नवी दिल्ली: BSNL Towers : BSNL कंपनीने मोबाईल फोन आधी गाव, परिसर आणि शेवटी घराघरात पोहोचविले हे विसरून चालणार नाही. पण, सध्या चित्र वेगळे असून यावेळी कंपनी आपले अस्तित्व वाचवण्यासाठी धडपडत आहे. कंपनीला वाचवण्यासाठी सरकारने मदत पॅकेजही जाहीर केले असले तरी BSNL कर्मचारी सरकारच्या एका निर्णयाला विरोध करत आहेत. बीएसएनएलच्या मुख्य युनियन आणि संघटनांची अम्ब्रेला ऑर्गनायझेशन एयुएबी अंतर्गत हे आंदोलन करण्यात येत असून कंपनीचे कर्मचारी काळे बिल्ला लावून सरकारच्या धोरणाचा निषेध करत आहेत. केंद्र सरकारच्या या धोरणाला देशभरात बीएसएनएलचे कर्मचारी विरोध करत आहेत. यामागे नेमके कारण काय ते जाणून घेऊया.

वाचा: Smartphone Offers : ६४ MP कॅमेरासह येणाऱ्या Oppo च्या ‘या’ प्रीमियम स्मार्टफोनवर मिळतोय भारी डिस्काउंट, होणार मोठी सेव्हिंग

सरकारच्या निर्णयाला विरोध का ?

एयुएबी महाराष्ट्राचे अध्यक्ष रंजन दाणी म्हणतात की, त्यांची संघटना १४,९१७ BSNL टॉवर्स खासगी कंपन्यांना देण्याच्या सरकारच्या निर्णयाला तीव्र विरोध करत आहे. ‘सामान्य अर्थसंकल्प २०२१-२२ मध्ये, सरकारने बीएसएनएल आणि एमटीएनएलचे मोबाइल टॉवर आणि ऑप्टिक फायबर खासगी कंपन्यांना देऊन ४० ,००० कोटी रुपये गोळा करणार असल्याचे सांगितले होते.

वाचा: New Smartphone : नवीन स्मार्टफोन खरेदी करतांना ‘या’ गोष्टींकडे द्या विशेष लक्ष, मिळेल बेस्ट डील

स्वतःच्या टॉवरसाठी पैसे द्यावे लागतील :

या क्रमाने सरकारने १४,९१७ टॉवर्स खासगी कंपन्यांच्या ताब्यात देण्याचा निर्णय घेतला आहे. भविष्यात, हे टॉवर आणि ऑप्टिक फायबर वापरण्यासाठी बीएसएनएललाच खासगी कंपन्यांना पैसे द्यावे लागतील. थोडक्यात सांगायचे तर, सरकारला बीएसएनएलचे १४,९१७ टॉवर खासगी कंपन्यांना देऊन ४० हजार कोटी रुपये गोळा करायचे आहेत. यासह बीएसएनएलची स्थिती सुधारण्याची योजना आहे. मात्र, हे टॉवर खासगी कंपन्यांना द्यायचे म्हणजे BSNL ला ते वापरण्यासाठी पैसे मोजावे लागतील.

तर दुसरीकडे , सरकार अनेक मार्गांनी बीएसएनएलला पुन्हा रुळावर आणण्याचा प्रयत्न करत आहे. अलीकडेच सरकारने यासाठी १.६४ लाख कोटी रुपयांचे मदत पॅकेज जाहीर केले आहे. त्यामुळे अनेक दिवसांपासून रखडलेली बीएसएनएल 4जी सेवा सुरू होणार आहे. यासोबतच, बीएसएनएलचा तोटाही कमी करण्यासाठी केंद्र सरकार प्रयत्नशील आहे. तसेच, ताज्या अपडेटनुसार , सरकारने BSNL आणि BBNL च्या विलीनीकरणालाही मान्यता दिली आहे.

वाचा: १ ते ३ ऑगस्टदरम्यान सेल, ३२ ते ६५ इंचाच्या Smart TV वर ४० % पर्यंतचा ऑफ मिळणार



Source link

Leave a Reply

Your email address will not be published.