएने मातीतून काढलेल्या सोन्याची आपल्या सोनाराकडून पडताळणी करून घेतला असता ते खरे असल्याचे दिसून आले. त्यामुळे सीए आणि त्याचे कुटुंबीय माती खरेदी करण्यास तयार झाले. सुमारे एक कोटीपेक्षा अधिक मूल्याची माती सीएला ३० लाख रुपयांना देण्यात आली. स्वस्तामध्ये माती मिळाल्याने सीए आणि त्याचे कुटुंबीय आनंदात होते. मात्र, त्यांचा हा आनंद काही कालावधीपुरताच राहिला.
माती वितळविण्यास गरम केली असता त्यातून काहीच निघाले नाही. त्यांनी मोहनला संपर्क करून याबाबत कळवले असता त्याने मी मुंबईत येतो असे सांगितले. परंतु मोहन मुंबईत आलाच नाही आणि त्याच्यासह इतरांनीही मोबाइल बंद केले. फसवणूक झाल्याचे लक्षात येताच सीएने कांदिवली पोलिस ठाण्यात तक्रार केली.
Read Latest Maharashtra News And Marathi News