दिव्य मराठी अपडेट्स:टोरेस घोटाळा प्रकरणात आर्थिक गुन्हे शाखेच्या वतीने छापेमारी; ज्वेलरी देखील जप्त

नमस्कार, महाराष्ट्राच्या कानाकोपऱ्यासह देश-विदेशातील सर्वच घडामोडींचे अपडेट्स आणि विश्वासार्ह बातम्या येथे मिळतील केवळ एका क्लिकवर… अपडेट्स टोरेस घोटाळा प्रकरणात आर्थिक गुन्हे शाखेच्या वतीने छापेमारी; ज्वेलरी देखील जप्त मुंबई – गुंतवणूक करा, व्याजासह मोठ्या रकमेचा फायदा मिळवा, असे आमिष दाखवून मुंबई आणि उपनगरातील सुमारे 3 लाख लोकांना कोट्यावधी रुपयांना चुना लावल्याच्या प्रकरणात आर्थिक गुन्हे शाखेने मोठी कारवाई करत छापेमारी सुरु केली आहे. टोरेस या कंपनीने गुंतवणूकदारांना 5 वर्षांत दुप्पट, 7 वर्षांत तीनपट आणि 10 वर्षांमध्ये चौपट रक्कम देण्याचे आमिष दाखवले होते. या कंपनीच्या बऱ्याच ठिकाणी शाखा आहेत. या सर्व शाखांवर ही छापेमारी करण्यात आली. यात कंपनीतील सर्व ज्वेलरी जप्त करण्यात आली आहे. बाळासाहेबांच्या स्मारकाची उद्धव ठाकरेंकडून पाहणी मुंबई – महापौर बंगल्याच्या आवारात शिवसेनाप्रमुख बाळासाहेब ठाकरे यांच्या स्मारक उभारणीचे काम सुरू आहे. त्याची पाहणी शुक्रवारी उद्धव ठाकरे यांनी केली. जानेवारी 2026 पर्यंत स्मारक पूर्ण होईल, अशी अपेक्षा त्यांनी व्यक्त केली. उद्धव यांनी भाजप, मोदी, एकनाथ शिंदेंवर नेहमीप्रमाणे खालच्या पातळीवरील टीका करणे टाळले. या स्मारकाचे भूमिपूजन झाले तेव्हा जे कुणी उपस्थित होते त्यांना, सरकारला तुम्ही आता इथे येण्यासाठी आमंत्रित करू इच्छिता का? असं विचारलं असता ते म्हणाले, ज्यांनी बाळासाहेब ठाकरेंचे विचार सोडलेले नाहीत असे सगळे आजही या ठिकाणी येऊ शकतात. स्मारकाचे उद्घाटन करताना जे सरकार असेल त्यांना श्रेय जाईल. मी सरकार बदलणार, असं काहीही म्हटलं नाही. विशाळगडावर उद्या उरूस होऊ देणार नाही : मंत्री राणे मुंबई – सहा महिन्यांपूर्वी म्हणजे 14 जुलै 2024 रोजी विशाळगडावर हिंदू-मुस्लिमांमध्ये जोरदार हिंसाचार उसळला होता. त्यावरून अनेक राजकीय आरोप-प्रत्यारोप झाले. त्यानंतर वातावरण शांत होत असताना विशाळगडावर 12 जानेवारी रोजी उरूस होऊ देणार नाही, असा इशारा मंत्री नितेश राणे यांनी दिल्याने खळबळ उडाली आहे गडावरील अतिक्रमणांवरून दोन गटात जोरदार वाद उफाळला होता. त्याचे पर्यवसान दगडफेक, जाळपोळीत झाले होते. मराठी तंत्रज्ञानाचे आदान प्रदान व्हावे : शरद पवार सातारा – जागतिक मराठी अकादमी व रयत शिक्षण संस्था यांच्या माध्यमातून जागतिक संमेलनाचे उद्घाटन आणि त्या माध्यमातून मराठी मनाचा शोध हा उपक्रम एका वेगळ्या जाणिवांचा आहे. संमेलने ही साहित्यिकांची नसतात, तर ती विचारांची आदान प्रदान केंद्रे ठरावीत. तसेच तंत्रस्नेही समाज देशाच्या अर्थव्यवस्थेला एका उन्नत बिंदूवर नेऊन ठेवू शकतो, असे प्रतिपादन रयत शिक्षण संस्थेचे अध्यक्ष खा. शरद पवार यांनी केले.