चौंडी येथे आज राज्य मंत्रिमंडळ बैठक:इतिहासात पहिल्यांदाच असे आयोजन; बैठकीची प्रशासकीय तयारी पूर्ण
पुण्यश्लोक अहिल्यादेवी होळकर यांच्या त्रिशताब्दीवर्षानिमित्त अहिल्यादेवी यांचे जन्मगाव असलेल्या चौंडी येथे आज मंत्रिमंडळाची बैठक होत आहे. या बैठकीची प्रशासकीय तयारी सोमवारी रात्रीच पूर्ण झाली आहे. चौंडीसारख्या ग्रामीण भागात प्रथमच महायुतीचे मंत्रिमंडळ दाखल होणार आहेत. बहुतांशी मंत्री अहिल्या नगर येथील शासकीय विश्रामगृहावर मुक्कामी आले. दरम्यान, मुख्यमंत्री, उपमुख्यमंत्र्यांसाठी चौंडीत विश्रांती कक्ष, दोन किमीवर वाहन पार्किंग व्यवस्था केली आहे. या बैठकीची प्रशासकीय तयारी पूर्ण झाली आहे. दुपारी 12.30 वाजता बैठकीला सुरुवात होईल. दोन तास बैठक चालणार आहे. दुपारी 12 वाजता मुख्यमंत्री देवेंद्र फडणवीस, उपमुख्यमंत्री अजित पवार, उपमुख्यमंत्री एकनाथ शिंदे यांचे हेलिकॉप्टरने चौंडीत आगमन होईल. बैठकीसाठी साडेतीन हजार खुर्च्यांची व्यवस्था केली आहे. दरम्यान, चौंडी पासून दोन किमी अंतरावर सहकार व पणन वस्त्रोद्योग विभागामार्फत 80.90 कोटी रुपयांचा पुण्यश्लोक अहिल्यादेवी होळकर सहकारी सुत गिरणीचे भूमिपूजन मुख्यमंत्री देवेंद्र फडणवीस यांच्या हस्ते होणार आहे. मंडपात उभा केला अहिल्यादेवींचा काळ बैठकीच्या नियोजनाची विधान परिषदेचे सभापती प्रा.राम शिंदे यांनी पाहणी केली. बैठकीच्या पार्श्वभूमीवर मंडपामध्ये फोटोंच्या माध्यमातून अहिल्यादेवींचा काळ उभा केला गेला आहे. यात अहिलेश्वर मंदिर, जुनी गढी, कौलारु घरे, बैलगाडीचे मोठो फोटो लावले आहेत. मंडपाच्या बाजूला मंत्री व व्हीआयपींच्या जेवणाची व्यवस्था केली आहे. संपूर्ण हॉल वातानुकूलित करण्यात आला आहे. अग्निशमन च्या सात वाहने येथे असतील. पडळकर यांच्या फलकावर अजित पवार यांचे नाव नाही गावात ठिकठिकाणी मुख्यमंत्रदी दोन्ही उपमुख्यमंत्री व इतर मंत्र्यांच्या स्वागताचे मोठ मोठे फलकलावले आहेत. आमदार गोपीचंद पडळकर यांच्या फलकावर मात्र उपमुख्यमंत्री अजित पवार यांचे नाव व फोटो नसल्याने याची दिवसभर चर्चा रंगली होती. हाळगावच्या कृषी महाविद्यालच्या सभागृहासाठी 14 कोटी जामखेड तालुक्यातील हाळगाव येथे पुण्यश्लोक अहिल्यादेवी होळकर शासकीय कृषी महाविद्यालयाच्या सभागृहासाठी (कॉन्फरन्स हॉल) इमारत उभारणीसाठी महाराष्ट्र शासनाच्या कृषी, पशुसंवर्धन, दुग्धव्यवसाय विकास व मत्स्यव्यवसाय विभागाकडून 14 कोटी 32 लाखांची प्रशासकीय मान्यता सोमवारी देण्यात आलेली आहे.
