दिव्य मराठी विशेष:वयाच्या 113 व्या वर्षीही फौजा सिंग पूर्णपणे निरोगी; ते म्हणतात, अडचणींचा विचार करून थांबणारे काहीही करू शकत नाहीत

वयाच्या ८० व्या वर्षी धावपटू बनलेले फौजा सिंग ११३ वर्षांचे झाले आहेत. लंडन ऑलिम्पिकमधील मशालवाहक सिंग यांच्या नावावर वयाच्या १०० व्या वर्षी पूर्ण मॅरेथॉन धावणारा सर्वात वयस्कर व्यक्तीचा विक्रम आहे. जालंधरजवळील बियास पिंड येथील सिंह यांनी अमली पदार्थांच्या विरोधात हाफ मॅरेथॉन पूर्ण केली. लंडन मॅरेथॉन ही त्यांची पहिली पूर्ण मॅरेथॉन होती, जी त्यांनी ६.५४ तासात पूर्ण केली. ‘टर्बन्ड टोरॅन्डो’ टोपणनाव असलेल्या सिंह यांनी वयाच्या १०० व्या वर्षी कॅनडात एकाच दिवसात ८ विश्वविक्रम केले. त्यांच्याशी केलेली बातचीत… धावण्याची प्रेरणा कुठून येते?
मी शेती करायचो. माझ्या तरुण मुलाचा अपघाती मृत्यू झाला. मी पत्नी आणि मुलगी देखील गमावली आहे. मी अडचणींचा पराभव करण्यासाठी धावतो. अडचणी प्रेरणा देतात.
तुमचा दिनक्रम काय ? तुम्ही तुमच्या आरोग्याची काळजी कशी घेता? तुम्ही जेवणात काय खाता?
सकाळी ६-७ वाजता उठतो आणि फिरायला जातो. चहा आणि फ्लेक्स सीड पिन्नी घेतो. विश्रांती घेतो. लोकांना भेटतो. दुपारी डाळ किंवा भाजीसोबत रोटी खातो. संध्याकाळी फुलका खातो. कधी कधी फळे घेतो. कडधान्यांपेक्षा भाज्या जास्त आवडतात. टिंडा किंवा साग असतील तर मजा काही औरच.
क्षण, जे अजूनही तुम्हाला आनंद देतात?
२०१२ मध्ये मी अखेरच्या वेळी हाँगकाँगमध्ये धावलो. ती माझी निवृत्तीची शर्यत होती. मी १०१ वर्षांचा होतो. येथे मी धावताना पडलो आणि जखमी झालो. घशाला कोरड पडल्यासारखी वाटत होती, पण पाणी प्यायलो नाही, नाहीतर अंग थंड पडलं असतं. म्हणून उठलो आणि धावलो. शर्यत दोन-तीन मिनिटांच्या फरकाने जिंकली तेव्हा स्टेडियम ‘फौजा सिंह’ने गुंजले. तेव्हा इतका आनंद कधीच वाटला नाही.
तुम्ही तरुणांना काय संदेश देऊ इच्छिता?
नशा करू नका. देशासाठी चांगले काम करा.
विक्रम… फौजा सिंह यांच्या नावावर १० पेक्षा जास्त जागतिक विक्रम : १. वयाच्या १०० व्या वर्षी पूर्ण मॅरेथॉन धावणारा सर्वात वयस्कर. २. ९० पेक्षा जास्त वयोगटातील जगातील सर्वोत्तम धावपटूचा विक्रम मोडला. ३. ९०+ श्रेणीत २००३ टोरंटो वॉटर फ्रंट मॅरेथॉन ५.४० मिनिटांत पूर्ण केली. ४. वयाच्या १०० व्या वर्षी टोरंटो, कॅनडात एकाच दिवसात ८ विश्वविक्रम केले. सिंह यांच्या नावे पुरस्कार : १. वांशिक सहिष्णुतेचे प्रतीक म्हणून नॅशनल एथनिक कोलिशनद्वारे एलिस आयलँड मेडल ऑफ ऑनरने सन्मानित पहिले गैर-अमेरिकन २. २०११ मध्ये प्राइड ऑफ इंडिया ही पदवी प्रदान.