लंडन : ब्रिटनच्या राणी एलिझाबेथ द्वितीय यांचं ८ सप्टेंबरला निधन झालं होतं. त्यांच्या अंत्यविधीसाठी दहा लाख नागरिक येतील, असा अंदाज वाहतूक प्राधिकरणाने व्यक्त केला आहे. एलिझाबेथ द्वितीय यांच्यावर वेस्टमिन्स्टर अॅबे येथे थोड्याच वेळात अंत्यसंस्कार होणार आहेत. जगातील विविध देशांच्या राष्ट्रप्रमुखांसह सुमारे दोन हजार पाहुणे उपस्थित राहण्याची शक्यता आहे. भारताच्या राष्ट्रपती द्रौपदी मुर्मू देखील ब्रिटनमध्ये उपस्थित आहेत. ब्रिटनच्या स्थानिक वेळेनुसार काही वेळापूर्वी एलिझाबेथ् द्वितीय यांची अंत्ययात्रा सुरु झाली आहे. एलिझाबेथ यांचं निधन वयाच्या ९६ व्या वर्षी झालं त्यामुळं ९६ मिनिटे घंटा वाजवली जाणार आहे.

ब्रिटनमध्ये राणीच्या निधनानंतर परदेशातील नागरिकांसह देशातील नागरिकांची गर्दी शहरात वाढली आहे. स्थानिक प्रशासनाकडून यासाठी २५० जादा रेल्वे सोडल्या जाणार आहेत. त्याशिवाय, काही रेल्वेसेवा रात्रभर उपलब्ध असतील, असे सूत्रांनी सांगितलं आहे. हिथ्रो विमानतळावरील १०० विमानांच्या फेऱ्या सोमवारी रद्द करण्यात आल्या आहेत. अंत्यविधी सोहळ्यास आवाजाचा त्रास होऊ नये, यासाठी हा निर्णय घेण्यात आल्याचे स्पष्ट करण्यात आले आहे.

ब्रिटनमधील १३ व्या शतकातील चर्चमध्ये जगातील प्रमुख नेते आणि मान्यवर सदस्य यांच्यासह किंग चार्ल्स तृतीय, क्वीन कन्सर्ट महाराणी उपस्थित असतील. जागतिक नेत्यांसह ते ताबूतच्या मागे चालतील. जपान, भूतान, ब्रुनेई, जॉर्डन, कुवेत येथील प्रमुख नेते ब्रिटनमध्ये उपस्थित आहेत. महाराणी एलिझाबेथ द्वितीय यांच्यावर अंत्यसंस्कार करण्यासंदर्भातील सेवा ब्रिटनच्या १३ व्या शतकातील चर्चमध्ये सुरु आहे.

टाटाही सांभाळू शकले नाही जी कंपनी आता त्याला अदानींची पुढची पिढी तारणार

पाचशेहून अधिक मान्यवरांची उपस्थिती

अंत्यविधीस अमेरिकेचे अध्यक्ष जो बायडन, विविध देशांचे प्रमुख, राजघराण्याशी संबंधित अशा पाचशेवर मान्यवरांची सोहळ्यास हजेरी असेल. वेस्टमिनिस्टर हॉलमध्ये ठेवण्यात आलेल्या राणीच्या पार्थिवाचे दर्शन घेण्यासाठी हजारो नागरिकांनी रांग लावल्याचं पाहायला मिळालं.

अंत्यसंस्कार वेस्टमिन्स्टर अॅबेमध्ये

एलिझाबेथ द्वितीय यांच्यावर आज वेस्टमिन्स्टर अॅबे येथे अंत्यसंस्कार होणार आहेत. त्यांचे पती प्रिन्स फिलिप यांच्याशेजारी विंडसर येथे दफन केले जाणार आहे.

उद्धव-आदित्य-रश्मी ठाकरे यांच्यावर रामदास कदम यांची घणाघाती टीका, राज म्हणाले…

राष्ट्रपती द्रौपदी मुर्मू लंडनमध्ये

भारताच्या राष्ट्रपती द्रौपदी मुर्मू शनिवारी सकाळी लंडनमध्ये दाखल झाल्या आहेत. त्या तीन दिवसांच्या ब्रिटन दौऱ्यावर आहेत. भारत सरकारतर्फे त्या राणीला अभिवादन करणार आहेत. भारताच्या राष्ट्रपती द्रौपदी मुर्मू यांनी, लंडनमध्ये रविवारी राणी एलिझाबेथ द्वितीय यांच्यासाठी शोकसंदेश लिहिला.

आता सिमेंट क्षेत्रात ‘अदानी पॉवर’, काय आहे क्षेत्रात उतरण्याचे कारण; सांगितले पुढचे टार्गेट 94206888



Source link

Leave a Reply

Your email address will not be published.