रयत शिक्षण संस्था यांच्या संयुक्त विद्यमाने ‘शोध मराठी मनाचा’ या जागतिक संमेलनाच्या उद्घाटन समारंभात पवार बोलत होते. परळीत मुंडे गँगकडून‎बूथ कॅप्चरिंग : आव्हाड‎ बीड‎ – शरद पवार गटाचे आमदार जितेंद्र आव्हाड यांनी मंत्री‎धनंजय मुंडे यांच्यावर निशाणा साधला आहे. विधानसभा‎निवडणुकीत परळीतील मतदान केंद्रावर मतदारांना‎बोटाला शाई लावून बाहेर पाठवले जायचे. त्यानंतर बूथ‎कॅप्चरिंग करून मुंडे गँग ईव्हीएमचे बटण दाबायची, असा‎आरोप आव्हाड यांनी केला, याबाबत त्यांनी एक व्हिडिओ‎पोस्ट केला.‎ व्हिडिओत एक व्यक्ती ईव्हीएमवर धनंजय मुंडे यांना‎मतदान करताना दिसत असून, मतदान केंद्र ताब्यात घेऊन‎चित्रिकरण केल्याचा दावा व्हिडिओ शेअर करणारे‎गजाभाऊ नावाच्या व्यक्तीने केला आहे. परळी‎मतदारसंघात 201 बूथ ताब्यात घेऊन मतदान करण्यात‎आले. मतदारांच्या बोटांना शाई लावायची आणि बाहेर‎पाठवयाचे. मतदान केंद्राच्या आतमध्ये बटण दाबण्याचे‎काम ही गँग करायची, असे आव्हाड यांनी नमूद केले.‎ लातूरला आजपासून‎ राज्यस्तरीय अधिवेशन‎ लातूर‎ – ज्येष्ठ नागरिक संघ लातूर द्वारा‎आयोजित महाराष्ट्र ज्येष्ठ नागरिक‎महासंघ (फेस्कॉम) चे 34 वे‎राज्यस्तरीय अधिवेशन लातूर येथे‎दि. 11 व 12 जानेवारी रोजी‎आयोजित करण्यात आले‎आहे,अशी माहिती फेस्कॉमचे‎अध्यक्ष अण्णासाहेब टेकाळे यांनी‎दिली. उद्घाटन उपमुख्यमंत्री‎एकनाथ शिंदे यांच्या हस्ते होईल.‎ 34 व्या राज्यस्तरीय अधिवेशनाची‎जय्यत तयारी दिवाणजी व श्याम‎मंगल कार्यालय सावेवाडी येथे‎करण्यात आली आहे. या नगरीस‎कै. गुरुशांतप्पा नागप्पा लातूरे‎सभागृह असेल नाव देण्यात आले‎आहे. आज सकाळी 8 ते 9.30 या‎वेळेमध्ये शोभायात्रा काढण्यात‎येणार आहे. ही शोभायात्रा गांधी‎पुतळा ते मुख्य रस्त्यावरून फिरून‎अशोक हॉटेल मार्गे दिवाणजी मंगल‎कार्यालय येथे विसर्जित होईल.‎ सावेडीमध्ये आज‎ रंगणार संगीत मैफल‎ अहिल्यानगर – आंतरराष्ट्रीय‎गायक पवन श्रीकांत नाईक निर्मित‎व नादब्रम्ह संगीतालयाच्या संयुक्त‎विद्यमाने सावेडीत शनिवारी‎सायंकाळी 6 वाजता ‘देव भक्तीचा‎भुकेला’ या संगीत मैफलीचे‎आयोजन करण्यात आले आहे.‎यामध्ये मराठी अभंग, भक्तीगीत,‎गवळण, भारूड, पोतराज इ.‎गीतांची बहारदार मैफल रंगणार‎आहे. ही मैफल सायंकाळी 6‎वाजता भिडे हॉस्पिटल चौकाजवळ‎शुभमंगल कार्यालयात होणार आहे.‎रसिकांनी या मैफिलीला मोठ्या‎संख्येने उपस्थित रहावे, असे‎आवाहन करण्यात आले आहे.‎श्रेयस शित्रे, पवन तळेकर, संकेत‎गांधी, कल्याण मुरकुटे आदी‎सहगायन करणार आहेत. तर‎शेखर दरवडे हे तबल्यावर साथ‎संगत करणार आहेत.