Maharashtra cabinet Expansion | नव्या सरकारचा मंत्रिमंडळ विस्तार ३ ऑगस्टपूर्वी संपन्न होईल, अशी माहिती त्यांनी दिली. यासंदर्भात सध्या मुख्यमंत्री आणि उपमुख्यमंत्री चर्चा करत आहेत. कोणते जिल्हे ते (भाजप) घेतील कोणते जिल्हे आम्हाला मिळणार. त्यांचे किती मंत्री असतील, आमचे किती मंत्री मंत्री होणार?, याबाबत चर्चा केली जात आहे. मला असं वाटत पुढील दोन दिवसात अंतिम निर्णय होईल

 

Shinde Fadnavis govt (3)
देवेंद्र फडणवीस आणि एकनाथ शिंदे

हायलाइट्स:

  • एकनाथ शिंदे हेदेखील गुरुवारी रात्रीच दिल्लीला रवाना होण्याची शक्यता
  • नव्या सरकारचा मंत्रिमंडळ विस्तार ३ ऑगस्टपूर्वी संपन्न होईल
  • त्यांचे किती मंत्री असतील, आमचे किती मंत्री मंत्री होणार?
मुंबई: सरकार स्थापन होऊन एक महिना उलटत आला तरी शिंदे-फडणवीस सरकारचा मंत्रिमंडळ विस्तार रखडला आहे. १६ आमदारांच्या अपात्रतेबाबतचा निर्णय सर्वोच्च न्यायालयात असल्यामुळे मंत्रिमंडळाचा विस्तार लांबणीवर पडल्याचे सांगितले जात होते. परंतु, आता शिंदे-फडणवीस सरकारच्या मंत्रिमंडळ विस्ताराची (Cabinet Expansion) तयारी अंतिम टप्प्यात असून त्याचा मुहूर्तही ठरल्याची माहिती समोर येत आहे. दिल्लीत महाराष्ट्रातील मंत्रिमंडळ विस्तारासाठी खलबतं सुरु असल्याची माहिती समोर येत आहे. विशेष म्हणजे भाजप नेते गिरीश महाजन हे आज संध्याकाळी दिल्लीत दाखल झाले आहेत. त्यांनी केंद्रीय गृहमंत्री अमित शाह यांची भेट घेतल्याची माहिती समोर आली होती. त्यापाठोपाठ शिंदे गटाचे आमदार अब्दुल सत्तारही दिल्लीच्या दिशेने रवाना झाल्याचे समजते.
शिंदे गटानं आरपीआयमध्ये विलीन व्हावं, टेबलावर उभं राहून स्वागत करणार, रामदास आठवलेंची ऑफर
दिल्लीला जाण्यापूर्वी अब्दुल सत्तार यांनी प्रसारमाध्यमांशी संवाद साधला. त्यावेळी त्यांनी मंत्रिमंडळ विस्ताराच्या हालचाली अंतिम टप्प्यात असल्याच्या वृत्ताला दुजोरा दिला. नव्या सरकारचा मंत्रिमंडळ विस्तार ३ ऑगस्टपूर्वी संपन्न होईल, अशी माहिती त्यांनी दिली. यासंदर्भात सध्या मुख्यमंत्री आणि उपमुख्यमंत्री चर्चा करत आहेत. कोणते जिल्हे ते (भाजप) घेतील कोणते जिल्हे आम्हाला मिळणार. त्यांचे किती मंत्री असतील, आमचे किती मंत्री मंत्री होणार?, याबाबत चर्चा केली जात आहे. मला असं वाटत पुढील दोन दिवसात अंतिम निर्णय होईल आणि ३ तारखेच्या आत शपथविधी होईल, असे अब्दुल सत्तार यांनी म्हटले.
Manohar Joshi: पंतांच्या घरातून बाहेर पडताच एकनाथ शिंदेंचं सूचक वक्तव्य, म्हणाले…
तर दुसरीकडे मुख्यमंत्री एकनाथ शिंदे हेदेखील गुरुवारी रात्रीच दिल्लीला रवाना होण्याची शक्यता आहे. तत्पूर्वी त्यांनी आज दिवसभरात मुंबईत शिवसेनेतील बुजुर्ग नेत्यांच्या गाठीभेटी घेतल्या. यावेळी संबंधितांमध्ये काय चर्चा झाली, हे अद्याप गुलदस्त्यात आहे. परंतु, महाराष्ट्रातील मंत्रिमंडळ विस्ताराच्या हालचालींचे केंद्रस्थान आता दिल्ली असेल. एकनाथ शिंदे यांच्याशिवाय त्यांच्या गटातील निवडक आमदारांना दिल्लीत दाखल होण्याचे आदेश देण्यात आल्याचीही माहिती आहे. या सर्व आमदारांना मंत्रिपद मिळणार का, हे आता पाहावं लागेल. सूत्रांच्या माहितीनुसार, शिंदे-फडणवीस सरकारचा मंत्रिमंडळ विस्तार दोन टप्प्यांत होऊ शकतो.

जवळच्या शहरातील बातम्या

Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.

Web Title : Marathi News from Maharashtra Times, TIL Network



Source link

Leave a Reply

Your email address will not be published.