बॉर्डर-गावस्कर ट्रॉफी- ब्यू वेबस्टरचा ऑस्ट्रेलियन संघात समावेश:मार्शच्या फिटनेसवर शंका; दुसरी कसोटी 6 डिसेंबरपासून ॲडलेडमध्ये होणार

अष्टपैलू मिचेल मार्श पूर्णपणे तंदुरुस्त नसल्यामुळे ऑस्ट्रेलियाने टास्मानियाचा अष्टपैलू खेळाडू ब्यू वेबस्टरचा संघात समावेश केला आहे. वेबस्टर फिरकी आणि मध्यमगती गोलंदाजीसह फलंदाजी करू शकतो. 30 वर्षीय वेबस्टर म्हणाला- ‘बलाढ्य भारतीय संघाविरुद्ध (ऑस्ट्रेलिया अ साठी) काही धावा आणि विकेट्स मिळवून आनंद झाला. जेव्हा तुम्ही ‘अ’ संघासाठी खेळता तेव्हा ते कसोटीत एक पातळी खाली असते. न्यू साउथ वेल्स (NSW) विरुद्धच्या सामन्यानंतर ‘बेल्स’ (पुरुष निवड समितीचे अध्यक्ष जॉर्ज बेली) यांचा फोन आला हा माझ्यासाठी अभिमानाचा क्षण होता. मी संघात सामील होण्याची आतुरतेने वाट पाहत आहे. वेबस्टरने भारत-अ विरुद्धच्या अनधिकृत कसोटीच्या चार डावांत दोनदा नाबाद असताना 145 धावा केल्या होत्या. तसेच सात विकेट्स घेतल्या. एवढेच नाही तर सिडनीतील शेफिल्ड शिल्डमध्ये न्यू साउथ वेल्सविरुद्ध त्याने 61 आणि 49 धावा केल्या आणि 5 बळीही घेतले. पर्थ कसोटीनंतर मिचेल मार्शला वेदना होत होत्या ऑस्ट्रेलियन संघात अष्टपैलू मिचेल मार्शच्या जागी वेबस्टरची निवड करण्यात आली आहे. पर्थ कसोटीनंतर मार्शच्या स्नायूंना ताण आला होता. मार्शच्या दुखापतीवर ऑस्ट्रेलियाचे मुख्य प्रशिक्षक अँड्र्यू मॅकडोनाल्ड म्हणाले होते – ‘मार्शच्या फिटनेसबद्दल काही शंका आहे.’ ऑस्ट्रेलियन कर्णधार पॅट कमिन्सनेही मार्शच्या फिटनेसवर चिंता व्यक्त केली होती. पर्थ कसोटीत दहा षटके टाकल्यानंतर मार्शला ॲडलेड सामन्यासाठी वेळेत सावरता आले नाही, तर वेबस्टरला ऑस्ट्रेलियाचा 468वा पुरुष कसोटीपटू बनण्याची संधी असेल. BGT मध्ये भारत 1-0 ने पुढे आहे बॉर्डर-गावस्कर करंडक स्पर्धेत भारतीय संघ 1-0 ने आघाडीवर आहे. संघाने पहिल्या कसोटीत ऑस्ट्रेलियाचा चार दिवसांत 295 धावांनी पराभव केला. बॉर्डर-गास्कर ट्रॉफीचा दुसरा सामना 6 डिसेंबरपासून ॲडलेडमध्ये खेळवला जाणार आहे.