‎ मुंबईच्या भक्ताकडून साईंना 60 ग्रॅमचा 4.29 लाखांचा सोन्याचा मुकुट अर्पण शिर्डी – नवी मुंबई येथील राघव मनोहर नरसालय या साईभक्ताने श्री साईचरणी 60 ग्रॅम वजनाचा आकर्षक आणि नक्षीकाम केलेला सुवर्णमुकुट अर्पण केला. या मुकुटाची किंमत 4 लाख 29 हजार रुपये आहे. हा नक्षीकाम असलेला सुंदर सुवर्णमुकुट श्री साईबाबांच्या चरणी अर्पण करून श्रीसाईबाबा संस्थानचे प्रशासकीय अधिकारी प्रज्ञा महांडुळे-सिनारे यांच्याकडे सुपूर्द करण्यात आला. याप्रसंगी श्री साईबाबा संस्थानच्या वतीने प्रज्ञा महांडुळे-सिनारे यांनी राघव नरसालय यांचा शाल व श्री साईबाबांची मूर्ती देऊन सत्कार केला. ऑनलाइन नायलॉन मांजा विक्री; कारवाई करा : गोऱ्हे मुंबई – नायलॉन मांजामुळे राज्याच्या काही भागात नागरिक जखमी झाले तर काही ठिकाणी जीवितहानीही झाली आहे. अशा दुर्घटना टाळण्यासाठी नायलॉन मांजाच्या उत्पादनावर बंदी आणली आहे. तरीही ऑनलाइन विक्री केली जात आहे. अशा ठिकाणी सक्त कारवाई करण्यात यावी. तसेच नायलॉन मांजाचा वापर टाळण्यासाठी जनजागृती करण्यात यावी, अशा सूचना विधान परिषदेच्या उपसभापती डॉ. नीलम गोऱ्हे यांनी दिल्या आहेत. मुंबई, ठाणे, नाशिक, जळगांव, धुळे, पुणे, छत्रपती संभाजीनगर शहरात प्रतिबंधात्मक कारवाईबाबत ऑनलाइन बैठक घेऊन त्यांनी मार्गदर्शन केेले. डॉ. गोऱ्हे म्हणाल्या, संभाजीनगर पोलिस आयुक्तांनी चांगल्या संकल्पना राबवल्या आहेत. भुसावळात चहा पिण्यास आलेल्या तरुणास चार जणांनी घातल्या गोळ्या भुसावळ – शहरातील जाम माेहल्ला चाैकातील चहाच्या दुकानावर चहा पिण्यासाठी आलेल्या तरुणावर दुचाकीने आलेल्या चार संशयितांनी गोळीबार केला. रक्ताच्या थारोळ्यात पडलेल्या तरुणाचा उपचारादरम्यान मृत्यू झाला. बुधवारी सकाळी पूर्ववैमनस्यातून सिनेस्टाइल हा थरार घडला. 4 फेब्रुवारी 2024 मध्ये अफाफ पटेल याच्या खुनात हा तरुण संशयित आरोपी होता. त्यामुळे मित्राच्या खुनाचा बदला खुनाने घेतल्याची माहिती पोलिस तपासातून पुढे आली आहे. तेहरीन नाशिर शेख (27, रा. मच्छी मार्केट, भुसावळ) असे या मृताचे नाव आहे. अफाफ पटेल याच्या खून प्रकरणात तेहरीन हा जामिनावर होता. शुक्रवारी तो सकाळी सात वाजेच्या सुमारास चहा पिण्यासाठी जाममाेहल्ला चाैकातील डीडी टी हाऊस या चहा व कोल्ड्रिंक्सच्या दुकानावर आला हाेता. ताे दुकानात जाऊन बसला. त्याच वेळी दुचाकीवरून आलेल्या चार संशयितांनी 7.19 वाजता तेहरीनवर गाेळीबार केला. त्यामुळे तेहरीन रक्ताच्या थाराेळ्यात पडला हाेता. त्याच्या मानेवर दाेन गाेळ्या, पाेटात एक गाेळी लागली हाेती.अगदी सिनेस्टाइल पद्धतीने मारेकऱ्यांनी दुकानाबाहेर येऊन दहशत निर्माण करण्यासाठी हवेत गोळीबार केला. तेहरीनला उपचारासाठी रुग्णालयात नेले असता त्याचा मृत्यू झाला. सावरकरांचा अवमान; राहुल गांंधींना जामीन पुणे – स्वातंत्र्यवीर सावरकर यांच्याविरोधात अवमाकारक वक्तव्य केल्याप्रकरणी पुणे येथील विशेष न्यायालयाने विरोधी पक्षनेते राहुल गांधी यांना जामीन मंजूर केला अाहे. राहुल यांनी शुक्रवारी दूरदृश्य प्रणालीवर न्यायालयात हजेरी लावली. त्यांना 25 हजार रुपयांच्या जातमुचलक्यावर जामीन मंजूर करण्यात अाल्याची माहिती त्यांचे वकील मिलिंद पवार यांनी दिली. मार्च 2023 मध्ये लंडन येथील एका कार्यक्रमात राहुल गांधी यांनी सावरकरांविषयी वादग्रस्त वक्तव्य केले होते. त्यावरून सावकरांचे पणतू सात्यकी यांनी राहुल गांधींविरोधात याचिका दाखल केली आहे. पुढील सुनावणी 18 फेब्रुवारी रोजी होईल. विवाहितेचा छळ; दोघांवर‎ परभणीत गुन्हा दाखल‎ परभणी‎ – तुझ्या आई-वडिलांकडून‎मोटारसायकल घेऊन ये, असे म्हणत‎विवाहितेचा छळ करण्यात आला.