नवी दिल्ली: देशात ई-कॉमर्सची व्याप्ती वाढल्याने कार्ड खरेदीतही मोठी वाढ झाली आहे. विविध प्रकारचे क्रेडिट कार्ड, डेबिट कार्ड आणि पेमेंट अॅप्समुळे ऑनलाइन खरेदी आणि इंटरनेटवरील खरेदीला प्रचंड वेग आला आहे. आता ई-कॉमर्स कंपन्यांनी ग्राहकांना ‘Buy Now Pay Later’ म्हणजेच ‘आधी खरेदी करा नंतर पैसे द्या’ सारख्या आकर्षक योजनांचा पर्याय देण्यास सुरुवात केली आहे. त्याच्या मदतीने तुम्ही पैसे न भरता झटपट खरेदी करू शकता. पेमेंट करण्यासाठी १५ ते ४५ दिवसाचा कालावधी दिला जातो. डे तारखेला तुम्ही खर्च केलेली रक्कम तुमच्या बँक खात्यातून डेबिट केली जाते. जर तुम्हाला पेमेंटच्या तारखेला एकरकमी पेमेंट करायचे नसेल, तर तुम्ही संपूर्ण रक्कम ईएमआयमध्ये रूपांतरित करू शकता आणि ती हप्त्यांमध्ये भरू शकता.

घर खरेदीच्या विचारात आहात? पत्नीची साथ घेतल्यास गृहकर्जाचं ओझं वाटणार नाही, मिळतात भरघोस फायदे
Buy Now Pay Later मध्ये फायनान्स कंपनी तुम्हाला अल्प मुदतीचे कर्ज देते. याची खास गोष्ट म्हणजे तुम्ही काही सेकंदात हे कर्ज खरेदी करू शकतात. ही पेमेंट पद्धत देशात खूप लोकप्रिय होत आहे आणि खरेदीची आवड असलेले लोक त्याकडे अधिकाधिक आकर्षित होत आहेत. फक्त शॉपिंगच नाही तर आजकाल हा पर्याय ट्रॅव्हल बुकिंग, खाणं मागवणे, राइड शेअरिंगवरही उपलब्ध आहे.

ICICI चा क्रेडिट कार्डधारकांना धक्का; आजपासून भरावे लागणार १% अतिरिक्त शुल्क
BNPL कसे काम करते?
सर्व बीएनपीएल सेवा प्रदात्यांच्या काही अटी व शर्ती असतात. प्रथमच बीएनपीएल सुविधा वापरणाऱ्या खरेदीदारांना ही सेवा प्रदान करणाऱ्या प्लॅटफॉर्मवर केवायसी करावे लागेल तरच त्यांना ही सेवा मिळते. काही रक्कम ग्राहकाला डाउन पेमेंट म्हणून भरावी लागते तर उरलेले पैसे एकरकमी किंवा हप्त्याने दिले जाऊ शकतात. याशिवाय खरेदी केल्यानंतर तुम्हाला Buy Now Pay Later पर्याय निवडावा लागेल. तुम्ही बँक ट्रान्सफर, चेक, क्रेडिट कार्ड, डेबिट कार्ड इत्यादीद्वारे परतफेड करू शकता.

खात्यातून रक्कम कापली जाईल
तुम्ही आता खरेदी करा, नंतर पैसे द्या पर्याय निवडून जेव्हा खरेदी करता तेव्हा तुम्हाला तुमचे पैसे भरण्यासाठी थोडा वेळ मिळेल. हा कालावधी साधारणपणे १५ ते ४५ दिवसांचा असतो. डे तारखेला तुमच्या खात्यातून पैसे कापले जातात. जर तुम्हाला पेमेंटच्या तारखेला एकरकमी रक्कम द्यायची नसेल, तर तुम्ही ती हप्त्यांमध्ये देखील भरू शकता.

पुढच्या वर्षी नोकऱ्यांची भरभराट; विक्रमी ९ दशलक्ष फ्रंटलाइन नोकऱ्या निर्माण होणार, पाहा कोणत्या क्षेत्रांची मागणी
काय आहेत फायदे?
आता खरेदी करा, नंतर पैसे द्या हा अशा लोकांसाठी सर्वोत्तम पेमेंट पर्याय आहे ज्यांच्याकडे खरेदी करण्यासाठी पुरेसे पैसे नाहीत आणि त्यांना त्या गोष्टीची गरज असते. यामध्ये, वस्तू खरेदी केल्यानंतर लगेच पैसे भरण्याची गरज नाही. तुम्ही ठराविक कालावधीसाठी व्याजाशिवाय पैसे परत करू शकता. अशा प्रकारे विकत घेतलेल्या मालाची किंमत आपल्याला फारशी पडत नाही. पण अंतिम मुदत संपल्यानंतर BNPL सुविधा देणारी कंपनी व्याज आकारू शकते. त्याची क्रेडिट मर्यादा ५०० ते ३०,००० रुपयांपर्यंत असू शकते. तुम्हाला एका क्षणात कर्ज मिळते आणि व्यवहारही सुरक्षित असतो. यामध्ये नो-कॉस्ट ईएमआयचा लाभ उपलब्ध आहे.



Source link

Leave a Reply

Your email address will not be published.