Jeremy Lalrinnunga Gold Medal बर्मिंगहम : राष्ट्रकुल क्रीडा स्पर्धेत भारताला आज पाचवं पदक मिळाले आहे. जेरेमी लालरिनुंगा याने पुरुषांच्या वेटलिफ्टिंग ६७किलो वजनी गटात सुवर्णपदकावर नाव कोरलं आहे. जेरेमी लालरिनुंगाने स्नॅचमध्ये विक्रमी १४० किलो वजन उचलले, तर क्लीन अँड जर्कमध्ये १६० किलो वजन उचलण्यात त्याला यश आले. जेरेमी लालरिनुंगानं एकूण ३०० किलो वजन उचलले आणि सुवर्णपदक जिंकले.

पाचही पदकं वेटलिफ्टर्सने मिळवली

राष्ट्रकुल स्पर्धेत आतापर्यंत भारताला पाच पदकं मिळाली आहेत. ही पदकं वेटलिफ्टर्सनं मिळवून दिली आहेत. टोकियो ऑलिम्पिकची रौप्यपदक विजेती मीराबाई चानू हिने ४९ किलो वजनी गटात सुवर्णपदक जिंकले. संकेत महादेव सरगरने पुरुषांच्या ५५ किलो वजनी गटात तर बिंदियाराणी देवीने महिलांच्या ५५ किलो वजनी गटात रौप्यपदक पटकावले. याशिवाय ६१ किलो वजनी गटात गुरूराजा पुजारीने कांस्यपदक मिळवलं आहे.

उद्धव ठाकरेंना धक्का; बालेकिल्ल्यातील आणखी एका नेत्याने केला शिंदे गटात प्रवेश

जेरेमी लालरिनुंगाने एकूण ३०० किलो वजन उचलून विक्रम केला. भारताला मिळालेलं हे दुसरे सुवर्णपदक असून स्पर्धेतील एकूण पाचवे पदक आहे. विशेष म्हणजे ही पाचही पदके भारताने वेटलिफ्टिंग स्पर्धेतच मिळवली आहेत.

राष्ट्रकुल स्पर्धा २०२२CWG 2022 : सहज जिंकणारा सामना भारताने गमावला, ऑस्ट्रेलियाची राष्ट्रकुल स्पर्धेत दमदार सलामी

जेरेमीने २०१८ युवा ऑलिंपिकमध्ये मुलांच्या ६२ किलो वजनाच्या वेटलिफ्टिंग स्पर्धेत सुवर्णपदक जिंकले होते. जेरेमीने स्नॅच राउंड मध्ये १२४आणि क्लीन अँड जर्कमध्ये १५० किलो वजन उचलले होते. म्हणजेच जेरेमीने एकूण २७४ किलो वजन उचलून हे पदक जिंकले होते. यासह जेरेमी युवा ऑलिम्पिकमध्ये सुवर्णपदक जिंकणारा पहिला भारतीय ठरला होते. त्यानंतर जेरेमीने आशियाई वेटलिफ्टिंग स्पर्धेतही रौप्यपदक जिंकले.

भारतीय संघात मोठा बदल, लोकेश राहुलच्या जागी आता धडाकेबाज फलंदाजाला दिली संधी…

जेरेमी लालरिनुंगा झालेल्या राष्ट्रमंडळ चॅम्पियनशिप स्पर्धेत पुरुषांच्या ६७ किलो वजनी गटात सुवर्ण पदक मिळवत राष्ट्रकुल स्पर्धेत प्रवेश मिळवला होता. ताश्कंद मध्ये झालेल्या स्पर्धेत जेरेम लालरिनुंगा यानं ३०५ किलो वजन उचलत यश मिळवलं होतं. २०१८ च्या ऑलम्पिक स्पर्धेत ही त्यानं सुवर्णपदक मिळवलं होतं.



Source link

Leave a Reply

Your email address will not be published.