‎याप्रकरणी सासरच्या मंडळीवर 9‎जानेवारी रोजी कोतवाली पोलिस‎ठाण्यात गुन्हा दाखल करण्यात‎आला आहे. शाजिया शेख या‎विवाहितेने तक्रार दिली आहे.‎लग्नानंतर सुरुवातीचे काही दिवस‎चांगले नांदविल्यावर सासरच्या‎मंडळींनी लहान सहान कारणाने‎विवाहितेस त्रास देण्यास सुरुवात‎केली. भांडे बासण, मोटारसायकल घेऊन ये, असे म्हणत उपाशीपोटी‎ठेवून शारीरिक, मानसिक त्रास दिला.‎लोखंडी रॉडने मारुन विवाहितेला‎जखमी केले. जखमी विवाहितेला‎उपचारासाठी रुग्णालयात दाखल‎करण्यात आले. उपचारानंतर ‎विवाहितेने रफीक शेख, सीमा शेख‎या दोघांवर गुन्हा दाखल केला.‎ महिलेचा खून, आरोपीची ‎बदनापुरात आत्महत्या‎ करमाड‎ – करमाड येथील डीएमआयसी‎जवळच असलेल्या लहुकी‎फाट्याजवळ गुरुवारी (दि.9) रोजी‎रात्री साडेआठ वाजता 35 वर्षीय‎अनोळखी महिलेचा मृतदेह‎आढळला होता. महिलेची ओळख‎पटली असून सुनीता कृष्णा घनघाव‎(35, रा. झाल्टा, ता. छत्रपती‎संभाजीनगर, ह. मु. मुकुंदवाडी)‎असे महिलेचे नाव आहे. तर‎महिलेचा खून करून फरार झालेला‎आरोपी रावसाहेब तान्हाजी ओळेकर‎(25,रा. तळणी, ता. बदनापूर, जि.‎जालना. ह. मु. शेंद्रा) यानेही‎ बदनापूर पोलिस ठाण्याच्या हद्दीत‎ गळफास घेऊन आत्महत्या केली.‎ चार वर्षांपूर्वीपासून रावसाहेब व‎सुनीताचे अनैतिक संबंध होते.‎सुनीता हिने रावसाहेब याच्याकडे‎लग्न करण्यासाठी तगादा लावला‎होता, परंतु तो लग्न करण्यासाठी‎टाळत आहे, असे सुनीता हिच्या‎लक्षात आल्यानंतर तिने दीड वर्षांपूर्वी‎मुकुंदवाडी पोलिस ठाण्यात‎बलात्काराचा गुन्हा दाखल केला‎होता. जेलमधून राहून आल्यानंतर‎त्याने पुन्हा सुनीताशी जवळीक‎करून येणे-जाणे सुरू केले होते.‎दरम्यान, रावसाहेब याने दीड‎वर्षापूर्वी सातारा परिसरात एका‎मंदिरात लग्न केले होते, परंतु तो‎तिला घरी घेऊन जाण्यास नकार देत‎होता. सुनीता हिला तीन मुले‎असल्याने त्या मुलांचे काय करायचे‎यातून त्या दोघात वाद होता.‎त्यातूनच ही घटना घडली.‎ धुळ्यात साठ हजार पगार असलेल्या वीज वितरण कर्मचाऱ्यास 400 रुपयांची लाच घेताना अटक धुळे – शिरपूर-वरवाडे येथील एकाकडून 400 रुपयांची लाच घेताना वीज वितरण कंपनीच्या कर्मचाऱ्याला शुक्रवारी रंगेहाथ ताब्यात घेण्यात आले. जितेंद्र धोबी असे लाचखोराचे नाव आहे. त्याला 60 हजार रुपये पगार आहे. वरवाडे येथील एका नागरिकाने घराचे बांधकाम सुरू केले आहे. या ठिकाणी एक वायर अडसर ठरत होती. त्यामुळे या नागरिकाने शिरपूर येथील वीज वितरण कंपनीकडे ही वायर