बंगळुरूत तरुणीची चाकूने वार करून हत्या:एक दिवस मृतदेहासोबत राहिला प्रियकर; पोलिसांना संशय- आरोपीला मृतदेहाचे तुकडे करायचे होते

बंगळुरूमध्ये एका व्यक्तीने आपल्या गर्लफ्रेंडची चाकूने वार करून हत्या केली आणि एक दिवस तिच्या मृतदेहासोबत राहिला. ही घटना इंदिरानगर येथील सर्व्हिस अपार्टमेंटमध्ये घडली. माया गोगोई डेका (19) असे मृत तरुणीचे नाव आहे, तर आरव हनोय (21) असे संशयित आरोपीचे नाव आहे. पीडित महिला आसामची रहिवासी होती, तर आरोपी केरळच्या कन्नूरचा रहिवासी होता. पोलिसांनी सांगितले की, आरोपी एचएसआर लेआउटमध्ये स्टुडंट काउन्सेलर म्हणून काम करत होता, तर पीडित युट्यूब कंटेंट क्रिएटर होती आणि जयनगरमधील एका खासगी कंपनीत काम करत होती. दोघांनी मिळून तीन दिवसांसाठी हे सर्व्हिस अपार्टमेंट बुक केले होते, तिथे त्याने आपल्या गर्लफ्रेंडची हत्या केली. रात्री खून केल्यानंतर आरोपी दिवसभर मृतदेहाजवळच होता
पोलिसांनी दिलेल्या माहितीनुसार, माया 23 नोव्हेंबर रोजी प्रियकराला भेटण्यासाठी या सर्व्हिस अपार्टमेंटमध्ये आली होती. 24 नोव्हेंबरच्या रात्री हा खून झाल्याचा पोलिसांना संशय आहे आणि आरवने दुसऱ्या दिवसापर्यंत मृतदेहासोबत वेळ घालवला. मंगळवारी सकाळी 8.20 वाजता तो अपार्टमेंटमधून बाहेर पडला आणि कॅब घेऊन फोन बंद केला. तो निघून गेल्यानंतर, हाऊसकीपिंग कर्मचारी खोली साफ करण्यासाठी आले असता, दार कुलूपबंद होते आणि उग्र वास येत होता. कर्मचाऱ्यांनी दार उघडले असता बेडवर मुलीचा मृतदेह आढळून आला. यानंतर पोलिसांना पाचारण करण्यात आले. पोलिस श्वानपथक आणि फॉरेन्सिक तज्ज्ञांसह येथे पोहोचले. हत्येचा कट रचण्यात आला
माया गोगोई डेका हिच्या शरीरावर चाकूच्या अनेक जखमा आणि डोक्याला मार लागल्याचे पोलीस तपासात समोर आले आहे, परंतु मृत्यूचे मुख्य कारण छातीत खोल जखम असल्याचे मानले जात आहे. पोलिसांनी सीसीटीव्ही फुटेज तपासले, ज्यामध्ये 23 नोव्हेंबर ते 26 नोव्हेंबरदरम्यान कोणीही अपार्टमेंटमध्ये प्रवेश करताना दिसले नाही. पोलिसांनी सांगितले की तपासादरम्यान आम्हाला समजले की आरोपीकडे जुना चाकू होता ज्याने मुलीची हत्या केली. आरोपीने झेप्टो ॲपवरून दोन मीटर लांबीची नायलॉन दोरी मागवली होती, ती या सर्व्हिस अपार्टमेंटमध्ये पोहोचवली होती. पोलिसांना गुन्ह्याच्या ठिकाणी ऑर्डर केलेले दोरीचे आवरण सापडले. प्राथमिक तपासात ही हत्या पूर्वनियोजित असल्याचे पोलिसांचे म्हणणे आहे. आरोपी एक दिवस मृतदेहासोबत का राहिला याचा तपास पोलीस करत आहेत. मृतदेहाचे तुकडे करून त्यांची कुठेतरी विल्हेवाट लावण्याचा त्याचा डाव होता का, याचाही पोलिस या कोनातून तपास करत आहेत. 6 महिन्यांपूर्वी ही मुलगी बेंगळुरूला आली होती
पोलिसांनी सांगितले की, पीडित महिला सहा महिन्यांपूर्वी बेंगळुरूला आली होती आणि 20 दिवसांपूर्वीच जयनगरमधील एका खासगी कंपनीत कामाला लागली होती. बंगळुरूमधील व्हाईटफिल्ड भागातील एका अपार्टमेंटमध्ये ती तिची बहीण आणि मैत्रिणीसोबत राहत होती. माया आणि आरोपीमध्ये मैत्री असल्याचे तिच्या बहिणीने पोलिसांना सांगितले. शवविच्छेदन अहवालानंतरच मुलीची हत्या कोणत्या दिवशी झाली हे स्पष्ट होईल, असे पोलिसांचे म्हणणे आहे. पोलिसांनी भारतीय न्याय संहितेच्या कलम 103 (हत्या) आणि 238 (पुरावा गायब) अंतर्गत गुन्हा दाखल केला आहे. याशिवाय आरोपींना पकडण्यासाठी पथकेही तयार करण्यात आली आहेत.