नांदेड: इंजिनिअरिंगचे शिक्षण घेणाऱ्या एका विद्यार्थिनीने वसतिगृहात गळफास घेऊन आत्महत्या केल्याने खळबळ उडाली आहे. नांदेड मधील श्री गुरु गोबिंदसिंघजी अभियांत्रिकी महाविद्यालयाच्या वसतिगृहात ही घटना घडली. वर्गमित्राच्या त्रासाला कंटाळून गीता कदम या विद्यार्थ्यांनीने आत्महत्या केल्याची सुसाईड नोट लिहून ठेवली आहे.

गीता कदम ही उस्मानाबाद (धाराशिव) येथील रहिवासी आहे. गीता ही नांदेड मधील श्री गुरू गोविंदसिंघजी अभियांत्रिकी महाविद्यालयात तिसऱ्या वर्षात शिक्षण घेत होती. याच वर्गात शिकणाऱ्या तिचा वर्गमित्र तिला नेहमी त्रास द्यायचा. त्याच्या नेहमीच्या त्रासाला कंटाळून गीताने अखेर हे टोकाचे पाऊल उचलले.

हेही वाचा –परभणी हादरवणाऱ्या त्या प्रकरणाचा खुलासा, महिलेला संपवणारा पतीच निघाला, कारण वाचून थक्क व्हाल

गीता बुधवार (२१ सप्टेंबर) पासून गायब होती. गुरुवारी सकाळी गीताचा मृतदेह महाविद्यालयाच्या वसतिगृहातील एका खोलीत गळफास घेतलेल्या अवस्थेत आढळून आला. या घटनेने एकच खळबळ उडाली. गीताने एक सुसाईड नोट देखील लिहून ठेवली आहे. वर्गमित्राच्या त्रासाला कंटाळून आपण ही आत्महत्या करीत असल्याचा उल्लेख त्या सुसाईड नोटमध्ये आहे.

हेही वाचा –पाचंही बोटं तुपात, या देशात सापडला सोन्याचा मोठा खजिना, सरकारचा आनंद गगनात मावेना

विशेष म्हणजे ही सुसाईड नोट महिला आयोगाच्या नावाने असल्याची माहिती आहे. याप्रकरणी नांदेडच्या ग्रामीण पोलीस ठाण्यात गुन्हा दाखल करण्याची प्रकिया सुरू आहे. दरम्यान, कालपासून गायब असलेल्या या तरुणीने वसतिगृहाच्या एका खोलीत जाऊन ही आत्महत्या केल्याची माहिती प्राचार्यांनी दिली. याप्रकरणी नांदेडच्या ग्रामीण पोलीस ठाण्याचे पोलीस याबाबत अधिक तापस करत आहेत.

हेही वाचा –सहा जणांवर संशय, पोलिसांनी सापळा रचला; आरोपींकडे सापडलं २२ किलोंचं ‘तरंगतं सोनं’, पोलीस चकित

औरंगाबादेत एटीएसची मोठी कारवाई, टेरर फंडिंग प्रकरणी चौकशी होणार



Source link

Leave a Reply

Your email address will not be published.