या टोलमाफी सवलतीसाठी ‘गणेशोत्सव २०२३, कोकण दर्शन’ अशा आशयाचे स्टीकर्स स्वरुपाचे पथकर माफी पास, त्यावर वाहन क्रमांक, चालकाचे नाव असा मजकूर लिहून ते स्टीकर्स आवश्यक त्या संख्येनुसार परिवहन विभाग, वाहतूक पोलीस/पोलीस, संबंधित प्रादेशिक परिवहन विभाग (आर.टी.ओ.) यांनी समन्वय साधून पोलीस ठाणे, वाहतूक पोलीस चौक्या व आर.टी.ओ. कार्यालयांमध्ये उपलब्ध करुन द्यावेत, असे आदेश देण्यात आले आहेत. हाच पास परतीच्या प्रवासाकरीता देखील ग्राह्य धरण्यात येईल. पोलीस व परिवहन विभागाने गणेशोत्सवाच्या काळात पास सुविधा आणि त्यांच्या उपलब्धतेबाबतची माहिती नागरिकांना देण्याच्या देखील सूचना आहेत.
श्रावण सरता सरता वेध लागतात ते गणेशोत्सवाचे. बाप्पाच्या आगमनाची तयारी सगळीकडे जोरदार सुरू आहे. कुठे ढोल ताशा पथकांचा सराव तर कुठे स्वागताची लगबग; या सगळ्यानं वातावरण उत्साहानं दुमदुमून गेलंय. गणपती बाप्पाचं स्वागत करण्यासाठी चाकरमान्यांनी कोकणातल्या गावच्या वाट धरली आहे.