भारतात कोरोना व्हायरसचा (Coronavirus pandemic) प्रादुर्भाव पुन्हा एकदा झपाट्याने वाढत आहे. गेल्या 24 तासांत देशात कोविड-19 चे 12,847 नवीन रुग्ण आढळले आहेत. यासोबत, आतापर्यंत कोरोना बाधित लोकांची संख्या 4,32,70,577 झाली आहे. गेल्या एका दिवसात 14 लोकांचा मृत्यू झाला असून एकूण मृतांची संख्या 5,24,817 वर पोहोचली आहे. आता देशातील अॅक्टिव्ह रुग्णांची संख्या 63,063 झाली आहे. अवघ्या आठवडाभरातच रोजची नवीन प्रकरणे तीन हजारांवरून १२ हजारांवर गेली आणि ही चिंतेची बाब आहे.

कोरोना विषाणूची चौथी लाट (coronavirus fourth wave) म्हणून याकडे पाहिले जात आहे. आरोग्य तज्ञ सांगत आहेत काळजी करण्यासारखे काहीही नाही. गेल्या एका वर्षात कोरोनाने अनेक रूपे बदलली आहेत आणि कोरोनाची लक्षणेही बदलली आहेत. आता फक्त खोकला, ताप किंवा धाप लागणे ही कोरोनाची लक्षणे राहिलेली नाहीत. कोरोना फुफ्फुस वगळता सर्व अवयवांवर परिणाम करत आहे, त्यामुळे त्याची लक्षणे ओळखणे अधिक कठीण होत आहे कारण त्याची बहुतेक लक्षणे अनेक सामान्य आजारांसारखीच आहेत.

देशात करोनाच्या कोणकोणत्या व्हेरिएंटचा धोका आहे?

ओमिक्रॉन व्हेरिएंट (omicron variant) हा आतापर्यंत कोरोना विषाणूचा सर्वात प्रमुख प्रकार आहे. गेल्या वर्षी एप्रिल-जून दरम्यान प्राणघातक संसर्गाची लाट निर्माण करणारा डेल्टा प्रकार या वर्षाच्या सुरुवातीला खाली आला. या आठवड्यात देशात BA.4 आणि BA.5 या दोन नवीन व्हेरिएंट्सची सर्वाधिक प्रकरणे नोंदवली गेली आहेत. ओमिक्रॉनच्या या सबव्हेरिएंट्समध्ये सर्वात जलद पसरण्याची क्षमता असल्याचे म्हटले जाते आहे.

(वाचा :- Baldness treatment : तरूणपणात का पडू लागलंय मुला-मुलींचं टक्कल? औषधं न घेता हवे असतील लांबसडक, घनदाट व काळेभोर केस, तर करा Cosmetic Surgeon चे ‘हे’ उपाय…!)

करोनाच्या चौथ्या लाटेत दिसणारे गंभीर लक्षण हे आहे

एका रिपोर्टनुसार, महाराष्ट्रात अलीकडे आढळलेल्या BA.4 आणि BA.5 च्या प्रकरणांमध्ये अतिसार आणि तापाशी संबंधित लक्षणे आढळून आली आहेत. याशिवाय सध्या कोरोनाच्या विळख्यात सापडलेल्यांमध्ये जुलाबाच्या तक्रारी मोठ्या प्रमाणात दिसून येत आहेत. करोना महामारी सुरू झाल्यापासून जुलाबाचा संबंध कोरोनाशी जोडला गेला आहे.

(वाचा :- Yoga Day 2022 : शार्प ब्रेन सोबतच मिळेल मानसिक रोगांपासून कायमची मुक्ती, कमजोर स्मरणशक्तीवाल्यांनो घरबसल्या करा हे 5 योग..!)

जुलाबांव्यतिरिक्त पोटाशी संबंधित तक्ररीही

कोरोनाला श्वासाशी संबंधित आजार मानले जाते पण सत्यात तो समस्या शरीराच्या प्रत्येक अवयवावर गंभीर परिणाम करतो. जुलाबा व्यतिरिक्त, रुग्णांना पोटात गोळे येणे, मुरड पडणे किंवा पोटदुखी या समस्यांचा देखील सामना करावा लागत आहे. ही वेदना अनेकदा जुलाबाशी संबंधित असते. पोटाच्या समस्यांमुळे लोकांना मळमळ आणि उलट्यांचा त्रास होत असल्याचेही डॉक्टरांनी सांगितले आहे.

(वाचा :- Omicron COVID 4th wave in India : बापरे, करोनाची चौथी लाट आली? 7 दिवसांत 55235 लोक आजारी, ‘या’ 6 लक्षणांवर ठेवा बारीक लक्ष..!)

ताप आजही आहे मोठं लक्षण

कोरोना विषाणूच्या चौथ्या लाटे दरम्यान रुग्णांमध्ये दिसणारे आणखी एक सामान्य व मोठे लक्षण म्हणजे ताप. लोकांमध्ये 105F पर्यंत ताप देखील दिसून येतो आहे. जर तुम्हाला ताप येत असेल तर तुम्ही प्रथम कोरोनाची चाचणी करून घ्यावी.

(वाचा :- How to increase sperm count : सावधान, ‘या’ एका चुकीमुळे पुरूषांची स्पर्म क्वॉलिटी होतीये खराब, झपाट्याने वाढतायत नपुंसकतेची प्रकरणं..!)

बचावासाठी काय करावे?

डॉक्टरांनी लोकांना जुलाब आणि तापाची लक्षणे दिसल्यास त्वरित तपासणी करण्याचा सल्ला दिला आहे. यामुळे संसर्ग लवकर ओळखण्यास मदत होईल आणि कोरोनाचे नियम पाळल्यास इतरांना संसर्गापासून वाचवण्यात मदत होईल. सध्यातरी कोरोनापासून बचाव करण्यासाठी त्याच्याशी संबंधित सर्व नियमांचे पालन करणे चांगले आहे. जसे की सोशल डिस्टंसिंग, हात स्वच्छ धुणे आणि मास्कचा वापर करणे.

(वाचा :- पोट साफ न होण्याची व मुळव्याधाची समस्या चुटकीसरशी होईल छुमंतर, फक्त फॉलो करा न्युट्रिशनिस्टचे ‘हे’ साधेसोपे नियम..!)



Source link

Leave a Reply

Your email address will not be published.