मुंबई : शिवसेना पक्षप्रमुख उद्धव ठाकरे (Uddhav Thackeray) आणि मुख्यमंत्री एकनाथ शिंदे (Eknath Shinde) यांच्या गटाच्या दृष्टीने अत्यंत प्रतिष्ठेच्या ठरलेल्या दसरा मेळाव्याच्या (Dasra Melava) लढाईत ठाकरेंची सरशी झाली आहे. मुंबई उच्च न्यायालयाने शुक्रवारी शिवसेनेच्या याचिकेवर केलेल्या सुनावणीअंती शिवाजी पार्कवर दसरा मेळावा घेण्यास हिरवा कंदील दाखवला. ठाकरेंच्या वतीने ज्येष्ठ वकील अस्पी चिनॉय (Aspi Chinoy) यांनी खिंड लढवली आणि दसरा मेळाव्यासाठी शिवतीर्थ मिळवून दिलं. ठाकरेंचा विश्वास सार्थ ठरवणारे वकील अस्पी चिनॉय यांच्याविषयी जाणून घेऊयात

कोण आहेत अस्पी चिनॉय?

अस्पी चिनॉय हे मुंबई उच्च न्यायालयातील सर्वात ज्येष्ठ वकिलांपैकी एक आहेत. देशातील सर्वोत्कृष्ट वकिलांपैकी ते एक मानले जातात. विधी क्षेत्रातील निष्णात कायदेपंडितांकडूनही त्यांचा अत्यंत आदर केला जातो. मुंबईतील सेंट झेवियर्स कॉलेज आणि गव्हर्नमेंट लॉ कॉलेजमध्ये शिक्षण घेतल्यानंतर त्यांनी मुंबई उच्च न्यायालयात प्रॅक्टिस सुरु केली. संवैधानिक आणि व्यावसायिक केसेस, याशिवाय जनहित याचिका लढवण्यात त्यांचा हातखंडा मानला जातो.

चिनॉय यांनी १९७७ मध्ये मुंबई उच्च न्यायालय, सर्वोच्च न्यायालय आणि इतर उच्च न्यायालयांमध्ये प्रॅक्टिस सुरु केली. त्यांना वरिष्ठ वकील (सिनिअर अॅडव्होकेट) म्हणून नियुक्त करण्यात आले आहे. घटनात्मक/प्रशासकीय कायद्याच्या प्रकरणात ते निष्णात आहेत. सार्वजनिक हिताच्या अनेक प्रकरणांमध्ये त्यांचा सहभाग दिसला आहे.

हेही वाचा : शिंदे गटाने डाव टाकलाच होता, पण एक गेम फसला अन् फासा पलटला, लढाई ठाकरेंनी जिंकली!

त्यांच्या मते एखाद्या खटल्याच्या न्यायासाठी वस्तुस्थिती निर्माण झाली तर वकील नक्कीच यशस्वी होतो. गेल्या दहा-पंधरा वर्षांत त्यांनी लंडन (ICC, LCIA) आणि सिंगापूर (SIAC) मध्ये अनेक आंतरराष्ट्रीय व्यावसायिक लवादांमध्ये भाग घेतला आहे.

द्वारकादास मारफतिया प्रकरण, व्होडाफोन करप्रणाली प्रकरण, बंद पुकारून आणि त्याची अंमलबजावणी केल्यामुळे झालेल्या सार्वजनिक नुकसानीसाठी राजकीय पक्षांना जबाबदार धरणे, गोमांस बाळगणे आणि खाण्यावर बंदी घालणाऱ्या १९९५ च्या महाराष्ट्र दुरुस्ती कायद्याला दिलेले आव्हान, या प्रकरणात त्यांनी वकील म्हणून काम पाहिले होते.

शिंदे गटाचा हस्तक्षेप अर्ज मुंबई हायकोर्टाने फेटाळला

सुप्रीम कोर्टात जे काही न्यायालयीन वाद सुरू आहे ते एकप्रकारचे दुष्टचक्र आहे… त्यात बरेच काही बोलण्यासारखे आहे.. पण त्याचा दसरा मेळावा आयोजनाशी संबंध नाही, असं सांगत शिंदे गटाचा हस्तक्षेप अर्ज म्हणजे आमदार सदा सरवणकर यांचा अर्ज मुंबई हायकोर्टाने फेटाळला लावला. हा अर्ज फेटाळून लावताना ठाकरे गटाने हस्तक्षेप अर्जावर केलेल्या युक्तिवादाशी आम्ही सहमत असल्याचंही कोर्टाने म्हटलं.

हेही वाचा : शिवाजी पार्कवर आव्वाज शिवसेनेचाच, ठाकरेंच्या दसरा मेळाव्याला हायकोर्टाची परवानगी!



Source link

Leave a Reply

Your email address will not be published.