हटवण्यासाठी अर्ज दिला होता. त्यासाठी धोबीने 400 रुपयांच्या लाच घेतली. नदी जाेड प्रकल्पासाठी‎निधी उपलब्ध करून द्या‎; मंत्री विखेंची केंद्रीय गृहमंत्री शाहांकडे मागणी‎ शिर्डी‎ – केंद्रीय गृह तथा सहकार मंत्री अमित‎शाह यांची जलसंपदा मंत्री राधाकृष्ण‎विखे पाटील यांची सदिच्छा भेट‎घेतली. राज्यात नव्याने स्थापन‎झालेल्या महायुती सरकारमध्ये मंत्री‎पदाची संधी मिळाल्यानंतर विखे‎पाटील यांची पहिलीच भेट होती.‎शिर्डी विमानतळावरून नाईट लॅण्डीग‎सुविधा तातडीने सुरू करण्याची‎तसेच नदीजोड प्रकल्पासाठी निधी‎उपलब्ध करून देण्याची विनंती मंत्री‎विखे पाटील यांनी केली. डॉ. सुजय‎विखे पाटील याप्रसंगी उपस्थित होते.‎ मागील अडीच वर्षात महायुती‎सरकारने सामान्य नागरिकांसाठी‎यशस्वीपणे राबवलेल्या योजनांना‎जनतेचे मोठे पाठबळ मिळाले‎असल्याचे सांगतानाच महसूल व‎दुग्ध व्यवसाय विकास विभागाने‎घेतलेल्या महत्वपूर्ण निर्णय व‎कार्यान्वित झालेल्या योजनांची‎माहीती मंत्री विखे पाटील यांनी भेटीत‎झालेल्या चर्चे दरम्यान दिली.‎विधानसभा निवडणुकीत महायुतीला‎मिळालेले यश व जिल्ह्यातील दहा‎मतदारसंघातील मिळालेल्या यशाच्या‎पार्श्वभूमीवर मंत्री अमित शहा आणि‎राधाकृष्ण विखे यांच्यात चर्चा झाली.‎या भेटी दरम्यान डॉ. सुजय विखे‎उपस्थित होते. पुन्हा मंत्री पदाची संधी‎दिल्याबद्दल विखे यांनी केंद्रीय मंत्री‎शाहर यांचे आभार मानले. रुपयाची विक्रमी घसरण; एक डाॅलर 86.04 रुपये मुंबई – अमेरिकी डाॅलरच्या तुलनेत रुपयात प्रचंड घसरण झाली. शुक्रवारी रुपयाचे मूल्य 18 पैशांनी घसरून पहिल्यांदाच ते प्रती डाॅलर 86.04 रुपयांवर गेले. अमेरिकन डाॅलरची मजबूत स्थिती व परदेशी गुंतवणूकदारांचा भारतीय चलनावर दबाव आहे. या घसरणीचा परिणाम देशाचे बजेट आणि गुंतवणुकीवर होणार आहे. यामध्ये आयात करण्यात येणारे सामान, कच्चा माल, सुटे भाग आदींचा समावेश आहे. प्राध्यापकांच्या वैद्यकीय रजांवर यूजीसीचा अंकुश नाशिक – विद्यापीठ अनुदान आयोगाच्या (यूजीसी) नवीन मार्गदर्शक तत्त्वांनुसार प्राध्यापकांच्या वैद्यकीय रजेवर अंकुश आणला जाणार आहे. आजारपणाच्या नावाखाली अल्पावधीत कोणी रजा मागितली तर त्याला वैद्यकीय अधिकाऱ्यांकडून शारीरिक तपासणीसाठी पाठवले जाईल. नंतरच सुटी देण्यात येणार आहे. प्राध्यापक रजेवर हक्क म्हणून दावा करू शकणार नाहीत. यूजीसीने ‘यूजीसी रेग्युलेशन 2025’च्या मसुद्यासह प्रथमच मार्गदर्शक तत्त्वे तयार केली आहेत. यामध्ये प्रथमच शिक्षकांसाठी पाच मुद्द्यांवर सर्वसाधारण कर्तव्येही नमूद करण्यात आली आहेत. यामध्ये प्राध्यापकांच्या वैद्यकीय रजांसह इतर सुट्यांवरदेखील मर्यादा आल्या आहेत. दरम्यान, या मसुद्यामुळे देशभरातील प्राध्यापक संघटनांनी नाराजी व्यक्त केली आहे. नवीन मार्गदर्शक तत्त्वांनुसार, वैद्यकीय रजेच्या नावाखाली वारंवार रजेवर जाणाऱ्या शिक्षकांवर कडक कारवाई होणार आहे.