[ad_1]

मुंबई : शिवसेना उद्धव बाळासाहेब ठाकरे पक्षाचे आमदार आदित्य ठाकरे यांच्यावर डिलाईल रोडच्या पुलाच्या दुसऱ्या लेनचं उद्घाटन केल्याप्रकरणी गुन्हा दाखल करण्यात आला होता. यानंतर त्यांनी आज दुपारी पत्रकार परिषद घेतली, यावेळी त्यांनी डिलाईल रोडच्या पुलाची दुसरी मार्गिका १० दिवसांपासून तयार असूनही सुरु करण्यात आलेली नव्हती, असं म्हटलं. मुंबईकरांसाठी आणि महाराष्ट्रासाठी असे गुन्हे दाखल होणार असतील तर माझ्या आजोबांना अभिमान वाटेल, असं आदित्य ठाकरे म्हणाले.

आदित्य ठाकरे काय म्हणाले?

काल रात्री की आज सकाळी माझ्यावर काही गुन्हे दाखल केलेले आहेत. माझ्यासोबत माझ्या सहकाऱ्यांवर काही गुन्हे दाखल केलेले आहेत आणि हे गुन्हे कशासाठी आहेत? तर मुंबईकरांसाठी लढण्यासाठी आहेत. मुंबईकरांच्या हक्कासाठी लढण्यासाठी आहेत, असं आदित्य ठाकरेंनी सांगितलं. जो डिलाईल रोड ज्याची साधारणपणे शंभर ते एकशे वीस मीटरची एक लेन गेले दहा दिवस तयार असून बंद ठेवली होती का? तर इकडच्या घटनाबाह्य खोके सरकारला उदघाटन करायला वेळ नाही आहे, असं आदित्य ठाकरे म्हणाले.

ती लेन बंद ठेवण्यात आल्यानंतर आपण पाहत असाल गेले अनेक वर्ष त्या डिलाईल रोडच्या आजूबाजूच्या राहणाऱ्या रहिवाशांना आणि आजूबाजूला काम करणाऱ्या लोकांना रोज जे आमच्या वरळीत येऊन काम करत असतात. जे फ्लोटिंग पॉप्युलेशन त्यांना अनेक वर्ष हा त्रास होता. आम्ही जेव्हा पहिली लेन तयार झाली. तेव्हा हेच सांगितलं होतं जर त्या दिवशी म्हणजे गणपती बाप्पाच्या पहिल्या दिवशी उदघाटन केलं नाही तर आम्ही आम्ही गणपती बाप्पाची मिरवणूक नेऊन उद्घाटन करु आणि त्यावेळी एक पालकमंत्री धावत पळत आले आणि काहीतरी नारळ फोडून गेले, असं आदित्य ठाकरे म्हणाले.

काल जर आपण पाहिलं असेल तर परवा रात्री आम्ही जेव्हा गेलो तेव्हा तिथे काही बॅरिकेड होते ते बरोबर आम्ही बाजूला रोल बाय केले कारण त्या बॅरिकेडला टायर होते. ते बाजूला ढकलल्यानंतर आम्ही चालत गेलो पुढे फोटो काढले आणि रस्ता खुला झाला हे आम्ही सांगितलं. पण हा रस्ता डिलाई रोडची ही दुसरी जी बाजू आहे. ती साधारण दहा-पंधरा दिवसापासून तयार होती. रंगरंगोटी झालेली आहे, लोड टेस्टींग साठी पण आम्ही थांबलो कारण बीएमसीचे काही टेस्टींग पॅरामीटर्स असतात हे सगळं झाल्यानंतर आता उदघाटन कधी करायचं वेळ मिळत नाही म्हणून ही बीएमसी थांबली होती, असं आदित्य ठाकरे म्हणाले.

आम्ही काल परवाकडे अभिमानाने उद्घाटन केलेलं आहे. एक तुम्हाला सांगतो जी काल माझ्यावर गुन्हे दाखल केलेत, आज सकाळी जी केस झालेली आहे. माझी याला एकच साधी सोपी प्रतिक्रिया आहे की मुंबईकरांसाठी आणि महाराष्ट्रासाठी लढत असताना जर माझ्यावर असे गुन्हे दाखल होत असतील तर आज माझ्या आजोबांना अभिमान असता असे हे गुन्हे दाखल झाले आहेत, असं आदित्य ठाकरेंनी म्हटलं.
दादा भुसे छगन भुजबळ यांच्या घरी, बंद दाराआड अर्धा तास चर्चा, भेटीचं कारण समोर

मुंबई आम्ही लुटू देणार नाही, महाराष्ट्र आम्ही झुकू देणार नाही. हे जे सरकार चाललंय आपल्याला माहिती आहे ते बुलेट ट्रेन मधून येणारं जाणारं सरकार आहे. बुलेट ट्रेन झाल्या झाल्या हे पलीकडे जाणारं सरकार आहे. जिथे वर्ल्ड कपची फायनल होईल तिथे सरकार जाऊन बसेल आता. पण मूळ मुद्दा हाच आहे की जे काही गुन्हे दाखल केलेले आहेत. अतिक्रमण वगैरे मला वाटतं पहिले गुन्हे जे दाखल व्हायला पाहिजेत. ते जे दोन पालकमंत्री आहेत एक बिल्डर पालकमंत्री आहेत आणि एक दुसरीकडचे पालकमंत्री आहेत, असंही आदित्य ठाकरे म्हणाले.
नवी मुंबई मेट्रो अखेर धावली, पण महाग तिकिटांवरुन प्रवासी नाराज, नेमकं म्हणणं काय?

महापालिका आयुक्तांवर निशाणा

जे बीएमसी मध्ये जाऊन अतिक्रमण करून बसलेले आहेत. त्यांच्यावर गुन्हे का नाही दाखल झालेले?, असं आदित्य ठाकरे म्हणाले. गुन्ह्याचंच बोलायचं असेल तर जे प्रशासक आहेत जे महापालिका आयुक्त आहेत, कदाचित मी ऐकतोय त्यांना बदली करुन कुठे पलीकडे जायचं आहे, दिल्लीला जायचं आहे की कुठे प्रमोशनवर जायचं आहे. पण एकच महत्वाचा प्रश्न हाच राहतो की गेल्या एका वर्षामध्ये जो त्यांचे भ्रष्टाचार आम्ही लोकांसमोर आणलेले आहेत. रस्त्यांचा घोटाळा असेल, सॅनिटरी पॅड वेंडिंग मशीनचा घोटाळा असेल. तुमचा स्ट्रीट फर्निचरचा घोटाळा असेल, सौंदर्यीकरणाचा घोटाळा असेल हे सगळे घोटाळे जे केलेले आहेत त्याच्यावर त्यांची सही आहे, अशा व्यक्तीला प्रमोशन मिळणार का आणि दुसऱ्या कुठच्या खात्यात घेतलं जाणार का? चौकशी का नाही झाली अजून पाहिलं असेल आपण मी बोलत होतो, रस्त्याचं एक कॉन्ट्रॅक्टर त्यांना आता बाद करायला लागलेले आहेत, असं आदित्य ठाकरेंनी म्हटलं.
मनोज जरांगे पाटील यांची भेट, जातनिहाय जनगणना आणि मराठा आरक्षण, उदयनराजे भोसले म्हणाले ज्यांची मागणी असेल…
Read Latest Maharashtra News And Marathi News

[ad_2]

Source link

Leave a Reply

Your email address will not be published. Required fields are marked *