Nihar Thackeray Meets Eknath Shinde: निहार ठाकरे हे बिंदुमाधव ठाकरे यांचे चिरंजीव आहेत. त्यांनी आज एकनाथ शिंदे यांची भेट घेतली. यावेळी त्यांच्यासोबत शिंदे गटाच्या भारतीय कामगार सेनेचे पदाधिकारी किरण पावसकर हेदेखील उपस्थित होते. निहार ठाकरे यांनी शिंदे गटात प्रवेश केल्यामुळे एकनाथ शिंदे यांच्या बंडाला आणखीनच हवा मिळू शकते. निहार ठाकरे हे भाजप नेते हर्षवर्धन पाटील यांचे जावई आहेत.

 

Nihar Thackeray Eknath Shinde
निहार ठाकरे आणि एकनाथ शिंदे

हायलाइट्स:

  • निहार ठाकरे हे भाजप नेते हर्षवर्धन पाटील यांचे जावई आहेत
  • काही महिन्यांपूर्वीच निहार ठाकरे आणि अंकिता पाटील यांना विवाह झाला होता
  • आता निहार ठाकरे हे राजकारणात आपले नशीब आजमवणार आहेत
मुंबई: एकनाथ शिंदे यांच्या बंडानंतर शिवसेनेचे आमदार, खासदार, नगरसेवक आणि पदाधिकारी एकापाठोपाठ एक पक्ष सोडून जात असतानाच उद्धव ठाकरे (Uddhav Thackeray) यांची चिंता वाढवणारी आणखी एक गोष्ट समोर आली आहे. कारण ठाकरे घराण्याचा वारसदार असणारे निहार ठाकरे (Nihar Thackeray) हे एकनाथ शिंदे गटात सामील झाले आहेत. निहार ठाकरे यांनी शुक्रवारी एकनाथ शिंदे (CM Eknath Shinde) यांची भेट घेऊन त्यांना पाठिंबा जाहीर केला. एवढेच नव्हे तर निहार ठाकरे हे एकनाथ शिंदे यांच्या नेतृत्त्वाखाली आता राजकारणातही प्रवेश करणार आहेत. त्यामुळे महाराष्ट्राच्या राजकीय पटलावर ठाकरे घराण्यातील आणखी एका व्यक्तीची एन्ट्री होणार आहे. त्यामुळे आगामी काळात महाराष्ट्रातील राजकीय समीकरणे कितपत बदलणार, हे पाहावे लागेल.
पुतण्याच्या मदतीला राज’काका’
निहार ठाकरे हे बिंदुमाधव ठाकरे यांचे चिरंजीव आहेत. त्यांनी आज एकनाथ शिंदे यांची भेट घेतली. यावेळी त्यांच्यासोबत शिंदे गटाच्या भारतीय कामगार सेनेचे पदाधिकारी किरण पावसकर हेदेखील उपस्थित होते. निहार ठाकरे यांनी शिंदे गटात प्रवेश केल्यामुळे एकनाथ शिंदे यांच्या बंडाला आणखीनच हवा मिळू शकते. निहार ठाकरे हे भाजप नेते हर्षवर्धन पाटील यांचे जावई आहेत. काही महिन्यांपूर्वीच निहार ठाकरे आणि अंकिता पाटील यांना विवाह झाला होता. त्यानंतर आता निहार ठाकरे हे राजकारणात आपले नशीब आजमवणार आहेत. निहार ठाकरे हे आतापर्यंत राजकारणात कधीच सक्रिय नव्हते. मात्र, निहार यांनी ठाकरे घराण्याभोवती असलेले वलय वापरून राजकारणात स्वत:ची छाप उमटवल्यास ते उद्धव ठाकरे यांच्यासाठी आव्हान ठरू शकते. नुकतीच स्मिता ठाकरे यांनी मुख्यमंत्री एकनाथ शिंदे यांची भेट घेतली होती. त्यादेखील एकनाथ शिंदे गटात सामील होणार असल्याची चर्चा आहे.
रामदास कदम म्हणाले, ‘….तोपर्यंत पुन्हा उद्धव ठाकरेंच्या नेतृत्त्वाखाली काम करणार नाही’
कोण आहेत निहार ठाकरे?

निहार हे शिवसेनाप्रमुख बाळासाहेब ठाकरे यांचे नातू आहेत. त्यांचे वडील बिंदूमाधव यांचे १९९६ मध्ये अपघाती निधन झाले होते. मुख्यमंत्री उद्धव ठाकरे व त्यांचे बंधू जयदेव हे निहार यांचे सख्खे काका तर राज हे चुलतकाका आहेत. निहार ठाकरे यांनी एलएलएमपर्यंत शिक्षण घेतले होते. त्यानंतर ते सध्या वकिली करत आहेत.

जवळच्या शहरातील बातम्या

Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.

Web Title : Marathi News from Maharashtra Times, TIL Network



Source link

Leave a Reply

Your email address will not be published.